Thawngtha Tuk; Rohingya Hriamtlai Phu Nih Ral Kan Tho Ve Cang Lai, Tiah A Thanh Cang

Thawngtha Tuk; Rohingya Hriamtlai Phu Nih Ral Kan Tho Ve Cang Lai, Tiah A Thanh Cang
=============
Ralhrang Min Aung Hlaing nih mipi nawlngeihnak hramhram in lak an itimh peng nain, nihin ni tiang uknak an lak kho rih lo. Kawlram pumpi dihlak zung riantuantu hna zong an duhning in rian an tuan kho lo i, an cawlcangh kho hlei lo. Cucaah, hi ralhrang nih uknak hramhram in lak an itimhmi hi a dir ko ti khawh a si. Hmailei zongah an kal kho lo bantuk in hnu lei kir loin an dir ko cang. Kawlram chung a ummi mipi caah hi bantuk uknak thalo hi kan tei hlan tiang kan doh hrimhrim a hau cang.

Rohingya Solidarity Oganization (RSO) hriamtlai phu nih thawng an thanh ve cang. Kawl ralhrang doh hi a fawi lai lo nain, kan doh hrimhrim a hau i, kan tei hlan tiang kan doh hrimhrim zong a herh cang, tiah an thanh. Rohingya Solidarity Organization (RSO) hriamtlai phu ralbawi Bohmu Kyaw Myint Tun nih TV chungah thawng a thanh cang, tiah thawngpang theih a si.

Rohingya Solidarity Oganization (RSO) hriamtlai phu nih Rohingya miphun cova le miphun kilvengnak ding caah nunnak pek in kahdohnak kan tuah lai i, hi kahdohnak a thawknak ni le a donghnak khuallam vialte cu fawitein a dih kho lai lonak kong cu TV in a phuan. Tutan Kawlram pumpi khuate, khuapi vialte ah ralhrang phu pawl cu a phunphun in cawlcangh le ralchan kahdohnak a si bantuk in hi nak in raltuknak hmunram kan thawk chap cang lai. Hi raltuknak hmunram kan kau chap cang lai, ralhrang kahdohnak kan on chap ahcun zei caan tiang kan rauh lai timi hi chimhchung khawh a si rih lo, tiah a chim.

Note: Rohingya miphun cova kongah hriamtlai phu nih thawng an thanh ve cang. Cucaah, a rauh hlan ah Rakhine ramkulh chungah ralhrang phu dohtu Rohingya hriamtlai phu an um ve cang ti khawh a si. Rohingya hriamtlai phu an tho ve cang lai caah ralhrang tapung pawl caah thawngchia ngaingai a si cang.