Thantlang mino hna sin sawmnak le thawngthanhnak

To: Thantlang mino hna sin sawmnak le thawngthanhnak
====================
Akong: Thantlang mipi runvennak le mipi ca ral a si mi hna dohnak caah Mipi Ralkap sernak.

Acunglei kong he pehtlai in Ralkap cu ralhrang tiha thanh a si pin ha ralkap keeng ruang pi a si mi 2008 phunghram pi cu 31/3/2008 ah hrawh a si cang. Phunghram hrawh hlan in buainak le mipi thah cu ralkap nih an tuah lengmang bantuk in Phunghram hrawh hnu ah mipi caah ral ngan a chuak kho ding mi a si cang. Cu bantuk in cozah tha sernak ding ah kan si khawh ning cio in mino nih thazaang kan chuah a herh ve caan a si cang.

Atu hi CRPH nih federal ralkap a dirh cuahmah lio a si. Ralkap ngaingai kan luh khawh lo zongah mipi kan rian cu kan umnak khua le ram mipi kha kan si kawh chung in ven le kan ral a si mi hna kha a herh ning in lehrulh kha kan rian a si cang. Thantlang cu milu kan tamnak pakhat a si bantuk in mipi cozah zung thatha tampi a umnak khuapi pakhat zong a si caah Thantlang mipi nih kan ven zong aherh. Atu tiang ahcun sang mino hna nih sangkip ah zaan fatin kan ven nain ralkap cawlcangh ning aa thlen bantuk in thantlang khua le mipi runven ning thlen a herh ve cang.

Cucaah Thantlang rungvengtu mipi ralkap dirh a herh cang caah thantlang khua le mipi hna cung ah dawtnak thinlung he mipi rung vengtu mipi ralkap tuan ka duh ko ati mi nih People Security Force timi page inbox ah pehtlaih khawh a si. Comment in pehtlaih mi cu lehnak kan in tuah hna lai lo caah inbox tu in pehtlaihnak tuah a si lai. a si. Pehtlaih a duh mi hna nih April 5 hlan ah min pek a si lai.

Mino kum 40 in a tanglei poh nih hikan mipi hna runvennak caah mipi ralkap tuannak ah i tel khawh a si. Min nan pek khawh in hmun ah meeting akn tuah lai i, Thantlang khuapi le mipi runven ning cu kan caih ti hna lai. Hriamnam ngeih khawh nak lam zong kan kawl lai. Thantlang khuachung meithal ngei mi vialte hna zong mipi ralkap caah hman khawh ding in hlan khawh kan zuam hna lai. Aherh mi runvennak taanphaw, meithal le zenkuan zong a herh ning in kawl khawh kan zuam colh lai.

Atu tein kan timh lo ahcun ralkap nih aa kan nam hnu ah mino kan i fumtom kho ti lai lo, khua chung mipi kha ralkap nhi taang phaw ah an hman hna lai caah tihnung mi dirhmun a phan kho mia si caah thantlang khuachung le mipi lak ah ralkap an thutdir nak hnga lo tuan a lohma kan dawmh a herh. Cucaah Thantlang khuapi le mipi runven ding in caan le nunnak a pe kho hnga mi nih a tanglei ah pehtlaih khawh kan si. Tonnak hmun cu atu ah thanhawk a that rih lo caah thawngthanhnak le pethalihnak kan tuah khawh hnu ah ahmun le caan kan khia te lai.

Meithal a ngei nain kum upat ruang ah ralkap na doh khawh lo ahcun ralkap a do kho mi mino kha hlanh khawh kan zuam hram uh. Zen kuan na ngeih lo zong ah na meithal na kan hlanh lai i zen kuan cu a hmangtu mipi ralkap nih kan i damh khan ve lai. Mipi zuan ruahnak he, People Security Force -PSF