Thawngtha Tuk; KNLA Deputy Commander Baw Kyaw Heh Nih KNU Hruaitu Dirhmun Fiang Tein A Chim Lawlaw Cang

Thawngtha Tuk; KNLA Deputy Commander Baw Kyaw Heh Nih KNU Hruaitu Dirhmun Fiang Tein A Chim Lawlaw Cang
==================
KNLA Deputy Commander Baw Kyaw Heh nih ralhrang phu kong le NCA kong he pehtlai in A Hmuhning A Langhter Ve cang.
KNLA Deputy Commander Baw Kyaw Heh nih a hmuhning a chim ve cang. Atu caan hi ton biaruahnak ngeih caan a si ti lo, a tuan in tuan caan a si cang. Kannih zong kan tuan cang, an sin phan tiang kan kal lai i, lampi kan kal liopi a si. 2013 kum ah ton biaruahnak kan rak ngeihmi kha a za ko cang, tiah a ti diam ko.

Karenni ram chungah a ummi hmanh nih ral an thawk cang i, kan nih nih kan tlaihmi M16 hna hi zeituahnak caah a si lai? Atu caan hi daih tein kan um ahcun hriam kan tlaih mi hi a sullam kanmah le mah biahalnak kan ngeih awk a si. KNLA tatmaha zong an kah cang, atu chan thar mino pawl nih hi dohthlennak hi teinak an zumh ningah 100% a hau lo, 65% lawngin an ruah rih. Abiapit bik mi zeidah tuah nan duh, nan timhmi hmunhma phan khawhnak ding caah teinak cu KNU nih ahmasa bik ah cathanh an rak chuahmi ah khan a fiang tuk mi a si ko.

Ralhrang phu uknak hi a dihdongh tiangin kan bongh dih hna a hau. A hnu ah cathanh pakhat a rak chuah than mi NCA ning tein biaruahnak ngeih dingah, tiah an rak chuah than. Hi cathanh pahnih kan zoh than ahcun avoi khatnak cathanh ah a fiang tuk ko. Avoi hnihnak cathanh chungah avoi 1nak cathanh hi zei rel lo a si. Chimh duhmi cu cathanh 2 ah kan tuah lai, kan chimh lai, kan tuan lai lo, chimh ko, (chaklei thlanglei ti bantuk in dirhmun a fiang lo) Kan nih KNU hriamtlai phu hruaitu pawl nih kan dirhmun hi kan zoh than a hau. Khat lei in ralhrang pawl zong doh a hau i, kaphnih in kan tuah a hau. Atu caan hi cabuai cungah thut in biaruah caan a si lo, mithmuh kut tongh bak in tuan caan le tuah caan a si, tiah fiang tein a chim lawlaw cang.

NCA cabuai cungah biaruahnak hi pehzulh in a dang hriamtlai phu an dirhmun theih khawh a si lo. Atu caan hi Maung Phyu zeitin dah na dirhmun a si, Maung Mae teh zeitin dah a dirhmun a si timi fiang tein langhter caan a si. Buu khat le minung pakhat nih kan dirhmun langhter caan a si, tiah KNLA Deputy Commander Baw Kyaw Heh nih a chim.

Note: KNLA Deputy Commander Baw Kyaw Heh Interview an tuahnak a phitmi a tawinak in lehmi le kan rak tarlanghmi a si.