Russia ralkap nih New York Times Journalist Brent Renaud an kah thah!

Breaking News; Russia ralkap nih New York Times Journalist Brent Renaud an kah thah!
==========
Vawleicung media ah a lar bikmi pakhat New York Times journalist Brent Renaud cu Russia ralkap pawl nih tuchun (March 13)ah Kyiv khua pawng Irpin khua ah motor in a kal ko mi cu mithel in nawlh cip bakin an kah caah a nunnak a liam, tiah Kyiv region police chief Andrey Nebitov nih a ti.

Brent Renaud hi journalist filmmaker lar ngai asi i, HBO, NBC, Discovery, PBS and Vice News caah vawleicung mipi hmuh dingin a biapi taktak mi riantuantu asi. 2014 lio ahkhan The Peabody Award-winning documentary filmmaker a rak co balmi asi.

Ukraine Mipi siseh, NATO a hawile lila an si ah Bidden cungah an lung a tling cio ti lo! Ral he aa pehtlaihmi US foreign Policy ahcun Republican hi an ral a ttha i bochan awk an tlak deuh lengmang in a lang. Jan 3, 2020 ahkhan Trump nih Iran ral, Bawi pa, Qasem Soleimani cu Iraq ram ah a tthah ko. Democratic si hna sehlaw an ngam lai lo.

Obama chan lio, Syria Revolution ahkhan FREE Syria Army kha, Obama nih a rak bawmh ngam hna lo. Al Qaeda le Muslim extremist sinah bawmhnak a phan sual lai timi khi a rak ttihmi a si. Cu tikah, Syria ram, Democracy in ser a duhmi, Revolutionary pawl thazaang an rak ngei kho lo i, Syria law/ Muslim law in ihruai a duhmi, Extremist pawl nih caan ttha an rak lak. Cun, a von ichapmi cu Iraq ram a daihthlang, cun fawi tuk in a chuahtak tikah, Iran an lut colh. A fawinak in, Trump nih a rak thahmi pa kha a lut colh.

Obama nih free Syria army a bawmh ngam hna lo caah a extremist pawl a karhmi fawnh le, Iran politics hmang in, Iraq ram ah Sunni Muslim pawl namnenh an tuahnak in, Sunni Muslim, extremist nih ISIS an ser kha a rak si. Obama nih a daihter kho ti hna lo. Republican an von kai in, Trump chan ah an daiter tthan kha a si.

Republican/ Trump cu Democratic/Bidden nih a von tei tthan i, Myanmar ram a buai colh. Sanction pinah zeipipa a kan tuah piak khawhmi a um lo ti tluk a si. Myanmar rammi, kan duhning tluk in a cawlcangh lo. Naite ah Russia nih Ukraine ram a den. Sanctions a tuah colh. A cheu nihcun, US allies pawl a funtawm khawh ngai hna an ti nain, Russia kong ahcun a dik dih lo.

Europe Security caah, Europe lei in Champaign an thawngtuk caah a si deuh. Russia ram in West business vialte an chuah dih khi, Bidden chim khawh ruang a si lo tinak. Cun, Ukraine Ralkap nih Russia ser, MiGs 28 le 29 lawng an mawngh thiam ti a si ruang ah Poland an ngeihmi MiGs vialte Ukraine pek dingin an lung a tling ko nain, Zeitindah pek an si lai timi kong ah a lung re a thei.

Ral ttha tein a pe ngam ti hna lo. Cucaah, Ukraine Mipi siseh, NATO a hawile lila an si ah Bidden cungah an lung a tling cio ti lo. Cun, a von i chap rihmi cu Saudi Arabia le UAE a call hna i, a phone an tlai piak duh lo ti a si. Cun, hlan lio ah US oil a rak control bal tu OPEC sinah bawmhnak a hal hna i, Venezuela zong a fuh tthan hna ti a si rih.

OPEC cu US caah a ral an si. Venezuela zong cu thiam thiam. Anmah sinah bawmhnak a halmi hna cu a zoh a chia an ti cio. Ral he pehtlaihmi, US foreign policy ahcun, Republican kha von kaita duak hna sehlaw, cuticun lung a hmui deuh hnga ti awk in a um.

Ukraine le Russia war kong ah US politicians an hmurka a lang cio i, Obama he President a rak icuh i a sungmi pa, Mitt Romney biachim hi uar a um cem ko rua ka ti. Ukraine nih an duhmi, MiGs/ Russia tuah Jet-fighters cu pek zawk ding an si ko. Holh lengmang awk a um ti lo. Kap hnih party lungtlingmi a si tiah a zai hnawh hna.

Rusia tuah jet MiGs 29 cu Poland nih an ngeih i, Vladimir Putin nih a tlerh hna caah direct in Ukraine sinah phakter an ttih. Cucaah, US ralkap an umnak Germany ah va chiah in, US tu nih Ukraine sinah phakter dingin Joe Bidden cu an chawnh tikah, Joe Bidden nih Vladimir Putin thinhung ding a ttih ve caah, “no way” tiah a ngamh ve lo i, a reject colh hna.

Cucaah, Republican Senator, Foreign Relations Committee zong ah aa tel vemi Mitt Romney nihcun, MiGs 29 cu pek zawk ko hna u! Vladimir Putin nih a kan ttihmi nakin NATO nih Kan ttih deuh ahcun, Ukraine ram ah thah-nawnnak hi kan hngolter kho tung lai lo? A cung ah zeidah kan tuah lai timi hi, amah tu nih a kan ttih/fear ve ding caan a si cang” tiah a ti.

Mitt Romney nihcun, “Party pahnih/ D he, R he lungtlingmi a si ko caah, phakter ding lawng a tang. Phakter khawh lonak ruang a um ahcun, a ruang cu thate in chim u” tiah a ti hna. NATO article 5 ningin, NATO ram pakhat, Inches 5 aa tongh sual ahcun, NATO ram vialte ibawmh phawmh colh ding ti a si ko tikah, Poland cu NATO chungtel a si. US zong a si ve ko i, US based in kuat le Poland in kuat cu aa dang nak a um lo ah ruah a si ko nain, Joe Bidden nih Putin a ttih tuk caah, Vladimir Putin hi a lung a tthawng chinchin rua ti awk in a um cang.

Ukraine sinah MiG 29 phakter ding kong ceih dingin a Vice President cu Poland ram ah a kuat. News conference ah Rrefugee kong an hal lio ah kak thluahmah in a ni/ laugh. Mi ngaichiat lio le vanchiat kong hal ah fakpi in nih le ilawm cu, tiah fak ngai in soisel a tong. Media nih bia an halmi zong thate in a leh kho hna lo preparation a ngei lo caah a si kho men tiah a kong a chimtu zong an tam ngai. Joe Bidden hi US foreign policy ah experiences a ngei taktakmi a si nain biakhiahnak a rak tuahmi tete hi caan a von liam tikah a rak palhmi a tam deuh ti a si.

Tutan Ukraine nih an herhmi MiG 29, Poland nih an ngeihmi pek in, Poland tu US tuah cham tthan ding in kaphnih lungtlingmi, Ukraine sin phakter nak kong ah a buaimi hi khuaruah a tam ko. Democratic nih Foreign Policy ah an ipalh/ decision tuah an ipalh tawnnak cu a herhnak ah an ral a chia tuk deuh tawn caah a si in a lang lengmang. Credit: Zasang Cinzah