Tlawmpal ah China, India le Russia hmunhma a kau chin cang lai!
Russia le Ukraine buainak le thil cang ding!
=========
1. Ukraine cu NATO member ah cohlan khawh asi lo caah U.S le EU nih an bawm kho lai lo. Cucaah, Russia nih Ukraine cu a lak ko lai. 2. Tuhnu hmailei ah Russia, China le India cu an thawng chin lai, hawikom t’ha ah an i tlaihning a feek chin lai.
3. China nih Taiwan zong a lut hnawh kho fawn. 4. Tuhnu kum tlawmpal ahcun China cu GDP no.1 ah adir kho colh cang lai. 5. China le India cu modern techonology tha le thiamsang ram/miphun an si cang tikah tuhnu kum tlawmpal ahcun vawleicungah power ngei bik an si cang lai.
6. Tlawmpal ah China, India le Russia hmunhma a kau chin cang lai. 7. China le Russia hi khuaruahhar hriamnam tha an ngei, U.S le NATO zong nih kham kho lo ding in an thawng cang. 8.Tutan Russia le Ukraine kongah dantatnak an pekmi hi a faak ngaimi asi caah President Putin nih hnu aa thawn duh bal lo. Cucaah, Nato nih phunglam lonh in a cawngcangh sual ahcun Russia nih thlachiat ruah loin Europe ciam dih lak in a tuah kho.
Nitlak lei ram America le Europe hi China le Russia, India nih an zuam cuahmah hna. Kum 100 chung U.S le EU nih vawleipi cu an kut ah an tlaih peng tikah China, Russia le India nih an duh ti lo. Atu ah China cu U.S hnu bak ah adir cang i, U.S zong zeipipa a rel ti lo. Hrimnam hna ahcun Russia cu tihnung bik ahung si cang. Cun, India le China,Russia hi chanthar technology ah a thiambak mi dirhmun ah an um cang tikah nitlak lei ramthumnak pawl hi an zenh ti hna lo. Kanmah lo cun an si kho ve lo timi an pemh cang.
Cu ruangah, India demcoracy tha bik timi hamnh hi duhsah tein a lungput ruahnak aa thleng thluahmah. EG.Myanmar le Ukriane kongah vawleicung democracy tling le tha bik ram timi nih a holh duh set theng ti lo. Cucu, Russia le China mihmai a zoh hna, hawikom t`̀ha bik lei ah a i tlaihchannak afek chin. Cun, India hrimnam vialte hi Russia ah cawkmi asi. Cucaah, India le China le Russia cu hawikom 3 amak taktak mi ah an hung dir cang.
Cun, U.S le EU hi anmah duhmi le ruahmi theng kha midang nih duh dih ve hna seh tiah aherhlo tiangah nawlngeih a duhmi miphun an si. Cucu, an cawlcanghnak ah tampi hmuh asi. Anmah tuahmi paoh kha a tha tiah ruat in, midang tuahmi kha cohlan duh lo, zeirello, soisel le midang va aiawh phun hi an uar ngai caah, cucu China le Russia nih naan i zumh sual lai hnu-hmai zoh pah cang uh an ti lengmang pah cang hna. Nanmah U.S le EU lawng minung nan si lo, chan aa thleng minung le thil sining zong aa thleng tiah, an tongh pah thluahmah cang hna.
U.S le EU hi China lo cun thil an tuah kho tuk ve lo. Cun, Russia le China nih hin meithal hrimngam ngan pipi tamtuk an ngei ́ballistic missile’ an tuahmi langhter rihlo ,an thuhpi zong a um rih ti asi. Cun, Vawleicung milurel cheuthum cheuhnih cu Asia le China le India ah um asi. Cutikah, hmailei ah Asia cu hmun-nuam le a thangcho ngaimi ah aa chuah lai caah “America le Europe” mirum tampi nih Asia ah Invest an tuah timh cuahmah.
Cucaah, tuhnu kum tlawmpal ahcun China cu GDP no.1 ah a dir kho colh te lai. Tuhnu kum 100 ahcun India le China le Asia hi a biapi tukmi hmunhma le mirum ngai ah aa chuah te lai. Cutin, China le India cu vawleicung superpower ram no.1,2 hrawngah an hung te lai. Credit: J Duhlenthang Thianhlun
