Thantlang AG Biakinn mei khangh aizalmi ralhrang hna dirkamh ding ah a kal hnawhtu mino 3 hna!

Thantlang AG Biakinn mei khangh aizalmi ralhrang hna dirkamh ding ah a kal hnawhtu mino 3 hna!
===========
Thantlang AG Biakinn mei khangh aizalmi ralhrang hna dirkamh ding ah a kal hnawhtu mino 3 hna thinlung zur tuk buin minung upatnak sangbik kan pek hna. An ral a tha, pasal bak an si. Nain, ziah an bawi le nih maw an kalter hna hnga? Ziah an thloh hna lo? Raltuk ding asi ahcun, planning tha tein suai i an tuk awk asi deuh lo maw? Tampi a ka ruahter.

Order an peek mi hna an zulh bak nawl an ngai thatuk nain Ralhrang hna dirhmun hlathlainak an chambau deuh ko rua. Sianginn sang in Markets sang kai hi an thlingza ziar cang. Kan hngalhlo leng in thil a chung um kolai, ruahchih a haumi cu CNA an i tel ve i hliam zong an tuarve ko, kei cu an pu le nakin an kalmi ralhrang nih an hngalh hna le an rak bawh khawh mi hna tu khi zeiruangah? zeitin dah? ti biahalnak kaa tuah deuh asi.

AG Biakinn khangh an timh caah va kal in ka kham/va dirawnh ding an kal tikah ral he kah ding silo in ral va pelding ti asi cumu, cu va pel ding ral cuziah ral nih an ka pel lai ti a hngalh hnga? ziah AG Biakinn cu ralhrang nihcun cawktarh in an rak hman hnga?

Lung a fak ko, Sianginn Sang, Thantlang Covid-19 nih faktuk in a Kan den lio ah sang le zawl, ram le miphun caah tiin inn chungkhar rian hma kaltak in Covid-19 Volunteer ah pumpek in rian nan tuan. Mithi neih caan ah thlan hmun hmanh ah kal ngam tu an um lo lio ah nan thazaang, Nan nunnak nan pek. Covid-19 Volunteer riantuannak in ram le miphun caah Kan Kal Lai nan tizaan kha ka mithlam ah a cuang.

A hnubik Kan iton khuafo khua ah na hawi tha Hrang Thio Lian ruak ni, nan kal lai kutza Kan i chanh lio hna khah ka mithlam ah an cuang than. Kan nau le nan si nain ram le miphun caah ahcun Kum 100 tluk nan rak kal chung cang. Upatnak sangbik Kan ipek hna.

Ka zaang a uai. Nan mui kan hmu bal hna lo i nan kong zong ka ruat lai lo ka ti zongah ka lungthin nih an hlaat kho hrimhrim hna lo e ka naule. Ka lungfah tukah biakinn tham cu a kangh zongah sak than khawh a si ko hme cu nunnak pei a biapi deuh cu tiah keimah le keimah bia kai el.

Ka naule ram le miphun caah nunnak tiang pe in nan i pumpeknak cungah upatnak sangbik kan pek hna. Nan mui kan in hmu kho ti hna lai lo nain nan min chim a dai lai lo. Nan kaltak mi chungkhar vialte Bawipa Thlarau nih intuar khawhnak pe cio hram hna seh.

Nihin Thantlang Kahdohnak Ah CDF Lei 3 Nunnak liam, 4 An I Hliam. Nihin Thantlang AG biakinn pawng ah ralhrang nih inn duah an timh lio ah CDF/CNA le nih an va fuh hna i ralhrang nih an rak bawh hna caah an ambush hna. Cu ruang ah kan fah khunnak a si.

Nihin December 8 zaanlei Thantlang khuachung kahdohnak ah CDF lei in minung 3 nunnak a liam i CNA ralkap tel in 4 hliamhma an pu, Ralhrang nih December 5 tiang ah khan inn 530 an khangh cang. “Nihin kahdohnak ah nunnak petu hna hi; 1.Ram Lian Peng (Hriangkhan), 2.Bawi Za Uk (Thantlang sianginn sang), 3.Van Tha Ceu (Thau) an si.

Aa hliammi hna hi; Thantlang Battalion in pakhat, Thau pakhat, Hriangkhan pakhat le CNA pakhat hna an si. AG biakinn pawng ah Ralhrang nih inn duah an timh lio ah an va fuh hna i Ralhrang an rak i ready tik ah atu bantuk in kan fah khunnak hi a si,” tiah CDF chungtel pakhat nih The Hakha Times ah a chim.

Atu thawng kan tial 9:30 PM (2021 December tiang ah nunnak a petu hna an ruak hi laak khawh an si rih lo, tiah kan theih. Thantlang khua cu December 5 lio ah Ralhrang nih avoi 11nak inn 38 an khangh than, nihin tiang ah inn 530 an khangh cang. Thantlang Ralhrang sakhaan