Tuchun ah Vaurawng nih Awards 2 an ngah le Laimi kan zia a vun lang hoi!

Kaituarlo Ngai!
==========
Lai Media le Vaurawng ti bantuk nih vanlawng kahnak an ngeihmi le drone kong hna hi chim lo ding, mipi hmuh ah phozar lo ding, zeitluk in a that I a chiat timi zong chim lo ding, hi bantuk kong hi cu interview zong tuah lo ding, zeicatiah ralhrang nih an theih ahcun kan lo lai, timi catial mi tete ka hmuh pah i a lo ngai nain lih le hrokhrawl lawngte asi.

Drone hi mizeihpaoh nih hman dihmi le theih dihmi asi ko, kawl ralkap nihcun an kan thei lai lo ti maw nan ruah hna? America military drone vialte hmanh khi theih dih an si ko, zeibantuk advanced technology weapons hmanh secret aum ti lo nuclear tiangin zapi nih theih dih asi ko.

Tuchun ah Vaurawng nih Awards 2 an ngah le Laimi kan zia a vun lang hoi le misualnak lawngte kan kawl hoiko rua hi! Zeibantuk drone video, hriamnam tha, an thawnnak pawl kong hi chim thluahmah u, CNA le CDF an cahnak zong chim thluahmah ding, thuh le thuh lo ding aum ko, Kawl media ngan nih an chim le tial vial ahcun like he share he va bawmh I Laimi nih vun tial le chim vial ahcun cu e, kha e,, va ti len.

Mipi thathawhnak tuah khawh zong hi a biapi tuk timi asi kha philh hlah u, thuh le thuh lo ding hi ai dang ve ko, kan group ahcun drone kong le hriamnam the le CDF caah mak komh hi cu cheih thluahmah ko u.

CDF le CNA thazaang dernak, hriamnaam an ngeilo nak, an i lungruallonak, an buainak, hriamnam an laknak, tuk an timhmi sakhan kong, pumpak hmanthlak, an umnak camp le athli in thil an tuahmi pawl tibantuk belte hi cu chim bak lo ah a tha hnga. Kawl media le miphun dang vial nih zalawng tein an chim ko cuh chim ding le chim lo dingmi cu aum ko drone kong hna cu hi group ahcun cheih thluahmah u! Credit: Chelsea Bawi

CDF-Kanpetlet pawl Eidin Tirawl lei Bawmh an Herh! Nawlnak; Bawmhnak a pe kho ding in nan hawile an um ahcun thawngthanh le share in i bawm cio hna u sih! SAC ralhrang a do cuahmahmi CDF – Kanpetlet ralkap pawl eidin-tirawl lei bawmhnak kan herh, tiah CDF – Kanpetlet nih bawmh hal thawngthanhnak an tuah.

CDF – Kanpetlet ttuanvo ngeitu pakhat nih, “SAC ralhrang nih Kanpetlet ah thazaang an chap cuahmah bang in pehtlaihnak lam zong a pih dih caah atu bantuk in eidin-tirawl lei ah kan harnak hi a si. Nitin ti awk in kan i kap fawn,” tiah The Chin Journal ah a chim.

December 4, 7 le 10 zong ah CDF-Kanpetlet le SAC ralhrang karlak kahdohnak pehzul in a chuak i ralhrang lei in minung 11 an thi. CDF – Kanpetlet lei in aa hliammi le a thimi an um lo. Ruahsur le khuasik lak ah eidin tirawl harsa in kan ram le kan miphun ca ah nunthaap in ralhrang a do cuahmahtu CDF – Kanpetlet pawl bawmhnak pek ve ding in kan in sawm hna.

A tang Facebook Page Link hi kau law CDF – Kanpetlet Page ah na lut lai i Chat Box ah bawmhnak kong ruah khawh an si. 24hrs in an tthut caah fawi tein pehtlaih khawh an si. Hmanthlak; Kanpetlet ralram hmun khat ah CDF – Kanpetlet ralkap pawl rawl an dum lio.