U.S. Secretary of State Antony Blinken le China Foreign Minister Yang Jiechi cu a voi 1nk an ichawn

U.S. Secretary of State Antony Blinken le China Foreign Minister Yang Jiechi cu a voi 1nk an ichawn. U.S Secretary Blinken nih Tibet ram siseh, China ramkulh, Xinjiang ah a ummi, Muslim, Uighurs miphun an si ah, Hongkong le Taiwan tbk ram hna ahhin U.S nih an Covo le Democratic value an dirhkamh hna nak kong a langhter. Cun, International Communities nih Myanmar Military Coup an mawhchiatnak ahhin China zong itel ve dingin a forh hna.
Asinain China Foreign Minister Yang Jiechi nih China ram chung kongkau a simi, Tibet, Hongkong le Xinjiang ahhin nan ithlak awk a si lo tiah a chalh colh ve. Former President Trump chan lio ah China cung ah an rak tuahmi polices vialte cu thate in Joe Bidden cozah nih an zoh tthan dih. Asinain Trump nih a rak tuahmi ningning in pehzulh an si ko hna tiah CNBC news nih a langhter.

China chaklei, Xinjiang ramkulh ah khuasa, Muslim biaknak a biami Uighurs miphun pawl hi China nih an ci hmih/ genocide a tuah hna tiah Trump Cozah nih an phuan ta. Cun, Tebet, Hongkong le Taiwam ram kong ahhin U.S le China ihmuh thiam lonak a san tuk lio a si. Tuhi a thar in Myanmar ram a von ichap rih. US Security Council ahhin China le Russia nih Myanmar Military sualphawt ding an block nain an tlaihmi hna, Aung San Suu Kyi le midang vialte thlah dih ding cu an lung a tling ve. Cun, UN Secretary General Antรณnio Guterres nihcun Myanamr Military coup fail in Democracy ram dirh tthan ding in Vawleipi kan ipum lai tiah a ti.

Kawlram ah sandahpiah a sang chin lengmang. China le Russia nih Ralkap lei an ttang nain Vawleipi cu mizapi lei ah an dir ko. Abik in U.S cozah nih ralkap cung ah biatak tein hmual hman a timh ko. US senate tiang ah Bill an chuahpi cang. Cucaah, tulio ralkap nih an thil tuahmi cungah an ichuah-sual cikcek nakhnga lamkip in cawlcangh cio a herh liote a si.
Relchap, Kawlram khuakip ah a thong thong in Mipi an chuak cang. Ralkap uknak hi โ€œoverthrowโ€ hloh dingin ready an si cang. MIPI cu an chuak cang i, biapimi cu Hruaitu an si. Tutan ahhin 2008 phunghrampi hi thah/destroy lawlaw in, Mipi nih uknak lak lawlaw a herh lio caan a si. Example ah, Mipi thazaang hmang in, NLD kha interim Cozah thar dirh ter in, cun, UN Ralkap/ peacekeeping pawl kha, National security caah request tuah colh kho hna sehlaw, cun Ralkap lutlai/ leaders vialte kha tlai viar hna sehlaw, cuticun Ralkap telh bak loin, Democracy ram thar a dirh khawh nakhnga ruahnak/ thluak chuah a herh lio caan te a si.

Cucaah, tlangpar/ethnic lei hruaitu vialte an si ah, Kawlrawn lei an si ah, Zeitindah Ralkap uknak hi kan hloh/ destroy lai i, Zeitindah Mipi duhmi Cozah thar kan dirhning a si lai tbk, cun, zeibantuk buu ahdah kan ifuntawm chung a herh tbk pawl hi ttha tein an iruah cia a herh bak lai ka ti. Democracy le Federalism a duhmi vialte, kan pale/ leaders pawl hi thate in an ifun/tawm khawh lo ahcun, tulio Mipi thazaang hi a lak a si kho. Kan hruaitu/ leaders pawl nih hin Mipi thazaang hi a hman zia thiam hram hna seh timi hi ka thlacamnak a si. Credit: Zasang Cinzah