Thantlang Tipil Khrihfabu cu a lamkip in philh khawh lo dingmi ka Khrihfabu a si!

Thantlang Tipil Khrihfabu cu a lamkip in philh khawh lo dingmi ka Khrihfabu a si!
========
Thantlang Tipil Khrihfabu cu a lamkip in philh khawh lo dingmi ka Khrihfabu a si. Ka no tein Thlarau hnuktlum a ka dinhtu le a ka sersiamtu ka NU a si. Hmanawk te kan van tthat sumsam in Church School cawnpiaktu, Mino upa, Pastor rrian a ka ttuan tertu Khrihfabu a si.

TBC ka um chung vialte a ka cawnpiaktu, thaazaang a ka petu, Thluachuah a ka hal piaktu cu Ka Pa Rev. Biak Kam hi a si. Caantling rian in ai dinh hnu zongah Civui kal i meeting kai a fel. Civui kal le meeting kai manh nan teimak lo ahcun, tiah a kan ti tawn.

Pastor rian ka ttuannak ah na Nu Kiki nu thawng in lung hnangam tein rian ka ttuan kho ti kha a chim lengmang tawn i ka uar ngai. A dam lo i a inn dai tang teah siarem tein ai congh hramh cuahmah lio i ralhrang ruangah ralzam dirhmun in a umnak hmanthlak kan hmuh poah ah kan ngaih a chia.

Nihin cu a chuahkehnak khua teah a lu ai phum. Vawlei cungah a dawtu a Pa a Pathian rian a tha bikin a lim ta. Vancung khua ah sunglawi takin an rak donni a si ve lai. Kan in philh kho lai lo ka Pa Ki Ki Pa!

Ka pa cu a kan liam tak ruangmang cang maw? Pathian sin Thluachuahza a kan halpiaktu thlarau in kan pa, na liam thawng ka theih ni ah mitthli he fb cung in kan thlah ve. Ka pa aw, Vailamtah hram na phakpi mi thlarau vialte hna le na hmuhmi tufa vialte hna nih na suiluchin dawhtertu si cang hna lai mu, cu sui khuapi dawh le nuam ahcun!

A fak ko Thantlang khua pi thih le loh ni ah mit thli a kan hnawt tu ka pu na kal ni cu Thantlang khua pi nih na ruak hmanh kan in hum kho lo ee, a fak hrin hran ko. Liam ruangmang ko cang hna pa khat nu pakhat. Pastor tha, Tukhal tha thinlung le mitthlam ah acuang.Bawipa tangcung ah daitein.

Rev. Biak Kam nih mual an kan liam tak! Rev. Biak Kam hi TABC GS tuan hmasabikmi kan pa a si! Pastor lak dingin meeting bia an chah dih bak ah kan inn ah a ra! Thla a ka campiak! Thluachuah a ka hal piak hmasa bik mi a si!
Pastor cu minung pakhat lawng tuan si lo, chungkhar in tuan a si!

Zeizong te ah nan dirkamh a hau tiah ka nu ka pa ka chungle dih lak bia zaza an kan ruah! Ka nu le ka pa an ilawmh tluk in a ka lawmh pitu pastor tha a si! Dawtmi bochanmi kan pale nih mual an kan liam tak hi cu lung a fak! Sian an um lo tuk ee! Ralzam lio a si caah a ruak te hmanh Thantlang khua ah vui khawh a si lo! A chuah semnak Sihhmuh khua ah vui a si lai! Tantak mi chungkhar caah thlaza campiak cio hna usih! Credit: Elly Elly, Pastor Ca Cung Bik