Thein Sein chan lio ah Minister for Information lei a tlaitu Pa Biachimh Cu

Thein Sein chan lio ah Minister for Information lei a tlaitu le Chimphuannak nawl a ngeitu pa nih Sianginn kai lo ding kong a chim a aupi mi hna cu Taliban bantuk an si ve a ti. Kawlrawn ka phak i riantuan hram ka domh ka ah a men lo an ti len. Minung hi kan rak mawh hrimhrim lo. Public International Law class kan rak kai lio ah, a dih bak in nihin kan cawnmi cu a tha tuk ka rak ti hna i An rak ka nih dih.

Ziah hi bantuk cu bachelor ah pei kan cawn dih cangmi a si. Na cawng bal lo ma tiah pakhat pa nih a rak ka ti. cawng bal hlah ka ti i aw mah caah cun a tha tuk na ti i a si lai. Basic pei a si cu a rak ka ti. Ka chim bang ka nolh rih lai. Kan theihnak a tlom tuk ruangah a tha tukmi a um bang kan theih taktakmi a rak si caah a tha tuk kan rak timi zong hi an um ve ton. Ralkap hlun cu cakei bang a tial a tlau kho hrimhrim lo. Hi pa hi. Credit: Saya Thawng Za Pum

Thawngpang dang relchap ding; Mindat, Na Tei Ko! Kanmah le hmun ciacia ah Mindat kan unau an tuahto hna ning ruah ah lungfah celh a si lo. Atu tan dohnak ah hriamnam aa dan tuk caah atu cu ralhrang nih Mindat khua ah an hrang kho ti kan theih tikah thin a hung, lung a fak.

Nain, hi tluk hriamnam aa dan ko bu ah ral tha tein kan ram caah nunnak a petu ulenau hna upat lo awk an tha lo. Atu tan i dohnak ah tuanbia dawh an kan tialpiak. Kei nih cun an tei ko tiah ka ruah. An ngeihchun tein an doh hna, hriam tha a tlaimi sivang in an tuah khawh hna. Ceilak in an tongh khawh hna. Bawmhchanh hau in an tuah hna. Hihi a fawimi a si lo.

Cucaah, Mindat, na tei ko! Atu ah hnulei ah na zuk ta, cucu hriam aa ruan lo caan ahcun, a fim zong nan fim caah a si. Mindat khua cu nanmah ta a si bantuk in nan lak than ko lai. Rak i hrim than u. Thlaza kan in campiak hna.
Kan naule nunnak a liammi an um ti kan theih tikah kan ngaihchiat le lungfah a zual. Taantakmi chungkhar Bawipa nih hnem ko hna seh! An thisen a lak a si lai lo. Tuanbia ah kan techin fapar tiangin an kong, an min le ram an dawtnak chim a si lai. Atu i aa khawngmi le tukvelh a tongmi hna, Bawipa nih damnak in pe tuan hna seh. Tlaihkhihmi hna zong Pathian nih humhim hna sehlaw tuan ah luatnak hmu ko hna seh.

Hi dohnak lamthluan ah midang caah zohchunhtlak nan si. I zohchun cio dingin nan nunnak le tuahsernak in nan langhter. Kan i lawm tuk. Khuazing Pathian nih fimnak, damnak, thawnnak, himnak le teinak in pe ko hna seh!
Kan thinlung cu nan sinah a um ko. Nan ca thlacam kan dai lai lo. Pathian nih teinak kan pe ko seh!

NUG nih Hriamnam Phuntling In Timhtuahnak An Ngeihnak Kong An Thanh. People Defense Fore hriamtlai phu cu nihin vawleicung ralkap nih an hmanmi hriamnam tlamtling tein hman khawhnak ding caah timhtuahnak kan ngeih cuahmah lio a si, tiah National Unity Government, Prime Minister Mann Win Khaing Than nih May 16, 2021 ni ah mipi sin ah thawngthanh nak le biacahnak a ngeih, tiah thawngpang theih a si. Asinain, nihin vawleicung ralkap level tiang a si khawh nakhnga caah le mipi tha tein humhimnak an pek khawhnak ding caah caan tlawmpal lak a herh, tiah a chim.

Nihin vawleicung ralkap nih an hmang mi hriamnam phuntling zong a herh i, raltuk thiamnak lei a phunphun cawn le training kai a herh mi a si caah ningcang tein tintan kai le ralkap thazang in siseh, hriamnam thazang phuntling tein timhtuahnak kan ngeih caah caan tampi dih le man tampi liam in a caan lak a herhtuk mi le abiapi tuk mi a si. Mizapi nih nan theihthiam lai i, nan fiang ko lai, tiah ruahchannak nganpi an ngeihnak kong cu Mann Win Khaing Than nih a chim chap.

Cu hnu ah Mindat khuapi chung um mipi kan dirkamh khawh lomi hna zong thinlung a faknak kong, ralhrang pawl nih namnehnak a phunphun in an tuahsernak vialte cu a ralchantu Mindat khuami pasaltha hna cu Kawlram pumpi mipi nih kan upat hna, tiah a chim.

National Unity Government cozah lei nih Mindat mipi pawl nih an temtuarnak vialte hi zoh sawhsawh si loin lam dangdang lei in thathnemnak caah Mindat mipi bawmhkhawhnak ding caah vawleicung ram cozah pawl he meeting kan tuah i, bawmh khawhnak lam kan in kawlpiak ko hna. Cu hlei ah ramchung um mi he zong pehtlaihnak le bawmhnak lam pawl a rang khawh chung tuah kan izuam lai, tiah NUG cozah thar Prime Minister Mann Win Khaing Than Nih a chim.

May 16, 2021 ni ah National Unity Government cozah thar thla khat tlinnak ni zong a si. Cozah thar thla khat tlinnak ni ah National Unity Government cozah thar Prime Minister Mann Win Khaing Than nih atu bantuk in a chim hi a si.