Russia ram a uknak caan a donghnak maw a si te lai!

Breaking News: Tutan Russia nih Ukrain a tuknak ah a sungh mi hriamnam!
========
Tutan Russia nih Ukrain a tuknak ah a sungh mi hriamnam, seh thilri le international sanctions an tuah mi vialte hi tuak tik ah a sung taktak khi si. Zeitluk in Putin a hei i chir cang hnga mu. A ram mi sin in upatnak le ramdang hruaitu vialte hna sin tiangin upatnak an ngeih mi vialte a sung dih cikcek fawn.

Russia ram a uknak caan a donghnak maw a si te lai; NATO pawl nih Russia ram an hrawh dihnak dek si te lai timi hi Politician tampi nih an ruah mi le chim cio mi asi cang. “Ukraine raal hi an tei te ko lai nain an sung cikcek” timi khi an si te ko lai hih!

Russia president Putin maw ai ngeihchih deuh te lai MAH deuh dah? Tulio Russia dirhmun cu “Ukraine raal hi kan tei nain kan sung” timi he ka lawhter ngai te, Russia nih a hriamnam a sungmi le international nih sanction an tuahmi he zoh chih in!

Monday zing i White House ah Black History Month an tuahnak ah President Joe Biden cu CBS News reporter Nancy Cordes nih Russia President Putin nih Sunday zing i a nuclear ready dingin a ralkap pawl nawl a pek hna nak kong he pehtlai in hitihin bia a hal “Nuclear ral a tho sual lai tiah Americans mi hi nan thin a phang maw?” timi biahalnak cu “Russia he nuclear ral thawh dingah kan lungretheihnak pakhat hmanh kan ngei lo (Americans should not fear nuclear war with Russia) tiah khal ko in a leh hna.

Russia nihhin nuclear hi 6,200 tluk hrawng ngaiin US nihhin 5,500 ngei in ruah asi. Asinain Russia nih a nuclear warhead le submarine pawl hi WWII dihka hrawng i rak siammi a thingtaktak mi hmantlak ti huaha lo an tam deuh ti asi. US nuclear pawl hi cu chanthar thiamnak sangsang in tuahtamh mi deuh lawngte an si.

Russia nih Saturday zaan le Sunday zing tiang Ukraine khuapi Kyiv cu lak dingin a thapi ai chuahsek len nain Ukraine ralkap paraltha pawl nih an phirphahlik loin an rak dawi hna. NATO nih hriamtha a bawmhmi nih tamtuk a khamh khawh caah Russia cu ai zizaang ngaingai cang i Nuclear in ai hrocer cang.

MoD, Wikipedia, Daily Mail chirhchan in tunai Update thar: Russia ralkap 5,300 an thi cang i minung 200 an tlaih cang hna. Vanlawng 29 le helicopter 29 an thlak piak cang hna. Cun Su-25 le An-26 cu an mahtlak in an tla u crews an thi dih ti asi. Tanks 191 le Armoured Vehicles 816 an hrawh piak cang hna.

Russia nih Ukraine ah missiles 350 tluk an kah cang tiah US official nih an chim. Russia phaisa man ngeihnak 30 percent tluk a tla colh ruangmang. Europe ram vialte nih Russia khualtlawng Vanlawng an ramcung ah zuan an khap dih. Ram tampi nih Russia he pumpululh le lentecelh ding an duh ti lo.

Russia nih a celh ve ti lo i rumro lo ti tluk in Ukraine cu remnak siampi a duh cang, Ukraine Palai pawl Belarus ramri ah Russia he biaruah dingah an phan cang, President Volodymyr Zelensky ai tel lo. Russia cu a ceituk cang i remnak hi tuah zokzok kho sehlaw a cash a tha deuh lai dah, asinain tu dirhmun ahcun a thin a lin chin lengmang cang i ralkap thazaang thawng chinchin in Kyiv cu an vun fuh cuahmah than lio asi.

Russia delegation le Ukraine cu Monday ah Belarus le Ukraine ramri ah i chawnh biaknak an ngei lai tiah Ukraine president Zelensky’s office nih a chim. Russia nih a hriamnam tampi he Kyiv a fuh cuahmah ko tuhi, meng 40 in a naih cang ti asi. Ukraine khuapi pahnihnak asimi Kharkiv cu a zatceo Ukraine ralkap nih kan lak khawh than, tiin New York Post nih a tial.

Russia ralkap 4300 an thi cang tiin Ukraine’s defense ministry nih thawng a thanh. Tanks 146, Armoured Vehicle 536, vanlawng 27, helicopter 26 le Ilyushin Il-76 pa 2 an hrawh cang. Ramdang I a ummi Ukraine minung 22,000 nih an ram Russia kut in chahchuah dingin an rak kir Sunday tiang ahkhan tiin AP news nih ati.US le EU Ram tampi nih the SWIFT banking an khamh piak dih.

Belarus President Alexander Lukashenko nih Russia sanctions nan tuahmi nih hin Ralpi pathumnak nan chuahter sual lai tiin ralrin a pek hna. West ram pawl an cawl sual ah tiin Russia nih a nuclear ready in a umter cang hna. Ukraine rammi Poland ah minung 150,000 in 200,000 kar ralzaam an um cang.