Tamu Khuapi, Panthar Khua SAC Ralhrang Sakhan Le Hriamthil Tam Ngai An Lak Caah Jet Vanlawng In Bomb An Thlak
=========
Sagaing ramṭhen, Tamu khuapi, Panthar khua um SAC ralhrang sakhan cu an laak khawh pinah SAC ralhrang pakhat an tlaih i, hriamthil tam ngai zong an laak khawh caah SAC ralhrang nih jet vanlawng in bomb an thlak, tiah Tamu pengkomh mipi ralkap thawngthanhnak nih a chim.
June 15, zinglei suimilam 5:00 tluk ah Tamu peng, Panthar khua um SAC ralhrang sakhan cu pengkomh PDF Battalion nih luhhnawh in an kah caan an sakhan an laak khawh. SAC ralhrang pakhat zong an tlaih pinah hriamthil cheukhat zong an laak chih khawh, tiah theih a si.
Hi kahdohnak ah Tamu khuapi um SAC ralhrang le meng 4 aa hlatnak hmun ah ummi SAC ralhrang check gate in Panthar khua cu 105, 108, 120 hriamngan hna in an kah caah PDF pengkomh Battalion in minung 2 nih hliamhma an tuar. SAC ralhrang check gate cu 60 MM in an kah ve ca ah SAC ralhrang nih Yak 130 jet vanglawng he atu bantuk in pound 500 tluk ritmi bomb an thlak hi a si, tiah kan theih.
Cu pinah Tamu khuapi pawng ah rallam sialmi pyusawhti pawl zong bomb puahhnawh na ton caah 4 an thi i, Tamu khuapi ah pyusawhti pawl an cawl cang ngai, tiah theih a si. “Tamu-Kalay lampi pawng ah ummi Panthar khua sianginn ah umhmun a khuarmi SAC ralhrang pawl cu PDF-Tamu pengkomh nih an luhhnawh hna caah an umnak an laak khawh.
Hriamthil tam ngai zong an laak chih. Nihin zing suimilam 5:00 tluk ah SAC ralhrang nih jet vanlawng pakhat in bomb a rak thlak i, mipi nunnak liammi le hliam a tuarmi kong ah thawng fiang kan thei kho rih lo. Tamu 14 hleidonh gate a hngaktu ralhrang pawl zong bomb in kahdoh an si ca ah 4 an thi i, mizaw phurhnak motor pawl thawng zong theih a si” tiah min langhter a duh lomi mipi pakhat nih Khit Thit ah a chim ve.
Mizoram Ah Cycle Le Motor PahSualnak In Cycle Khaltu Nunnak A Liam; Mizoram ramkulh, Vairengte in Bilkhawthlir ah footsal chuih ding in a kal Cycle he a kal mi cu Vai motor thil phur mi he an i pah sual ca ah Cycle mawngtu a thluak chuak tiah theih asi. A hnu ah aa phirh mi pakhat Pu Lalchhuanmawia Vairengte Zalen sang v/c secretary tu cu bikhawthlir si-inn pi ah an tlik pi tiah kan theih.crd; Lungmili Post