Tedim pengchung Ngawsing khua le a pawngkam hrawng ah

Chin Hriamtlai Phu Karlak Ah Kahdohnak A Chuak Taktak Cang!
==========
Tedim pengchung Ngawsing khua le a pawngkam hrawng ah tuzing sml 6:30 AM thawk in khan Damiah ZRA le mipi ralkap an i kap tiah theih a si. A thi le aa hliam an um maw um lo theih khawh si rih lo. Anmah Damiah ZRA lei nih cun CNA he kan i kap tiah an țial len nain thawngfiang fehtermi a um rih lo.

Nihin Zinglei Tedim Peng ah CNA le ZRA Karlak Kahdohnak a Chuak. Nihin December 17, zinglei sml. 3:00 hrawng ah Tedim peng, Gawsing khuate ah CNA le SAC ralhrang tthiangtthunh Zomi Revolution Army (ZRA) karlak ah kahdohnak a chuak, tiah thawng kan theih.

Kahdohnak a chuahnak hmun Gawsing khuate hi Tedim khuapi he meng 30 hrawng a hlatnak ah a ummi India-Myanmar ramri pawng khuate a si. Nihin zinglei kahdohnak ah Gawsing khuami pahnih hliamhma an pu i, khuami pawl zong an dihlak in an zaam hna.

ZRA nih aluancia thla chung ah Tedim peng ah a ummi PDF sakhaan voi 3 tiang an rak luh hnawh i mei in an khanghpiak bal hna. Cu lawng si loin December 5 ah PDF-Zoland hi an hruaitu Pu Cin Sian Suan zong ZRA nih a inn ah meithal in an kah i a nunnak a liam. Credit: The Chin Journal

Falam Khuapi ah Dalan tumtlang pakhat cu Lakphakti a din lio ah kah thah a si. Chin ramkulh, Falam khuapi sang pakhat ah Dalan Tumtlang pakhat cu Lakphakti a din lio ah kah thah a si, tiah thawngpang theih a si. Hi kong he pehtlai in Dalan tumtlang pakhat hi zung pakhat ah riantuantu a si hlei ah Engineer U Than Win (Kum 60) a si, tiah theih a si.

Falam khuapi ah a minthang taktak mi dalan tumtlang taktak a si i, nihin December 14, 2021 ni suimilam 2:30 hrawngah aho ti theih lomi nih meithal in voi 2 a kah i, a nunnak a liam, tiah thawngpang theih a si.

U Than Win hi a hlan tein ralrin pek cangmi a si. Falam khuapi chungin a tlau i, khoika a um ti theih lo hnu ah a nai tein ah a rak lang thanmi a si, tiah an chim.

U Than Win dalan tumtlang taktak kah thah a tongmi pa cu a hmutu pakhat nih a chimning ahcun hmun 2 bak ah an kah tiah a chim. Motor ke pathum cu an hlan ah Siinn lei an kal, tiah theih a si. A Thi le nun theihkhawh a si lo, tiah a chim ve.

Hi kong ah ralhrang le palek pawl an phan cang caah nai tein zohkhawh le hmuh khawh a si ti lo. Falam khuapi chung dawr vialte zong an khar dih. Inn kip checkhlaitnak cu a um rih lo, tiah thawngpang theih a si. Falam khuapi chung a ummi mipi caah harnak aum sualnak hngalo thlacamnak in bawmh cio hna usih.

Good News: PDF Pawl Nih 60 MM Cu Tlamtling tein Kan Ser Khawh Cang tiah thawngthanhnak! NUG tei ah a ummi PDF nih lam hla kahnak (60 MM) cu tlamtling tein kan ser khawh ve cang tiah thawng thanhnak an tuah. PDF nih hin hriamnam sertu phu an ngeih ve i cu hna nih cun a luancia thlakhat hrawng ah khan hi hriamnam hi an ser chuah I hman hram zong an thok cang tiah theih a si.

Lamhla kahnak miakpi 60 (mah-mah) kan ser cang i hman khawh a si cang tiah Myanmar ram laifang hrawngah a cawlcang mi mipi kilvengtu ralkap hriamnam serchuahnak bu MTT Production in ṭuanvo ngeitu pakhat nih a chim.

Hi miakpi 60 (mah-mah) serchuah nak ah thlakhat leng an rau. An ser nak ah mizapi ralkap pakhat a nunnak a liam i pakhat cu a kutthei pahnih aa tan tiah theih a si.

MTT Production in ṭuanvo ngeitu nih cun “LPDF hna sinah 60 (mah-mah) cheukhat kan pek cang hna. Kanmah hrimhrim zong hi Yinmapin le Kani peng kahdohnak ah kan i tel ve” tiah a chim fawn.

Hriamnam dang serchuah khawh nak dingah tangka le thilri a herhmi a tam caah a si khawh chungin bawmhnak pek kan herh ko rih tiah MTT Production nih an chim. Naite zongah khan Sagaing ramṭhen PDF hna nih ti chungah hmanh khawhmi bomb kan ser khawh tiah an thanh cang.

Ti chungah hmanh khawhmi bomb hmangin Dec 13, nizan ah Kani peng Mae-din khua Kyaunkhung pawngah PDF nih ralhrang an doh hna i ralhrang tilawng pakhat a pil tiah Kani PDF nih an thanh tiah People Voice Television nih a ṭial. Credit: The Chin Post