Thantlang Relief Le Reconstruction Committee An Dirhmi Cu Mipi Nih An Cohlang Kho Lo!

Thantlang Relief Le Reconstruction Committee An Dirhmi Cu Mipi Nih An Cohlang Kho Lo!
==================
TRRC hi a tu ah dirh a herhnak bak ka thei lo innkang mi hna caah hnipuan le chawva bawmh duhmi an um caah kan tuah nan ti nain khi bawmhnak khi innsak nak caah an bawmh mi hna cu a si lai ka zum lo. Hnipuan le chawva bawmhnak hi a cohlang tu ding ah Thantlang Placement Affair Committee an um ko i an mah sinah pehtlaih ter ding an si ko.

Kan Ral hi kan tei hmasa nak ding tuah khua nan khan le nan i pumpek cio a herh deuh. Kan ral kan tei hnuah khuaram ser thannak hi cu Ramchung Ramleng Vawlei cung killi um Thantlang fanau vial te i bawmh in kan kawl ti cio hna ding si ko.

Fund kawl nan i timh rih lo i bawmh duhmi caah cohlang tu ding lawng i nan dirhmi si ko ahcun TPAC tu tuanvo pe ko hna ulaw nan zaangdam deuh lai. A herhnak pohah i bawmh cio khawh tu i zuam ah tha hnga? Pumpak nih faktuk in i kuaih lo ding ah kan nawl cia hna? TT caah nan khanmi si i TT caah ka ruahnak ka langhter vemi si ko caah pumpak hohmanh kan ti hna lo.

Thantlang relief le Reconstruction committe hi dirh a Herh maw Herh lo?. A Herh tuk ko nain a caan si rih rua lo.
Committe Le Bu phunphai cu a dirh a fawi ngai ko hna Le, i hnawh tuk ding si lem lo. California roll tuah pah hmanh in dirh khawh mi si ko.

Khuapi ning in Kan ton mi si ko caah, mah bantuk bawmhnak kawl hicu a har te Lai lo. Tulio mipi nih Kan Herh mi cu kan pastor te nih thazang pek Le thlacam piak hi a si ko. CDF/CNA nih zu kua an cawh lio ah cun a Lu lei ah dir tuk hlah u, kan I khawng sual hna Lai. Bialak ah, min bator ralhrangphu nih cun CDF ralhrang an si a ti ko hna Le, TRRC nih min bator cozah sin ah bawmhnak hei hal ko u ca.

Thantlang Minung vialte cu. Ram dang khua dangah pei an zam ter dih hna cu. An umnak hmun le ram cio ah maw. Bawmhnak Tangka cu an va phawtzamh cio hna lai..a si kho lo tuk mi ah ka ruah. Minung hmanh um a ngah lo nak khua cu. Mi zei nih dah an sersiam lai….Ralhrang pawl nih an hnihsawh men hna lai..mah caa an țialmi ka hmuh zan kha. Ka Lungmit dih dengin khua ka ruat.. .

Uknak Țha kan hmuh tik ah. Khua le ram a rawkral dihmi cu. Kan sersiam Țhan te lai. Kan minung bel kan thinlung kan ruahnak kan taksa rawkral lo ten. Kilven khawh i zuam rih hna ko u sih.Lai miphun Dihlak Pathian nih kan zamnak hmun le ram cio ah. Kan kilveng in Thluachuahnak phun he Lam kan hruai cio ko seh. khua le Ram ser caan a si rih lo. Ralhrang Doh caan a si. UK nak pennak Țha kawl caan a si.