Sitha Khua Pawng Kahdohnak Ah Ralkap A Thimi An Um Bang In Mipi Lei Hliampu An Um Ve

Tuzan suimilam 8:00pm tiang kalay myo thawngpang
=================
Sitha Khua Pawng Kahdohnak ah Ralkap a Thimi an Um bang in Mipi lei Hliampu an Um Ve. Tu zanlei Kalay peng, Sitha khua pawng kahdohnak ah mipi lei in Natchaung khuami pakhat le Htuma khuami pahnih hliamhma an pu. Myanmar ralkap lei in a tlawm bik minung pakhat in pathum karlak an thi.

Tuzan leiin kalaymyo ah mipi le ralhrang i kahnak cu tuzan suimilam 8:00pm tiangah an i kap pengrih. ralhrang minung 20 hrawng taryakung lei ah an kal i mipi nih an rak bawh hna i ralhrang pawl cu mipi nih lam canceo ah an hren hna caah hnu lei hmai lei zong kal kho ti loin an hren lio hna a si. an i kahnak ah ralhrang leiin minung 4 an thi cang i mipi leiin pakhat a ke ah an kah i aa hliam ve. ralhrang nih an motor an zaam tak i motor an rak la te hnga maw tiah an bawh peng hna. an motor cu tu hi mipi kut ah a um ko rih. ralhrang lei minung 16 hrawng an zaam. a tu hi kiangkap khuate kip nih an bawh hna caah ralhrang pawl cu bawmchan tu zong an ngei kho ti lo tiah thawng kan theih. Credit: The Thantlang Times, The Chin Journal

Nihin chung ah kalaymyo um mi mino he upa he minung pa 7 he kan i chon kho.Nizan an kah lio hna ah Ralbawi zong a thi mi ah aitel an ti. Nihin ni mino tampi lungput ah cun Spring Revolution Army ti phun khin Hriamtlai Bu dirh ding tiang an chim rel pah cang an ka ti. Hriamnam akan bawm /hlan kho tu um hna sehlaw trainning kai lo hmanh in kan doh ngam ko hna lai an ti.CNA,ZRA, pawl hi pehtleih khawh an si rih fawn lo ii poi tuk ee tiah mino pawl an thin lin tuk cang.

Kalaymyo cu Miphun kan tling mizo, Tidim, Laimi,Falam, Kawl miphun fonh kan si caah hriam tlai phu kan dir a hau ko lai tiah mino hna an lung ai rual tuk ee an ti. 88 lio zong ah kalay myo hi minthang mi an rak si.Ralkap le Police zong an rak thah mi an tam ngaingai. Tulio hin kalay mino pawl bantuk hin Hakha ,Than tlang mino pawl zong lungrual tein dir ti caan asi ko cang.