Thantlang hi lak lawlaw uh ralhrang 200 hrawng lawng an um ko e nan ral a chia ti lawng kha!

Thantlang hi Miphun ralkap nih lak itim hna sehlaw an lak kho tuk ding asi ko!
=========
Thantlang hi Miphun ralkap nih lak itim hna sehlaw an lak kho tuk ding asi ko. Amahbelte, voikhat lak i a dai or adih ding phun asi lo, a hnu zulh a um hrim hrim lai.

Ruah awk a ummi cu Thantlang khi lak hna sehlaw than tlang mipi cu an rak kir ne lai maw? Kei cu ka zum lo, cu caah a lawng mi inn le lo kil ven ruang ah kan ralkap tamtuk an pam ding cu ka duh lo. Cun Thantlang mipi an kir lo zongah an lak rawh rawh hnu cun kirtak than awk a tha lai lo um hnawh a hau lai, aruang cu an kirtak ah cun a thai zing bak ah ralhrang nih an lak than cawlh lai i, cu cu zei dah nunnak pek in doh mi man cu a um ti ne lai maw? Um ti hlah e.

Asi le a lawng mi Thantlang khua cu miphun ralkap nih um hnawh hna se law teh an caah ttih a nung maw? Ti ah cun, ttih a nung tuk. Aruang cu Hakha in Ral hrang pawl nih hriamnam tha tha he an rat hnawh hna lai i fak pi in kah dohnak a chuak hrim hrim lai, vanlawng zong an hmang ko lai. Khi tikah hriamnam thazang zong in kan tei hna lai lo i can sau an peh zul kho lai lo %.

Cun Hakha hman hi Thantlang bantukin an khang kho ve mi asi. Cucaah ah bia halnak; 1. Thantlang hi miphun ralkap nih nunnak pek in lak caan asi maw? Kei cu ka duh rih lo. Can dang a um te ko lai.

2. Thantlang cu miphun ralkap nih lak hna sehlaw teh hriamnam tha zang le an minung thazang (tlawmtam) in caan sau an kil veng kho lai maw.

3. A lawng mi khua thantlang hi lak ah cun teh Thantlang kan kilven mi nak a let tam in Hakha kilven kan hau lai i kan tuah kho lai maw? Aruang cu Ralhrang pawl thin hunnak cu Hakha cungah a tla cang lai ruahawk a tampi. Ei le bar, ralzam an karh lai etc.

Cu caah Thantlang hi lak lawlaw uh ralhrang 200 hrawng lawng an um ko e nan ral a chia ti lawng kha au sawsaw hlah hh. A caan le a thli hran zoh dih cikcek hnu ah tuah ding mi thil asi. Credit; Par Chin Sung

TRRC Khualtlawn nak; Thantlang Relief le Reconstruction Committee nih Committee kan ser Thlakhat tlinnak ah a voikhat nak Ralzam hna sin ah Riantuan nak le kan Pekchanh khawh mi le kan khual tlawn nak.

Hakha in 24.11.2021 ni in 30.11.2021 nitiang (Zarhkhat) Chung kan khual tlawnnak Chuncung, Dokthek, Ramthlo, Tlangzar, Tlangte, Hmunthar, Arcerh, Khuafo, Sopum, Sih hmuh, Thangzang, Fungkah, Lungler, Bungkhua, Hmunlipi, Thlualam, Vambai, Salen, Hriangkhan, Thau, Bungtlang hna hi Zarhkhat chung ah kan Pal khawh mi hna khua an si.
Tutan TRRC nih kan phawtmi thilpuan Hruk aih le eidin pawl hi Motor 3 phur a si i, Motor 2 phur hi Mandalay Churches Fellowship nih an kan hlut mi si. A dang motor 1 phur hi Yangon, Mukoh, Kalay le Hakha in si. Motor Pathum nih a phurh mi hi Kyats Sing – 300 (Ting 300) leng man an si.

Cu lawng si lo in Myanmar Christion Church (Dallas) in Blanket Puan Zun (1000)zong tutan ah kan Ralzam kan hawi le hna sin pek an si. Rev. Simon Thawng Hmung nih a kan tawlrel piak mi a si (Rev. Thawng Hmung cungah si seh, MCC (Dallas) cungah siseh, A dang pechan tu hna dihlak cungah kan i lawm tuk.

Thantlang Khuachungah Kangh uh nak a tong mi hna chungkhar Inn khat ah Kyats Sing 1 (100000) in i hnemh nak kan ngei kho. Tutan kan khualtlawn cu Voidang khualtlawn he ai lo lo. Khua kan phak nak kip ah Pakhat le Pakhat kan i ton nak ah a ho mithmai hmanh a panh kho lo.

Kuttlaih nak ah kan hman mi Biafang hna cu aidang ngai. Mah Biafang hna cu, “Nang Na Inn A Kang Ve Maw” ti le “Zeitik dah Thantlang kan kir khawh lai” ti mi Biafang hi a si. Culak ah Kan hawidawt cheukhat Ralzam thutdir hmuh tik ah Lung a tha lo ngai. An Tappi lungthu vanzoh ah thinlung nih a celh lo. Kan nu le kan pa Tar pawl van hmuh hrimhrim ah cun thinlung a kek kawi hnik ko.

TRRC nih Kan Hawidawt hna Thazaang kan pek khawh mi hna le Kan Hnemh nak hna biafang cu “Caan rau lo teah Thantlang khua ah kan kirthan ko lai ti mi le A Tu Kan Inn Lo A Kang Mi Nak Tha In Thantlang Khua kan serthan hna lai ti hi Thazaang kan i pek khawh mi cu a si. Kan Biak Pathian nih kan phaknak le kan umnak cio ah kan umpi hram ko seh. Credit: Pu Ram Khar