Thawngtha Tuk; PDF Hriamtlai phu nih Pengkulh pakhat an control khawh Cang!

Thawngtha Tuk; PDF Hriamtlai phu nih Pengkulh pakhat an control khawh Cang!
=========
Miang peng luhchuahnak Gate pawl cu mizapi vengtu phu nih an ven i ralhrang tilawng 2 cu an lak. Saging ramthen Miang peng chung um khua luhchuahnak pawl ah Gate an chiah i Miang peng mizapi vengtu le himbawn tu phu-CDSOM nih kan hruai hna i chekhlatnak kan tuah lai tiah an thanh.

December 3, 2021 ni ah Chindun tiva luannak lam cu hmang in Mandalay in Mungzua ah kal pi mi ralhrang Suicuphyosi ti lawng le B tilawng hna cu “hnalunghlah Gate”nih an tlaih cang nak kong, an tlaih mi thilri pawl cu an chuah mi zulhphung ning te in tuhnu zong ah kan tuah ko lai tiah Miang peng mizapi vengtu le himbawnnak lei zohkhenh tu phu-CDSOM nih thawng an thanh.

Miang luhchuahnak i chekhlatnak an tuahnam ah ralhrang he a pehtlai mi thilri pawl cu mizapi i asi tiah kan chiah lai, kan kilven mi thil pawl cu mizapi ca le khua chung um mi pawl caah kan phawt zamh hna lai, mah chekhlatnak an duh lo ahcun sualphawtnak tuah a si lai CDSOM nih thawngthanhnak ah an langhter.

Khua luhchuah mnak gate pawl i an min pawl cu Saging lei i a ra mi Miang luhnak gate cu “Nat Min Gate”, Miang ni chuahlei kam cu “Min Yat khah le Sin Yain Gate” Miang thlanglei cunthe sang cu “Bu Cia Thit Gate”, Miang hnu lei Kungme cu “Chian deih Min Gate” le Chindun tiva luan nak cu “Hna lung hlah Gate” tiah a dangdang cio in an thianh hna nak kong an thanh.

Mizapi vengtu phu pawl cu mizapi sin ah phaisaa hal nak le ziknawh pawl kan tuah hrimhrim lai lo, ralhrang thil chuah le ralhrang ca thahnem kho mi thil pawl kan phih lai tiah an langhter. Ralhrang thapek nak thilri zuar, thilphorh mi kan hmuh asi ahcun kan fim lai i a herh ning in kan tuaktan lai tiah theihternak an tuah.

Kalay peng mi ralhrang nih an tlaih hna caah 10000 leng an zaam! Sagaing ramthen Kalay peng Siataw, Leechia khua in a rak chuak mi ralhrang cu December 3, 2021 zing suimilam 8:30 ah leitang bomb le cheh mi bomb in an doh hna i ralhrang lei in pathum an thi tiah mizapi vengtu ralkap (Ranger Kalay Defense Force) nih a thanh.

Ralhrang pawl nih PDF riahbuk cu phu 3 in le ralhrang thazaang 120 leng in lak ding in an ra nain PDF nih a hlankaanh in thawng an rak theih ruang ah an doh hna i tlaih mi um lo le hliammi um lo ten him tein kan i thup kho, tiah an thanh mi ah a tel.

Ralhrang pawl cu khua thianhhlim sonhtarh in khuachung ah rak lut in Nevomber 28, 2021 ah Yisin khua ah inn 15, Dec.2 ah Leechia khua ah 23 le rawl ruk 11, Kohkuu khua 9 cu mei in an kangh hna tiah khua mi nih an chim.

December 1 ah ralhrang nih Incun khua ah minung 4 le Yisin khua ah 1 cu an tlaih hna i Incun khua kam thlam 2 mei in an khangh tiah Yisin khua mi nih an chim, ralhrang i an thil tuah mi ruang ah Yisin, Inncun, Cohsii, Cohphu, Manta, Siataw, Leechia, Konhkuu, Tinta, Dunuai, Nuazua, Cianta, Siaphu, Thalung, Asihsii pawl khuami thonghra leng cu a naihniam mi ramlak ah zarhkhat chung an zaam cang tiah an chim.

Kalaymyo ahcun November thla i kahdohnak ruang ah Kalay-PDF in pa pa sarih le nu pakhat an nunnak a liam tiah Kalay-PDF nih thawng a thanh.

Chohphyo ah PDF he pehtlaihnak nan ngei tiah siangngakchia nu an tlaih. Arakan ramkulh, Chohphyo khua ah mizapi vengtu ralkap PDF he pehtlaihnak a ngei tiah December 3, 2021 zing ka ah siangngakchia nu an tlaih tiah khuami nih an chim.

Mah Aye Myint Myant Aung kum 21 cu PDF pawl phaisaa na bawmh hna an ti i ralhrang le palik nih an inn ah an tlaih tiah khuami pakhat nih a chim.

Mah Aye Myint Myant Aung cu ralhrang nih pohmah 50 in taza an cuai i Chohphyo thonh ah an chiah tiah a chim.
Mah Aye Myint Myant hi Ttawngkoh siangsangrun ah kumkhat nak a kai ding mi siangngakchia nu a si i PDF he a pehtlai, phaisaa a bawmh hna ti mi cu a dik lo tiah a chungkhar le neihniam mi nih an chim.

Arakan ramkulh hi mizapi vengtu ralkap PDF he pehtlaih nak na ngei tiah ralhrang nih an tlaih mi hna hi tu chun tiang ah nu pa nga le pa pathum an za te pariat an si cangg, mah chung ah Tantuai khua mi hi a tam bik an si i tawngkoh le Myaibg Oo khua ah hin pakhat ve ve an i tel. Credit: The Federal Times