Salai Bawi Lian Mang: CHRO team le US Department of State, US Aid upa hna tuchun ton biaruah nak kan nei.

CHRO team le US Department of State, US Aid upa hna tuchun ton biaruah nak kan nei.
=============
SAC ralhrang nih kan ram ah nuhrin covo an buar nak kong le thil sining kan I ruah. Biahal nak le theih an duh mi tete zong detail ngai in kan chimh khawh hna.

An mah US cozah lei in East Asia and Pacific Affairs nih meeting cu host an kan tuah I bureau dangdang, Bureau for Democracy Human Rights and Labor, Bureau for Population, Migration and Refugee, pin ah US Aid lei in upa hna zong an itel.

Meeting a dih ah zeidah request tuah nan kan duh tiah an ti I; 1. UN Security Council hi a ran nak in auh I Burma ram kong ceih ding ah kan hnu Monday ah khan UK cozah lei upa sin zong ah kan chim cang. UK cozah zong nih member rampawl kan vun chonh duahmah hna lai an ti. Mah cu US nih biatak te in nan kan dir pi a biapi ko tiah kan chim.

2. India Mizoram le Chin IDP hi US cozah nih kan sia an herh ko timi Washington DC I India Ambassador pa hi nan chimh ah cun rianhma tampi a kal kho mi asi, Timi le thil dangdang recommend kan tuah mi tete a um.

Hmaizarh ah US cozah lei department dang he meeting adang te in nei tthan ding ah kan I tiam. Ramchung in biatak te in a cawl cuahmah mi hna upat nak he kan um nak hmun cio in kan ti khawh mi lam poh in kan ttang ttual mal hna lai.

๐—”๐—ฆ๐—˜๐—”๐—ก ๐—ฆ๐˜‚๐—บ๐—บ๐—ถ๐˜ ๐—ฏ๐—ถ๐—ฎ๐—ฐ๐—ต๐˜‚๐—ฎ๐—ธ-๐Ÿฎ; Atutan ASEAN Summit cu Kawlram buainak kong lawngte nih a hun khuhcilh. Prime Minister Hun Sen (Combodia) nih โ€œa ralai mi EU-ASEAN Summit ah Kawl ralkap hi sawm an si rih lo kho menโ€ a ti. Min Aung Hlaing an sawm ahcun EU lei in lutlai kai duh loin protocol a niam mi lawng an kai lai, ti an phan caah a si tiah cheukhat media nih an langhter.
ASEAN Chair a tlai chom dingmi nih atu bantuk a hun chim thluahmah cu thil tha a si.

Nitlak ram theo kan ti lai. Hi kong hi tuan deuhpi khan lam an rak ser cia cang. ASEAN Summit ah Kawl ralkap sawm lo ding tiah bia a chuah lio ah khan ASEAN-Related Summits (tahchunhnak ASEAN-US, ASEAN-China, ASEAN-Japan, ASEAN-EU tbk) ah sawm chih lo ding in US le EU lei palai pawl nih ASEAN Foreign Minister cheukhat sin ah siizungzi an rak tuahcia cang.

ASEAN chungtel Foreign Ministers cu ASEAN Summit tawlrelnak tuanvo a ngeimi (Coordination Council) an si. Tikah, Kawl ralkap hnon nakding ah annih pawl ruahnak hi tawhtlaitu pakhat a si ve. Atutan hnon an simi zong hi Foreign Ministers meeting in a chuak mi kha a si.

– US President Biden nih nizan cu a hun telpi ve hna i biachimnak a ngei. Kawl ralkap nih uknak a lakmi cu a hun mawhchiat; โ€œhorrific violenceโ€ tiah a pin ngai mi biafang a hman. Thongtla chuah ding, kahdohnak tuah ti lo ding le democracy lam cung ah zawh than ding in forhfialnak a hun tuah.

Thai Prime Minister Prayut belte hi khat lei khat lei ruat thiam ngai phun in bia a chim. Kawlram ah daihnak a um ding kan duh piak hna, a ti. ASEAN Five-points Consensus tuanchuah ding in forhfialnak a tuah.

Singapore Prime Mister Lee Hsien zong nih mah thiam hi a hun forh ve; ASEAN he cooperate tuah deuh ding in a ti.
Five-point Consensus tuanchuah ding hi khat lei cun Kawl ralkap caah hnahnok ngai a rak si. Ziah tiahcun ka tuanchuah lo zong a poi lai lo; an philh [ASEAN nih] te ko lai ti phun in a rak i ruahcia. Nain tuanchuah ding in biatak ngai an hun nawr caah atu dirhmun an phaknak a si.

A tuanchuah lo cun buainak a karh chin vima ko lai. Hi kong ah US, EU le China te pawl nih a phen in hmalaknak tampi zong a rak i tel ve. A dang tein ka hun virhkhoih than te lai.

๐—”๐—ฆ๐—˜๐—”๐—ก ๐—น๐—ฒ ๐—ž๐—ฎ๐˜„๐—น ๐—ฟ๐—ฎ๐—น๐—ธ๐—ฎ๐—ฝ ๐—ธ๐—ฎ๐—ฟ๐—น๐—ฎ๐—ธ ๐—ฏ๐˜‚๐—ฎ๐—ถ๐—ป๐—ฎ๐—ธ ๐˜€๐—ฎ๐—ป ๐—ฐ๐—ต๐—ถ๐—ป ๐˜ƒ๐—ถ๐—บ๐—ฎ ๐—ฑ๐—ฎ๐˜„๐—ต: ๐—ก๐—จ๐—š ๐—ฐ๐—ฎ๐—ฎ๐—ต ๐—ฐ๐—ฎ๐—ฎ๐—ป๐˜๐—ต๐—ฎ ๐—ฎ ๐˜‚๐—บ ๐—น๐—ฎ๐—ถ ๐—บ๐—ฎ๐˜„? ASEAN Summit (meeting) cu tuchun thawk ding a si cang. Hi Summit kai ding sawmnak ca cu Kawl ralkap sin a phan cang. Nain, kan hnu zarh ka tial cia bang Min Aung Hlaing kai ding in sawm a si lo. Kawl ralkap nih a control mi Foreign Ministry tang i Director General Chan Aye minbunh in [non-political representatives] an kan sawm, tiah Zaw Min Tun nih a fianter.

Zahan ah Kawl ralkap nih โ€œKan bawizik (Min Aung Hlaing) a kai khawh lo hmanh ah Minister level tal a kai awk a si” tiah cathanh in lehnak an tuah. Nuar dawh an si. Director General an sawmmi zong hi Kawl ralkap nih kaiter thai lo dawh a si. BBC Burmese nih cun Kawlram ca thutnak a lawng lai, a ti.

Cu lio (Nizan) ah Dr. Cynthia Maung [NUG lei tang] cu ASEAN meeting kai ding in an sawm tiah thawngpang a chuak. Dr. Cynthia Maung cu media nih an hei pehtlaih i, “an ka sawm lo” a ti hna. Thawng deu a si tinak. Nain, Kawl ralkap lei nih Director General tal an thlah lo ahcun NUG lei caah [hmai lei] Kawlram aiawhtu minung thlahnak hi caantha a si kho te hnga maw tiah ruahding a hun um.

NUG nih โ€œASEAN Summit ah kanmah rak kan kaiter uh tiin halnak ca ASEAN sinah a kan kuatโ€ tiah Malaysia Foreign Minister nih a chim bal. ASEAN kal ningkel in hun cuanh ahcun Kawl ralkap hmanh hnon lio ah NUG tu hun kaiter ding cu thil harsa ngai a si.

Nain, ASEAN nih non-political representation tu cu โ€œKawlram caahโ€ innka kan on (reserve) lai an ti. Tikah, Kawl ralkap nih aho hmanh a thlah lo ahcun NUG lei caah caantha a si kho hnga maw tiah hun ruah chukcho ding khi chim duhmi a si. Ruahchannak a um tinak cu a si lo.

Kawl ralkap nih aiawhtu mizei hmanh a thlah thai lo belte ahcun ASEAN Five-point Consensus tuanchuah nakding ah harsatnak a hun um chin vima kho. Anmah (Kawl ralkap) meeting an kai ve lio i, an rak chah cia mi hmanh zulh an i harh tuk. Atutan anmah tel lo i biaceih mi le biachahmi hun zulh piak ding cu ruahchan awk a har chinchin.

Amahbelte, ASEAN nawl an zulh lo deuhdeuh ahcun ASEAN chungtel pawl nih hnu an chit deuhdeuh ve hna lai. An karlak buainak cu san chin vima dawhdang in a um lio a si. Khat lei in, Malaysia Foreign Minister nih “nan i duada tuk ahcun NUG lei kan pehtlaih mei hna lai” tiah Kawl ralkap a rak tlerhkhonh bal cang fawn hna.

Cucaah Kawl ralkap an nuar deuhdeuh ahcun NUG caah hmunhma a um te kho. Amahbelte, NUG nih hmunhma an lak ahcun a buaitlak (complicated) ngai te lai. Five-point consensus zong kha san a tlai te lai lo i lamdang tu kawl a hau te lai; hihi ASEAN nih an phan mi ah aa tel tiah BBC nih cun an ti.

Cu dirhmun a phanh sual ahcun China, US le India hrawng nih khin ASEAN le Kawlram karlak ah lamkaltu (mediator role) si phun khi hun i cuh a hau hnga. Buainak cu a tlaptlap in ai thuah te ko hnga. Zei va si khom ah, Kawl ralkap nih ramleng hawi a ngeih lo kha zapi kan duhmi a si ko caah a buai paoh kha Kawl ralkap caah sungh a si ko. Credit: June Nilian Sang