Thau Khua Ah Aa Dormi Hna Hmurka Le Thutto Ning!

Thau Khua Ah Aa Dormi Hna Hmurka Le Thutto Ning!
========
Thau khua ahhin aa dormi hna hi chungkhar 113 an si i, a milu in minung 559 an si. Kum 5 tang ngakchia hi 63 an si i, kum 70 tluk upa hna hi 31 an si, kum upa bik hi kum 90 hrawng an si hna. Hi chung ahhin Pastor 4 an um.

Pastor te nih mah le Khrihfa bu cio ningin an vehvaih hna. Thantlang khuanu khuapa aiawh in Pu Lawm Bik, Rev. Dr. Lal Uk, Rev. Calvin, Pastor Sui Lian Kam hna zong nih an veh hna. Pu Chan Ham cu Thau khua aphan ko nain himnak hmun ah aa dormi hna atong hna lo, pumpak inn ahcun a ton khawh hna men ko hna nain, sianginn kulh chung i a ummi hna cu a tong hna lo.

Christmas le Kumthar ah Thau khuami hna nih laksawng an i pek ning cio in Thau khua ah ai dor mi hna, kum upa deuh laksawng an pek hna tiah tuanvo ngeitu nih The Federal Times ah achim. Tuan deuh inn 80 an um lio ah tangka 25000 cio bawmhnak an pek hna, atu zongah Dal, Aalu, Piat, Cite, Chiti, Arti ti’n funkhat, funhnih ti’n an phawt hna,
Arti hi acaan ah pum 4, pum 3 ti’n an phawtzamh hna.

Sekenhen zong nan duhmi i thim u ti’n an thim ter hna, Lo tuah ai tim mi zong an um, Saiha khua ah ralkian i a ummi Pastor pakhat nih arak veh hna i thlacam piaknak a kan ngeih tiah ralkian in ai dor ve mi pakhat nih The Federal Times ah achim. Credit: The Federal Times

KUMTHAR TLANGAU; Kannu le Kanpa nih an kan thihtak dih sual lai hih. Ralzam nak hmun in Kan dawt mi hna kan nu le kan pa hna nih nikhat hnu nikhat Pakhat hnu Pakhat nih an kan thih tak mi ka hmuh tik ah khua a ka ruahter ngai.

Thantlang Khua kan chuah tak nak Sep, 21, 2021 in Jan 1, 2022 nitiang ah Ralzam dirhmun in kan um nak khuakip in Kannu le Kanpa, Pi le Pu hna, Kum (60) Cung minung 23 nih an kan thih tak. Mah a thi mi (23) hi zoh tikah an innlo a kang mi lawngte an si. Ralzam si hleiah Inn le lo a kangh tikah cun hi nihhin an thinlung an ruahnak tampi a hrawh(demoralisation) hna ti hi hmuh khawh si. Mah kong hi ruah lo awk a tha lo.

Ralzam dirhmun a fawi le har cu chim hau lo si i, Mah lak ah inn le lo Kanghuh ton a si tikah hin kan nu le kan pa hna an Thinlung a zawtuk ti a lang. Thinlung thazaang peknak (moral support) thiam an hau, Thlarau thazaang zong pek an herh. Hi an intuar mi hma in damter (Trauma Healing) pek an herh .Hi kong hi zoh sawhawk a tha ti lo. Ruah ngai a hau mi thil a hung si.

Thantlang khua kan chuahtak lio ah Khrihfa Bukip in Riantuan tu Pastor riantuan tu Minung (50) kan in ngeih hna. A tulio hin Na members nih an in hlamlio caan si. Na phone chawnh an hngah lio caan si.

Kan Pastor te a tu na um nak khua le ram kha Na khrihfa bu members an umnak a si maw si lo khuazei ah na um kha vanruat law na pawngkam ah na members an um lo sual ah cun a rannak i na members an khua ansak nak an tamnak khua ah i thial. Na Members pawl Thlarau tha zaang, Thunlung thazaang pek an herh bik caan si. Thlacam piak an herh lio caan si.

Khrihfa Upa hna khuazei ah na um? Zarhpini Biakinn chung Thawhlawm kholh le thawhlawn rel lawng kha Khrihfa Upa rian lawngah ruat hlah. Na pawngkam ah na members an tampi khah zohsawh hna hlah. Na Members pawl Thlarau thazaang, Thinlung thazaang pek an herh bik caan a si.

Khua Nu Khua Pa ai ti mi hna Khua le Ram caah a min lawng Khuanu Khuapa si ding si lo hih. Na Khua mi caah Nu can Pa Can dir ding mi kan si tihi Philh hlah. Um sawh caan a si lo hih. Khuami hna caah na tuan tuah khawhding rian tampi a um ve.

Hriamtlai nih Meithal tlaih in ral doh cu a rian a si bantuk in, Mipi lak ah khua a sa ve mi, Upa le Members lak ah a um mi, Kan Pastors te nih nanrian cu Kan Mipi a harsa mi bawmh le zohkhenh le kan members zohkhenh thazaang i pek cu kanrian a si ve.

Cu lo cun Caan karlak ah kan dawt mi hna kan nu le kanpa, kan u nau hna nih A zeidang har le Zawtnak dang lakah “Thinlung Zawtnak” in an kan thih taktuk sual lai hih. Mipi kan tlawt tlau lo a biapi ve hih. A ho rian si lo, keimah tuanvo ka ngei (It’s my responsibilities )ti Lungput he hmai nor hna uhsih. Credit: Pu Ram Khar

Mah na para: ”Thantlang khua kan chuahtak lio ah Khrihfa Bukip in Riantuan tu Pastor riantuan tu Minung (50) kan in ngeih hna. A tulio hin Na members nih an in hlamlio caan si. Na phone chawnh an hngah lio caan si.

Kan Pastor te a tu na um nak khua le ram kha Na khrihfa bu members an umnak a si maw si lo khuazei ah na um kha vanruat law na pawngkam ah na members an um lo sual ah cun a rannak i na members an khua ansak nak an tamnak khua ah i thial. Na Members pawl Thlarau tha zaang ,Thunlung thazaang pek an herh bik caan si. Thlacam piak an herh lio caan si.” hi a dik ngaimi a si.