Thawngtha Tuk: Model Htar Htet Htet Sinah Bawmhnak Tam Taktak An Hlut

Thawngtha Tuk: Model Htar Htet Htet Sinah Bawmhnak Tam Taktak An Hlut
============
Nihin June 13, 2021 ni tiang ramleng lei in bawmhnak phaisa a chuak cangmi a si. Hi bawmhnak hi ramleng um Kawlram mipi nih bawmhmi le kholhmi a si, tiah thawngtheih a si. Hi kong he pehtlai in Model Htar Htet Htet nih a si khawh tawk in ramleng ah bawmhhalnak le cawlcanghnak a tuah, tiah a chimmi zong an um. Model Htar Htet Htet cu kan theih cia bangin Ralhrang nih uknak hramhram in an lak hnu ah a model sinak vialte kaltak in ramlak ah hriamtlaih dirhmun ah a um ve cangmi a si.

Model Htar Htet Htet hi abik in Karen National Union (KNU) hriamtlai phu sinah training a kai, tiah biathli a chuak nain, hihi aho hmanh nih thawng fiang theih khawh a si lo. Amah Model Htar Htet Htet a cawlcanghnak hmanthlak tete zohnak in KNLA hriamtlai phu nih umhmun an khuarnak ah a si ko, tiah lunghrinhnak menmen in KNLA hriamtlai phu sinah raltuk thiamnak training a kai, tiah rak ti cio a si.

Nihin June 13, 2021 ni tiang ah Model Htar Htet Htet sinah ramleng in phaisa kuatmi hi ram 7 in a si, tiah amah pumpak bak nih a tarlangh. Hi bawmhnak hi a tam ngai ko, nain bawmh herhmi thilri pawl a tam tuk rih caah hi nak in tam deuh in bawmhchan khawh rak kan zuam uh, tiah nawlnak le halnak a tuah chap rih. Tlangcung hriamtlai le ramlak ah um in hriamtlai cu a har ko lai, thilri an herhtuk mi zong a tlamtling lomi a tam pi ko lai.

Ramleng in phaisa a thawhtu hna, Japan, Korea, UK, Thailand, Australia, Singapore le American ram hna an si. A tanglei ah a zat zong langhter chap a si. Japan 791,936¥, Korea 23,700,000W, UK 1400£, USD 1,956, Thai 115,000B, Australia 1,700 AUD, Singapore 30,000SGD.

Hi bawmhnak vialte hi a herhnak hmunram paoh ah a rauh hlan ah kan kuat dih hna lai. Bawmhchan ding zong an herh tuk rih ko. Crypto Currency Binance zong in USDT ah hlut khawh thiamthiam a si. Singapore, Malaysia , Thailand le ramdang dang zongin hlut khawh a si. PayPal Acct. pek khawh thiamthiam a si. Bawmhchantu pumpak nan cung cio ah lunglawmhnak tampi kan ngeih, tiah a donghnak a chim chap. Tuzan Mah Shwe Moe he Korea Zoom Meeting ah Korea ram ah a ummi a hluttu pumpak he zong kan iton kho lai, tiah kan i ruahchan, tiin a tarlangh.