Ta’ang (TNLA) ralkap cu mipi runven dingah khuapi lei an panh ve cang.

Ta’ang (TNLA) ralkap cu mipi runven dingah khuapi lei an panh ve cang.
==========================
TNLA hi kan theih bantuk in tlangcung hriamtlai phu lak ah thazaang thawngmi an si ve. Nihin ah khan sandahpiah mi mipi le CDM a tuahmi pawl runven dingah Kutkhai khuapi an phan. A fiang mi cu R2P nak in tlancung hriamtlai pawl hi an khual a rang deuh. KNU si hna kaw mipi an ven hna.Kachin ralkap KIA tuhi khuachung luh lo in heh tiah kawl ralkap an thiam thluahmah hna. Nihin zongah Kawl ralkap tam lak KIA nih an thah hna.

Ralkap nih an kuat an thlen caah mipi kan rian. Nikhat hnu nikhat ralkap an thazaang a tlak cang caah i thuhnawhnak hmun biatak in an kawl cang . Sianginn, Siizung le Hall deuh ah um an i tim. Biakinn tiang zong biatak in ven hauh dawh kan si. Abik in ralkap an thazaang a tlak tuk cang caah a dihdonghnak an tuah khawhmi cu mipi tlerhkhawnh, thih phoih le tleih a si. Cun Heh tiah meithal an puah lai.

Meithal in mi kah kha an ngamhtuk ti lo. Minung cu zat cu ralkap nih an thah hna timi thawng Vawlei pi theih lengmang kha an ngamh ti lo. US siseh UN zong nih mi kaap ti hlah tiah ralrin a pek cang. Cucaah a hlan bantuk in mi cu an kah ti lo.Cucu mit hmuh a si . Nizan tihni hrawng cu a hlannak in an dai deuh cang hih. Siloah atu cu zeidah an tuah cang lai ti cun mitleih in an hrang than lai.

Mi an kah ngam ti lo caah an hmuhi poh kha tleih khawh an i zuam lai. An tleihmi hna hi khuika an chiah hna le an thih le nun zong theih lomi an tampi lai. 1988 lio bantuk in tleih tongmi cheukhat cu mi hmuh lonak ah a thli in an thah khawh hna. Cucaah ralkap tleih lo hrimhrim kan i zuam hna lai. An kuat an thlen cang caah ralrin tein um kan herh. An donghnak kuat a si cang.An dih cang ko lai hih. Credit; Tluang Ceu Thang