Ukraine nih an herhmi Syria ser Jet- MiG cu a pe ngam hna lo!
Ukraine nih an herhmi Syria ser Jet- MiG cu a pe ngam hna lo!
======
New York Post nih an von tialmi article pakhat ah Former President Obama nih a rak i palh bantuk in Joe Bidden zong nih a palh ve tiah an von phawmh hna. Quote “Biden’s immoral decision to deny Ukraine jets repeats Obama’s mistakes.” “It’s clear that Biden has learned nothing from Obama’s mistakes — nothing.“
Former President Obama palhnak tiah an von charmi cu, Syria President Assad nih chemical weapon in a ral a kah hna i civilians tam ngai an rak thi. Obama nih chemical weapon na hman rih ahcun, kan phawmh lai tiah Redline a chiah piak. Asinain Syria president nih Russia ibochan in Chemical Weapon cu a hman thiam. Obama’s redline cu a pah.
Asinain President Obama nih Vladimir Putin a ttih caah Syria’s President Assad cu a phawmh ngam lo. A red line cu a let tak diam. Cu tikah, Vladimir Putin cu Syria ram ah a lot i, Mipi zawnruahnak ngei loin Bomb a thlak hnawh hna i, SYRIA president Assad cu a tthut nak te ah tha tein a thutter tthan.
Ukraine nih an herhmi Syria ser Jet- MiG cu a pe ngam hna lo. Ukraine le Russia war hi kan karhter chin sual lai timi an ttih tiah a riantuantu nih an chim. Biafang deuh ah: Vladimir Putin nihcun Ukraine ram ah Volunteer fighter tampi ka kuat chap hna lai tiah a ti. News a reltu lei in an comment lulh ciomi cu, Vladimir Putin nih volunteer fighters a kuat bantuk in, ziah West lei nih “Volunteers” biafang hmang in, Volunteer fighters cu nan kuat ve ko lo? ti a si.
Minung pakhat nih caan sautuk uktu an ttuan hi a tha tuk rua lo timi ka lung ah a chuak ngai i, Chim society kong he pehton in ka lung chuakmi tlawmte ka von thai. Vladimir Putin hi 2000 in Russia a uk i, 2022 tiang a peh cang i, Kum 22 a ttuan cang. Mah chung ahhin US ram ahcun, President 5 an ithleng manh cang. (Clinton, Bush, Obama, Trump le Bidden)
Canada ah “Chin Christian Fellowship of Canada” hi 2006 ah Khrifabu tampi ifawnh in an rak dirhmi a si i, an dirh ka, 2006 in nihin tiang Pastor Cung Cin nih a hruai hna. Kum 16 a hruai cang i, mah chung ahhin Canadian Prime Minister hmanh 3 an ithleng manh ve cang. Kum zeizat dah a va peh rih lai hngalh a si lo. Dictatorship ram pawl ahhin hruaitu itheng a um lo. Minung pakhat nih saupi hruaimi ram paoh hi an si a fak tiah chim ahhin kan palh lem lai lo.
Cucaah, Ramleng, US, Canada, Australia le Europe tbk ah Khuasa Chin Khrifabu vialte hna hi local church lawngte an si i, Khrifabu zohkhentu caah lakmi pastor paoh zong hi permanent phun in a kal cang tikah, mah dictatorship phun deng system nihhin Khrifabu le khuatlang a thanchoter lai maw, timi Question a ka tuahter ngai. Pastor zong cu minung an si bantuk in chambaunak an ngei tikah, thlen or phuah ahcun Khrifabu ithen/ crisis ton hmasa ahau phun dirhmun in um viar a si tikah, hnahnawk ngai a si.
Cu tikah, second question a rami cu, ramleng ah kan Khrifabu hna hi Kum 50 hnu ah zei dirhmun dah a phak hnga, timi a ruat khomi caahcun, tulio kan dirhmun hi thinphang awk a um kho men tiah ka ruah. Cucaah, vawlei cung thil umtuning ka zoh tikah organization kan sermi, Buu ahhin hruaitu hi an ithlen pah lengmang a tthabik timi a fiang ngai ka ti.
Cun, Khrifabu hi Local siloin, Centralization in kal kho sehlaw, cuticun a ngam a dam bik lai timi a von fiang ngai fawn. Example ah CBCUSA hna khi, a members pastors vialte khi, central in tlai kho hna sehlaw, pastor pakhat khi church pakhat ah Kum 4 terms tbk in chiah in church dang ah tthial khawhnak khi ngei hna sehlaw, Khrifabu Kip nih pastor thar an ngei kho peng hnga, pastor kong ah buaibainak a um hnga lo. Credit: Zasang Cinzah