Karenni Ram Mese Ah BGF 1004 Nih SAC Ralkap An Doh Ṭhan Hna
============
June 14 thawk in Karenni National People’s LiberationForce (KNPLF) Headquarters hram an bunhnak Hose khuathar pawng SAC ralkap Mese palek sakhaan, Byu-ha umnak le Thai-Myanmar ramri BP-14 sakhaan, BP 15 Metanwe sakhaan, BP 16 Taunghla sakhaan hna cu Karenni hriamtlai phufonh nih an lak khawh cang tiah Progressive Karenni People’s Force (PKPF) nih June 20 ah a thanh.
Karenni (Kayah) ram, Mese khua ah a um mi SAC ralkap sakhaan kahdohnak an tuah i an lak lio ah SAC kuttang Border Guard Force (BGF) telh in KNPLF pawl zong an i tel i pehzulh in kahdohnak a fak rih tiah theih a si. Mah hihi Myanmar ramchung ah BGF nih SAC ralkap a voikhatnak bik an doh ṭhan a si tiah an langhter.
June 14 ah KNPLF phu hna cu SAC nih hram an bunhnak Mese sakhaan, Byu-ha hmun, BP 14 sakhaan, BP 15 metanwe sakhaan, BP 16 taunghla sakhaan hna cu an lak khawh i BGF 1004 le BGF 1005 nih hram an bunhnak hmunhma pawl zong an tlaih khawh cang tiah theih a si.
Moebye Ah SAC Ralkap Anmah Le Anmah Hriamngan In An I Kap Sual; Shan le Kayah ramri, Moebye ah SAC ralkap pawl nih an kah mi hriamngan cu anmah ralkap pawl nih hmunhma an khuarnak hmunhma ah a tlak caah anmah le anmah an i hliam tiah theih a si.
June 16 Moebye kahdohnak ah KNDF-UAV nih SAC ralkap pawl drone in bom an thlak hna. Cu lio ah SAC ralkap nih hriamngan an rak kah i mipi umnak inn ah hmunhma a khuar mi SAC ralkap pawl inn chung ah a tla i a puak tiah theih a si. Hriamngan ruang ah SAC ralkap hliam an tuar i anmah le anmah an i khamh len tiah theih a si. Crd; The Chinland Post