Ukraine Nih An Tei Deuh Ko Hna.

Ukraine Nih An Tei Deuh Ko Hna.
=========
Lai tuak incun tamdeuh athah khawh tu nih Tei a si tawn ko. Pafa bantukin aa thlau mi, Vanmi le vawleimi tlukin aathlau mi Russia le Ukraine dohnak ah Ukraine nih Russia ralkap an thah deuh hna. Helicopters le Jet Fighters an hrawk mi zong a tamtuk deuh fawn. Let 5-6 in aathlau.

Laidan cun Ukraine nih a tei kan ti ko lai. Judah miphun pa nih Tamada a tuan caah Pathian umpi nak alanghnak asi. Tamada le a dongnu hrim hrim nih ral an tuk ve. Rak kan zulh uh, ral va doh usih tiah Ukraine mipi cu anmah pumpak nih an hruai hna. Kan nih cu Ramdang an umnak in va doh uh law va that dih uh, an cihmih dih uh an kan ti.

Zalenskyy hrim nih follow me ati. Va tuk uh, va doh uh ati lo. Rak ka zulh uh keimah hmai ka suan lai. Ka kah hmasa lai. Ka thi hmasa lai ati. Amah zong a zam lo. Kannih cu ramdang ah an kanzam tak dih. Mosey Dayan zong follow me, rak ka zulh u timi phung a hmang ve.

Ukraine nih Russia Raltuknak Vanlawng an hrawk mi hi MAH te taa sisehlaw, a dih cikcek cang. Cucaah cun dakaw, NUG le ramdang nih hriamnam lawng lawng kan bawmh uh kan ti tawn ve cuh. Ngeihzat Vanlawng cazin cu: Helicopters (145 Ukraine, 1573 Russia). Jet Fighters (325 Ukraine, 4208 Russia)

Russia Sin Ah Cawn Tlak mi le Putin Aa Chuaksual Cang Ko Rua. Ukraine tuknak ah Russia nih an sungh mi hi a tam tuk hrinhran. Arau hlan ah Putin tiang tli dawh in thil aum cang. Vawlei pi ah thazang a thawnbik mi ram pakhat asi ve mi Russia rilmal nih hi tluk in thilri le ralkap an sungh hi ningzak tuk awk asi.

Kawl Rallokap hmanh ni 5 chung ah 4500 leng cu kan thah khawh tung hna lo. Ukraine nih an hrawk mi Tanks, Jet Figters le Raldohnak Motor thatha vialte hi a man in tuak cawk lo asi. MAH te Ralhrang Rallokap an ngeihmi in tuak ahcun let 7 bak in a tam dueh.

Vawleipi le USA, NATO, EU, UK te pawl nih Ukraine bang in kan bawmh hna sehlaw, Ni (5) ah MAH kan thluk lai tinak asi. Ukraine an bawmh mi Hriamnam le Phaisa (1/7) Chue sarih ah cheukhat te hi kan bawmh hna sehlaw cu Kanram le miphun a dam nak hi a hlan tuk cang.

Ni 4-5 chung ah NATO le American tuahmi le tinh mi cu alangh dih hirhiar ko. An pumpak in ral an doh ve lo, an ngunsawm le Hriamnam in an doh ve caah Russia an pulh dengmang hi asi. Putin cu sivang tukah Nuclear hmang cang uh ati cang hna. Ukraine hawikom ram hna hi Nuclear ngeih lo ah maw aruah hna hnga. Israel pa nih Ukraine Tamada asi tikah, Israel nih a bawmh lai zong hi Putin nih tuak a philh rua. Hngalhriang thih kaw, vomkhuai a hnakruh afak ti pei asi khah.

Hramhram in ral asertu tiah Russia mipi nih an mawhchiat cang. Raldoh loin a kir ahcun Russia cu Saupawh le sawthelh asi cang lai. Ralsungh buin hitin akal ahcun, limhang a zawr dih lai, Super power 2nk cu Tuluk ah achanh cang lai. Joe Biden a uar lo tu hna hi hi USA thluak lawngte asi tihi nan philh rua.

Ral adih hlan ah Russia nih an sungh mi hi a tam tuk caah laimi nih tuak khawh phun asi lo. American nih Russia thuatnak caah Ukraine hi a dangh. Soirawl ah tar dawh asiko. Biden a tar naisai rih tung lo. A ti tuk ko hen hi.
Russia ral asungh ahcun Tuluk Rili thlanglei le Taiwan a mit athi tuk i cilh a dawlh mi Tuluk caah mangchia asi cang lai.

Globalization chan ahcun, Mi zei ram hmanh mah lawng tein um khawh asilo tihi an kan cawnpiak. Mipi le Vawleipi nih cohlang lomi ral cu an sung tengteng tihi asiko. Putin nih atuaknak ahcun Russia nih Zinan le gas hi vawleipi ka pek hna. Cucu ka phih hna ahcun an dih ati ve. US nih Russia SPH sin ah dollar 2 in a rak cawk mi Alasaka ah Zinan le gas hman cawk lo a um hi Putin nih atheih ti lo.

Canada nih Zinan le gas vawleipi a pek khawh ti zong Putin nih tuak aphilh. Australia zong a rili chung um a chiah mi Zinan le gas in arum khawh ve i Tuluk le Russia sipuazi ah an kan tei khawh ti kha Putin tuak aphilh mi asi.
Russia sipuazi an phih mi hi ram sifah ah aa chuak khawh mi asi caah Russia mipi tampi nih Putin sandah an piahhnawh hi asi. Semiconductor an phih ahcun Russia cetzung, computer, information le IT vialte a stop dih cang lai.

Cucaah Putin cu KTV ah akal i kawl hla asa. Keimah nih palh lo awk cu thalo lakin ka palh cang. MAH aw rak palh ve ti hlah. Hnu kir ko uh sih, Mipi nawl pek cang hna usih tiah lunghno ngai in Putin hlasak mi rak ngai cio ve tuah uh. Credit: Joseph R. Thang