Thantlang khuanuam; Thantlang khua cu ka chuahnak hmun si lo!

Thantlang khuanuam.
=========
Lai minung kan sinak ah cun Thantlang cu khuanuam taktak a rak si. A rak nuam in a zalen. A zalen bantuk in an rak tluangtlam tuk. An tluantam tlukin a dingfel an rak tam bik fawn. Thantlang khua cu ka chuahnak hmun si lo. Ka ṭhannak khua zong si lo. Ka pipu hrihhram khua zong cu si lo.

Nain, hringtu ka nu khua a rak saknak khua a si caah ka rak panh bal ve tawn bia khi si ko. Ka um zat dihlak kum 3 hmanh a tling lai lo dah! Nain, cu chungah cun, ka life ah ichim ding vialte an rak tling dih. Cucaah Thantlang cu ka tlaihchan tuk hringhran!

Mizoram ka rak phanh hmasa cem lio ah ka thinlung nih “freedom” timi a rak hmuhtuar. A rak zalen tuk. Thantlang khua ka rak phanh ah “freedom” timi ka rak tuar ve. Mah caah ka rak tlaihchan khun. Thantlang nubu nih an fapa upa cem ah an rak ruahmi US siangchuak Rev. Dr. hmaisa pakhat nih, “Thantlang cu vawleicung ka phanhnak khua lakah a tluang thiang bik a si,” a rak ti.

Mirum siifak thleidannak kan nei loh. Zing ah kan tho le, a rum cem pa zong “na dam maw? “zahan nan nu nih na lung an tluanh lo hlah maw?” ti phun in kan iti salam i thinhan a um loh. Duh zalong tein thinlung ummi bia kan iruah kho dih hna, a rak ti.

Hi bantuk zawn ahhin kai rak ilunghmuih biknak cu a rak si ve. Cu pinah, “Everyone is equal” timi lungput a ngeimi khua a si a rak ti. How impressive! Mah caah dahkaw, “Thantlang ah cun, an khua i a bawi bal tak lo zong bawi phun in an um khawh dih fam cuh.” Kan rak bawi kho dih. Kan rak sal kho dih fawn i kan rak iruang dih. Cu nihcun, Thantlang cu a rak ka tlaihchanter ngai.

Thantlang khua ah “Triple Five 555” cu khuazei hmanh ah a rak ngah lo. 555 lam cu, Thantlang chimlo, Hakha hmanh ah ngah a rak si lo. Hakha chimlo YGN zongah a rak ngah zungzal lo. Nain, Thantlang tu ah cun ka rak ngah zungzal. A rak ngahter khotu pa cu Hakha-Thantlang ah mirum cem timi pa a rak si. Riatriat hlan degree la kho khi a rak si. MDY khuapi i Chin miphun hmaihngalter khotu hotel ngeitu pa he hawikom an rak si.

Cucaah ka rak ngah khawh ve kha si lai dah. Cu lio ah cun, ka rualhawi le kan naule deuh nih London timi Kawlram chuak kuak a zu rua tiah an rak ka ruah. Si lo. Triple Five ka rak hmang. Mi dangh ding bel ah London cun ka rak dangh hna. “ရပ်ဘယ်သူလဲ pawl kha London cu ka rak in pek hna. Nain kei tu cu mah London kha ka rak zuu lo. I was always 555.”

Triple Five kai zuuk khawh i kedan sang nak tleu taktak rak idanh khawh, cu pin i vawleicung saang bik Levi’s Jeans he Thantlang khua i rak ichawh khawh kha, ka caah cun vawleicung i a sang cem nun khuasak a rak si. Cu ruang zongah si lai Thantlang cu ka philh kho hrim lo.A rak nuam rereng ko. Midang bantuk i ui tlon le ar tlon in a rak tlong kho zong cu ka rak si lo. Dignity hmete he ka rak tlong ko. Nain, a rak nuam bik tho. A rak ka dawtu hna kan philh bak hna lo e, Thantlang khua nuam. Credit: Salai C Alexander