SUUKYI NIH REMNAK TUAH KA DUH TI, Thailand FM nih Suukyi Jail ah a tonnak kong
=========
July 11,2023 Jakarta i ASEAN Foreign Minister meeting a Ni- hnih nak’ah Thailand FM Mr.Don Pramudwinai nih cun Daw Aungsan Suukyi he Nyphydaw Thonginn ah an i tonnak kong pawl cu ASEAN Ministers meeting ah a chim i, Daw Suuky nih Myanmar remdaihnak siam a duh nak kong a chim pinah, tlawmpal ah MAH nih chuah khawh kan i zuam lai ti’ah tiamkamnak a ka pek ati. Cun a ngan a dam pinah zeihmanh lungrethei nak nei dawh asi lo ati fawn.
Thai FM nih cun, Suukyi he Suimilam-2 chung tluk kan i hmu i, bia tha tha tampi kan ceih ti ti’ah a chim hoi.Hi kong hi tuchunni ASEAN Meeting an dih hnu’ah Thai FM Don Pramudwinai nih News Pawl sinah a chimmi asi.Cuca’ah tukum September thla hlan ah a chuah khawh zumh asi ti’ah Kyodo News nih a tial ve.
Thailand Deputy Prime Minister-Cum-Foreign Minister Don Pramudwinai hi July-9 (Sunday) zinglei 9:46 Am ah khan Thailand Air Force Van lawngin Nyphydaw a phan i,MAH siannak nawl in Dy Home Minister(ရဲချုပ်) he Suukyi hi an van tong ti’ah minchim duh lo Thonginn bawi pa nih a chim.Mah hi Kum 2021 in Daw Suukyi Thong a tlaknak in Ramdang Bawi upa/Minister nih an ton a vawikhatnak asi i, Indonesia FM Marsudi le SAC FM an i chawnhnak ruangin a chuak mi ah ruah asi.
Cuca’ah ASEAN chungah lungaw- tom in an um dih i, Statement Phukomh thawng thanhnak an tuah kho rih lo. Hi kong peh zulh cawlh dingin ASEAN Secretary General Mr. Kao Kim Hourn hruaimi Secretariat cu rian ngan an khinh cawlh hna.
Thailand Prime Minister thar thim ding cu thai tuan ah Parliament House pahnih komhin tuah asi cang lai i, Move Forward Party Candidate Mr. Pita nih hin teinak a hmu kho lo men ti’ah ruah damh cio asi.Move Forward le Pheu Thai Party hruaimi 8 Parties Alliance nih hin MP-312 lawng an ngei kho rih i, tlop tu MP-64 an herh rih.
Ralkap Cozah thimmi Senators- 250 lakah hin Cheukhat nih cun Mr.Pita hi pek dawh an si ko na’in, tling khawh dawh asi lo. Cu a tling lo si’ah cun Pheu Thai Party leiin Ms Paetongtarn Shinawatra Candidate asi lai i, Opposition lei’in Bhumjaithai Party in Health Minister kal dingmi Mr.Anutin Charnvirakul he Prime Minister Post i cuh ding an si.. Van ngai cang rih hna usih.
Aung San Suu Kyi Le Thailand Ram Foreign Affairs Minister An I Tong. Thongthlak a tong mi Daw Aung San Suu Kyi he nai teah tonnak kan nei tiah Thailand ram Foreign Affairs Minister Don Pramudwinai nih Indonesia ram ah tuah mi ASIAN ramchung Foreign Affairs Minister pawl ton biaruahnak ah a mah pumpak nih a chim hi a si.
Japan ram Kyodo thawngzamh nih July 12 ni ah a cunglei bantuk in a langhter hi a si. 2021 SAC cozah nih uknak a lak hnu in Daw Aung San Suu Kyi cu a voikhatnak bik Thailand ram Foreign Affairs Minister Don Pramudwinai he an i ton hi a si.
An rak i ton hi a luan cia July 9 lio ah a si i Daw Aung San Suu Kyi nih ASIAN Foreign Affairs Minister pawl sin ah biacah a kuat mi zong a rel piak hna tiah thawngpang a leng nain fiang in theih a si rih lo.
Thailand ram Foreign Affairs Minister Don Pramudwinai cu Indonesia ram tonpumhnak hlan ah a thli tein Naypyidaw ah a rak kal i a kal nak kong he pehtlai in thawngthanh nak zeihmanh an rak tuah lo tiah kan theih.