Senthang chung buainak ah hlathlainak le upa tampi he biaruahnak ngeih hnu ah thil sining a vun tial mi a si!
========
“Ramchung ah tha tein Sianginn a kai i ramleng ah khua a sa lio mi, United Nation conference zong a kai i bia a chim bal mi, Senthang ramchung ah riantha tampi a tuan cang i tuan cuahmah mi Senthang upa pakhat nih ramchung dohthlennak le Senthang chung buainak ah hlathlainak le upa tampi he biaruahnak ngeih hnu ah thil sining a vun tial mi a si.“
Tangka thawh uh, Democracy ram kan si ah cun kum 10 chung ah Singapore ramnak in Chin state a ṭhanchodeuh lai tiah an chim ka theih pah tawn, nain “How” ti mi an chim ti lo, “How” ti mi zawn ah khin an ṭial/an quality hmuhkhawh an si. Chin mi upa deuhtiah ka ruahmi biachim khi ka ngai pah tawn, 97% cu Political history an si tiah ka hmuh hna, a tu lio kan ram sersiamnak ah cun Political philosophers minung kan herh. Kan nau le hna chung in thup piin khuaruat kho le thiamnak saang ngei nan um Senthang sersiamnak ah 2024 cun rak kan telpi cio cang uh.
Pathian min a aumipoh khi Pathian mifa kan si lai lo, Pathian nih langak zong a hmaan ko bantuk khan Pathian mi hmanpoh a zumtu kan si lo, kan thinlung nih thla a cam hlaan ah FB ah Bawipa thangṭhat a thiammi zong kan um kho. Ka langhater duhmi cu kan hmuhmi, kan theih mi poh khi fawi tuk in zumh lo a ṭha, chim colh ding zong a si lo, va hlat hmasa, va ruat hmasa…….Senthang caah a ṭha mi kha zaapi theih in rak kan hrawm uh, zaapi theih in chim tlung loin a thlithup in kalpi a hmang mi cu kan in zumh kho hna lai lo.
Kan hnu zarh ka caṭial mi kha paragraph pakhat ah issue phun 1-4 tiang ka kemhmi a um a theihthiammi zong nan tampi lai ka zumh, khua a ruat mi nih cun kan sining ah tahchunnak a hmaan ti kha an hngalh lai, na ruat lo ah cun a mah kong a ṭial nan ti lai (aruang um caah….).
Mah ka ṭialmi chung ah Senthang buainak le sining cu a tlingngai ko tiah ka ruat. Ka ṭialmi kha rak delete hlah an ti caah mah ti khan ka chia rih ko lai a duhmi nih copy page tuahkhawh si. Ka langhater duhmi; Senthang sining tamdeuh fian na duh ah cun tamdeuh in va hlat hmasa, khua va ruat.
2024 caah a biapi ngaimi; Ramdang ah HTHRF an dirh kan hnu kum ah $151,500 ti hrawng an hmuh, US lei Senthang Church tangka a thawhtu nan um ve, mah nan thawhmi khan Hakha peng humanitarian caah hman a si hlei ah Khuakhat ah thla fatin Kyat ting 1 sayate salary pek siseh ti a si, Lailei Senthang peng khua tampi nih an hmuh lo ti a si khah, ka Q cu ziah Senthang i fonh in kan mah tein derect ah pek khawh a si lo maw? Kan thawhcia mi tangka kha miphun dang nih hmang riangmang in, cu ti khan nan um lo ah cun kan in bomh lai lo ti hna a si sual ah cun an mah palh nak in kan mah palh deuh a si lai, nan ruah ngai a hau.
Politic first, money second ti a si nain practical ah cun money first, politic second tiah kei cu ka ruat. Cu caah 2024 cu SO & SY USA an khuakhannak ah hin GSO, SE, Senthang Church USA, hmun dang um Senthang buu rak i tel cio uh, kan thazaang a ṭhawn ah cun miphun dang nih a kan ṭih zah ko lai, Senthang kan covo kha miphun dang sin ah va hal lengmang ding a si lo. Mah hi a pa 2 nak ah ka langhter duh mi siseh, mah vial in kaa lawm. Credit – Pu Vai Thang, Senthang Global Supporting Council page