Thawngtha Tuk; Van Duh Lian Nih Spain Ram Club Pakhat Ah Min Thutnak A Tuah Cang!

Lunglawmhpi Nak!
============
Khuabung khua mi Pu. Kio Za Thang le Pi. Kawi Chin Sung hna i an fapa Van Duh Lian nih Spain ram ah a ummi soccer club Alicante FC Academy he bawlung chuih kho dingin min thutnak a kan ngeih piak khawh caah lunglawmhnak chim cawk lo kan ngei. Bethel University ah sianginn a kai lio mi asi.

College a dih in, Alicante FC Academy ah bawlung chuih dingin kal tthan dingin timh tuahnak zong a ngei chih fon. Hmailei a sianginn kai nak ah siseh, bawlung a chuihnak zongah siseh, Bawipa nih teinak he lam hruai chin ko seh tiah thla kan cam piak!

We would like to give our heartfelt congratulations to Van Duh Lian for signing with Alicante FC Academy in Spain! He is the son of Kio Za Thang and Kawi Chin Sung from Khuabung village. He goes to Bethel University. After he’s done with his studies, he plans on playing for Alicante FC Academy. We wish him nothing but success in his soccer career! We’re beyond proud of you Van! May God be with you in all of your soccer careers and future endeavors! Zophei Community of America – Youth

Kawl Ralkap Nih Hriamnam le Covid rai in Mipi Tei Khawhnak Lam A Kawl. Min Aung Hliang le a ralkap nih hriamnam le Covid rai in ramchung mipi teinak lam an kawlnak cu tawi te in langhter ka duh. Covid pulrai ruang ah PDF training a kaimi khuachung an lut than tik ah mino hna cawlcangh ning hlatkhawhnak lam a ngei. Cheukhat hremnak ah an nun aliam. PDF cheukhat an tlaih hna. Mipi lei nih ralkap dohduhnak kha covid pulrai hriamnam hman in khua chung ah zawtnak kharh ter le mipi thih nak lam an kawl.Zawtnak ruang ah Mipi lei kap lungthin zorter in mino hna le PDF pawl (Khua ah Covid Volunteer) bu ser in PDF mino cawlcang kho lo le thazang thawngter lo ding in um ter an duh.

1. Oxygen An Phihnak A ruang; A tulio mipi azaw mi nih a herh bik mi thli (Oxygen) laknak a phih hramhram. Zan can chuaknak nawl an khar (Curfew)order ruangah zan mizaw zual mi hna Sii cawk le oxygen lak khawh a si lo ruangah a thi mi an tam. Mikip nih nunnak caah a herhbik mi thli (oxygen) hmuhnak lam lawng kawl a si tik ah khuazei ah BOOM, meithal a puak ti le PDF le ralkap dohnak ah ralkap lei minung zeizah an thi ti le khuazei ah Dalen an thah ti thawngpang theih ter lo kha ralkap nih an duh mi a si. Ram chung miipi cungah dawtnak an ngeih lomi ruangah covid pulrai cu hriamnam phunkhat ah an hman. Mipi thahnak ah an hman.

July(21) tiang kawlram ah Covid hrik ngei(240,000) le a thimi(8000) hlei an si. ASEAN ram ah zawtnak hrik akarh rang bik mi le minung athi tam mi pathumnak dirhmun ah a phan. Mah tluk mipi an thi cuahmah lio Yangon ah oxygen sehzung (16) an khar. North Ohkalah Medical Sianginn(2) le Siizung ah ralkap bawi pawl nih tuahmi lawng ah oxygen lak khawh asi. Cun mah le pengchung mipi tangka in an cawkmi(oxygen)seh an phih ter hna. Kalaymyo mipi nih ting 1500 kyat in cawkmi nikhat ah Oxygen 40 ml dur (70) a chuah khawhmi Seh) zong nai ah an phih ruangah thih can za lo in nikhat ah minung(42)tiang an rak thi.

Ralkap timhmi cu oxygen a herh mi nih an mah ralkap nawlngeihnak tang ah um hna sehlaw ralkap lawng nih mipi nunnak a chanhchuah khawh tiah kan mah lei ah mipi i lungthin I mer than hna seh ti an duhnak a si.

2. Cozah Sii-Inn Kip Ah Ralkap An Umnak A Ruang; 2015 kum NLD chan Covid Center emergency center pawl zong an hrawh dih. Mipi sin Covid pulrai atlun lai i zawtnak a karh lai le mipi a thimi an tam tuk lai kha zei an rel lo hlei ah Quarantine center a sakmi zohtik ah azaw mi chim lo a dam mi hmanh um awk tha lo.Cun Sii-inn ah ralkap an um ruangah mipi duhcan paoh ah lutchuah khawh a si lo. CDM alutmi Siibawi (Doctor le Nurse) nih siizung a kai lo caah Sii-zung panh khawh a si ti lo.Sii-inn ah Sii, Mizaw, Doctor le Nurse um ding kha Ralkap nih meithal kuan le zen in Sii inn an hngak.

July (19) Yangon ah CDM lut Sii lei Doctor nih volumteer in Covid a zaw mi pawl an zoh mi ah an tlaih hna hlei ah Sii kham (clinic) um sii vialte an chuh dih. Cun cheukhat peng ah PDF mino an tamnak le raldohnak a tamnak peng ah cun Sii dawr vial te an khar ter dih hna. Lamzawhnak le CDM alutmi tam deuh nih ralkap umnak Sii-inn cu pamh ngam a si lo caah mah le inn te in celh lo bu tein thlop cio a si. Cheukhat an nunnak a liam.

3. Covid Hrik Hmunkip Ah Karh Ter An Timh; Pohmah(505-A) le ralkap doh tu hna thongtlaknak hmun kip ah Covid hrik a karh ngai. Covid test an tuah ter hna lo.Thongtla mi an hrem/thah tik ah a thimi paoh Covid hrik in an thi tiah thawngzamh an duh. Covid pulrai hi ralkap nih hriamnam tha pakhat ah an hman lio can a si. Mipi hruaitu tampi a tlaih hna.

Kalaymyo peng ah June thlachung a thimi minung(500) hlei le a tu july thla ni1- 21 tiang ah minung 458an thi cang. Kawlram chung pumpi nih a voithumnak covid thlihrang in mi zeizatdah thihnak tuar a si rih lai. Ramchung mipi cu Covid rai le ralkap rai ven in um a si tik ah vawlei chung ramvial te lak ah ram tha lo bik ah kan um lio can a si ko.Hlittler hmanh nih a ram mi German pawl a thah hna lo.

4. Mipi Thahnak Ah Hriamnam Cawknak An Ngei Covid Rai Dohnak Caah Tangka An Ngei Lo; NLD cozah chan lio Covid rai sii cawknak caah Dollar million tampi le kawlram chung tangka pechan mi vialte a tu a tlau dih. NLD nih February thla 2021 in pulrai sii chumh ding a ti mi zong Ralkap ruangah nihin tiang sii chumh a si ti lo. Ramdang nih Covid Sii tampi an rak pek nate in khuazei a phan ti theih a si ti lo.Ralkap nih Covid rai dohnak caaah ralkap bawi chungkhar hna cu Sagaing tlang ah humhimnak(security) he an um ter hna. Covid rai in mipi dohnak a hman te lai ti cu elawk um lo in theih a si.

Kawlram chung mipi nih kan herhbik mi Ralkap Dohthlennak kha Covid rai dohnak lei ah an mer mi hi ralkap nih teinak hriamnam an kan hman hnawh. Kawl ralkap nih an pathian bantuk an i bochan mi Tuluk(China) nih Covid rai tuahserning in an ram mipi cung dawtnak le zangfahnak ngei lo in an ram minung(4000) hlei Covid test nak in a rak thah hna. Vawlei cung minung million tampi an thi cang.

Min Aung Hliang le a ralkap hna nawlngeihnak duh tuk ruangah kawlram mipi sin ah Covid rai hriamnam a hman ti cu el awk um a um lo. Ramchung PDF an hun dai ah cun ramkip(International) chim relnak (pressure)a zor deuh lai tiah an ruat natein tu lio Covid rai hi kham khawh ti lo dirhmun a phan caah UN zong nih Kawlram mipi chanhchuah theih lo dirhmun a um ti kha a theih cang.

Ralkap nih Oxygen phit khenhmi le covid rai thlopnak ah buai lo in mipi thihpheih le thinphanter in raldohnak lei ah a buai mi hi mipi vialte cihmihnak(Genocide) a si cang ti kha UN nih a ruat cang i Kawl ralkap nawlngaihnak cu adonhnak lam a pamh thluahmah ko cang.

Kawlram cu NeWin-Saw Maung-Than Shwe-Khin Ngunt-Thein Sein-Min Aung Hliang ralakap cu a hrin tu/cawn tu nu le pa a thahmi le u le nau zong a thah mi an si caah a tu tam mipi nih kan dohmi ral hi kan tei hrimhrim a herh. A tu tam kan tei hna ah cun kan te chin farpar in Kan Chin Miphun kan luat lai. Kan mah tein nuhrin covo holh le ca in sianginn kainak lam le Democracy Federal in zalong mi uk nak lam a on cang lai. Kawl sal ah kan luatnak zong a si lai.Kan piak Pathian zong zalong tein kan piak kho lai.

MAH a uknak ahmun zungzalnak ding lam pakhat lawng an ruat. PDF training a dih mi mino hna cheukhat pulrai in an zaw an thi lai.A silo le an nu le pa, u le nau an thi an zaw lai I an mah pawl thlokbulnak ah mino an I manh lai lo. Khuachung ah duhlonak lamzawh le raldohnak a um ti lai lo. Mino thinlung a zor lai. Mipi nih an kan tih lai i kan mah nih kan uk peng khawh hna lai ti hi MAH le a ralkap bawi pawl an I timh mi a si.

NLD chan lio ah Cozah le Mipi komh in Covid pulrai rak doh a si. Ralkap chan ah Ralkap nih Covid komh in mipi an kan doh.An kan thah. Mipi lei kap in Covid ral runvennak ah ral ring tein um hna u sih law pulrai teinak le Ral teinak cu Bawipa nih an kan pek hram ko lai. Credit: Salai KM Lawngsang