Thuzar Wint Lwin Cu Tlaih Dingin Warrant An Chuak Tiah Thawngpang A Lar

Miss Myanmar Thuzar Wint Lwin nih Kan Chin (Lai) thuam he Vanraangtang Muidawh Zuamnak (Miss Universe 2021) ah kan ram (Burma) buainak kong ralṭha taktak in a langhter i “Pray For Myanmar” tiah a ṭialmi cazual te samh i vawleipi mit ṭhep lo in sn zoh.

Top 21 tiang a phak khawh pinah National Costume Winner ah an thim rih. Kan Chin (Lai) thuam nih Miss Universe i buan a co khawh ve mi hi hofa hme lawmh lo in um kho lai. Miss Myanmar Thuzar Wint Lwin cung hrim ah Chinmi kan i lawmhnak hi mangtara a si. Laksawng hrimhrim kan pek ve bak a hau. Laksawng bawm kan donh telai. Laksawng rak pe cio te uh.

Lawmhpi lei si lo in tleih an timh hoi. Thuzar caah thinphang ngai si. Vawlei cung muidawh zuamnak ah Chin ram Hakha ai awh in aa zuam i National Costume winner simi Thuzar cu ralkap nih tleih ding tiah nawl an chuah ti si. A ruang cu mirang ca in Pray for Myanmar timi aa put leng ah Myanmar mipi kan dirpi hna tiah Vawlei pi theih in a chim caah tleih ding tiah ralkap nih an thanh tiah media nih an phuan.

Tha Tein Rel Ding: 1. Khuachia siseh, Khuavang siseh, Sehtan siseh, Muthla siseh pakhat hmanh ka mit in ka hmu bal hna lo caah tihnak ka ngei tuk lem lo caah ralkap kawngsi zong he tahchunh awk caah kaa harh ngai. 2. Ka mit bak nih a hmuh balmi long si lo in ka cung ah harnak a ka pe balmi zong a simi lak ah ka fih bikmi le ka tih bikmi cu “Edum dum dawh nuam ah Eve le Adam a hlengtu hna Rul” hi a si.

3. Cucaah rul bang fih le tih le huat a tlaimi ralkap kawngsi nih muidawh, pumrua tha, biachim thiam, mipi kan tuar innak a kan hrawmpi tu le Chin thilthuam dawh a cawisangtu cu tlaih ding in nawl an chuah hawi cang. USA ram ah va tang beh hram ko seh. US um Laipa hna nih va thi sehlaw special bak a si hnga ka ti.