Sawmnak le Thawngthanh!

Sawmnak le Thawngthanh!
=======
Bawipa nih daihnak le lawmhnak he lam in hruai cio hna seh tiah HBA nih thlaza kan in cam piak hna. 2022 Feb 24-27 tiang MC, BM Meeting le Olive Baptist Church Tin (10yrs)Jubilee ah sawm mi pello tein tel kho dingin kan in sawm hna.

1. MC le BM kan meeting tuahnak hmunhma cu Motor chiahnak a um lo caah Driver nih lam pial tiang thlah le donthan ding a si lai. Cycle cu lam kam inn pawngah chiah nak a um lai. 2. 2022 Feb 22(Nihnih ni) ah BM meeting cauk Area le Local Khrihfabu sin phan dingin kan in phawt hna lai. Nan rak rel cia dih lai i report kan rel than ti lai lo. Fianlo mi halnak lawng a um te lai.

3. MC Meeting cu zapi a si lai i a kai kholo ding cu mah le Khrihfabu/Area nih tha tein khunhhalnak ca a tial piak lai. 4.2021 cheuhra cheukhat chungin 1/3 pek ding cu BM hlan ah pek a si lai. Leiba dangdang a ngeimi zong pek cio dingin kan in nawl hna.

5. Pastor minpek, Ordination pek ding le Pension pek ding mi hna cu 2022 Feb 24, MC meeting dih ah cawnnak (rehearsal) a um lai. Pumpak cio nan sin ah sawmnak kan in kuat hna. Pek ni 2022 Feb. 26 ah minung pakhat nih chungkhat minung 10 cio sawm khawh a si lai.

6. Rai a thian lo caah mask le kuthrolh he meeting kai ding in kan sawm hna. 7. A hmun hma cu Olive Baptist Church, Hakha ah tuah a si lai. Fian lo mi um ai kun phone in siseh HBA Zung rat in hal khawh a si. Ceu Sang Kung, AGS.

Bawipa dawtnak thawngin mipi sin hla ka saknak hi tuni ah kum4 atling ve cang. Malaysia kal kaa thoknak ni bak asi. Atu ah hin MICHIGAN, USA ah ka um i tukhawh suimilam pahnih ah Maryland, DC ah ka kal lai.

Bawipa a tthatuk! Ka thok kaa ah cun hlasak hi ka PASSION asi. Ka thok kaa ah cun keimah pumpak i nuamhnak le hlasak duh ruang lawngah hla ka rak sa. Atu cu Bawipa zaangfahnak thawngin miphun le ram ca tiang ka aw zai hmang kho dingin thluachuah aka pek.

Caan tawite chungah thangchiat le soisel ka tong nain zeitik hmanh ah an ka thlu kho bal lo. Sersat ka tong nain Bawipa nih a ka cawisaan chin i mualpho in a ka chia bal lo. Ka nun lamthluan ah ka chuah kehnak ka philh lo.
Bawipa thawng lawngte asi timi hngalh fiannak kaa tlaih peng. Toidor nun le mi ttihzahnak le thlaidannak ngeih lonak lungthin, ziaza kaa tlaih peng.

Atutiang ah minthan le cawisaan le laar le a tthacem a tthabik si kaa tim bal lo. Bawipa nih a ka hruai i Amah nih a caan za, a caan arem a tining in thluachuah tampi a ka pek zungzal. A pakhatnak ah Bawipa cungah ka lawmtuk. Cun, a pahnihnak ah dawtu le thazaang a ka petu ka fans le nan cungah kaalawm khun.

Ka aw le ka hla cu um rih seh, ka minung hrim adam ahimnak hnga tiang khua a khaang mi nan um. Mah bantuk dawtnak cu ka phu loh. Keimah nih cun na caah zei ka tuah khawh mi a um lo pinah, zeitik hmanh ah kan cham kho hna lai lo.
Bawipa tunih in cham dih ko hna seh. Ka caan a taang mi vialte zongah thla ka campiak rih u. Ka dirkamh zungzal ko ulaw tiah kan nawl hna. I love you guys, an God bless you all!

Khua ka ruah mi alanh sual caan cun, zeihme ka tuah? ka tuah mi hi a tthathnem hme maw? tiah zaangder in, keimah le keimah bia kaa hal tawn. Purpose (ruang) loin rianttuan hi ka caah apoi bik mi asi. Nih le kheh, hlasak le khual tlawn cu a nuam nain midang influence or tthangh phawhnak or thlenak zong va pek khawh lo, tlun chuah – tlun chuak lawng asi cun ka caan a paam tuk la.

Atulio ka thazaang cu mipi sin in ttannak le lung thawhnak le cawlcanghnak ka hmuh lawng khin asi la. Mah ti lo cun ka caan paam tuk hnga. Zarh 8 chung STATES 8 akal ding ka si, bia tlawmpaal le hla tampi asa ding ka si rih. Ka tuah ttuanmi sullam angei mi asi khawhnak hnga, nan thlacam piaknak ka herh ko.

Kan i timhtuah mi Bawipa nih a zaangfah lai cun mipi nan ttan cun $30-$50million hmuh dingin kan i ruahchan. Hihi tlaam atlin cun RAAL kan tei la, ram zong ser khawh dingin ruahchannak ngeih mi asi. Mah caah cun Lai Miphun, Lairam nih an bochan ko. Nan thawh cang mi zong a tamtuk cang ko lai NAIN nangmah bawmh chanh aherh rih ko.

Nan zaangder hrim hlah u. Nan lung tthuul hrim hlah seh. Thawh chin lengmang ko u. Kan ram a luat hlaan lo i zuam chin ko hna usih. States kip zong kan in veh thluahmah hna lai. RAM le MIPHUN caah READY/ timh chia tein rak kan hngak ko u. Credit: Van Hlei Sung