Lingyi Tiva Kam Ah SAC Tilawng An Kah, SAC Ralkap 10 Nak Tlawm Lo An Thi
=============
Mandalay ramṭhen, Myingyan pengkomh, Mingyan peng, Lingyi tiva kam ah SAC tilawng pakhat cu June 18 zaanlei sml 5:00pm hrawng ah PDF pawl nih an kah caah SAC ralkap 10 nak tlawm lo an thi tiah Myingyan pengkomh B03 nih a thanh.
SAC ralkap pawl nih an rak i cit mi SAC tilawng pakhat cu hriamngan le meithal bawm in an kah hna caah SAC ralkap 10 nak tlawm lo an thi, tampi hliam an tuar tiah an langhter. Kahdohnak chung ah Mingyan pengkomh B03, Burmese Guerrilla Force, Moeshaydaryan Guerrilla phu, Amelatyung phu hna bawm in kahdohnak an tuah hi a si.
https://fb.watch/livTtSHkaa/
Pakokku Peng Ah A Um Mi SAC Ralkap Gate An Kah, 2 An Thi I 5 An I Hliam; Pakokku peng, Chaukkan khuate ah a um mi SAC ralkap gate cu PDF pawl nih an kah tiah theih a si. June 20 chun sml 1:30pm hrawng ah mipi pawl namneh le hrem a hmang mi SAC ralkap gate cu PDF pawl nih a naih tein an kah hna caah ralkap 2 an thi, 5 an i hliam tiah theih a si.
Kahdohnak chung ah Burma Revolution Ranger, Zarmani Drone phu, Chauk Guerrilla Force, Black Dragon, PPDF, Myaing B01 le C03 hna bawm in kahdohnak an tuah hi a si tiah theih a si. Crd; The Chinland Post