Russia nih Ukraine lawng maw tuk la?

Russia nih Ukraine lawng maw tuk la?
=========
Ukraine kong ah biahalnak na ngei maw? Kan zatlaang ah thil pakhat a chuah tikah biahalnak ttha a chuak ballo. A phi thei dihmi kan lo tawn. Media ai timi hna nih anmah kha experts ah i chia in heh an chimrel. A tak ahcun Media Phu hna nih, pumpak page neimi zong nih kan miphun chung ah a cawngmi, a hlathlaitu hna khi hal le chawnh ding a sideuh.

Nain anmah nih tuah dih hna kaw an re cu thei bak. An dirhmun le lungput tu khi an langhter khawh deuh ving, an chimceihmi thawngpang nakin. Cucaah Laimi cu zaangfak tuk kan si ka ti lengmangmi a si. Kan i barhmi khi favai deuh si.

Media (phu) ah tuanmi sining law tutan kong ahhin ramkip ah political science le international law/history a cawng i hlathlainak tuahmi kan Laimi an tampi caah ka hal hna hnga. A ngaitu le reltu caah thahnem tuk hnga. Nan va theih dih ahcun phung dang, nain hal phu a si tiah ka ruahmi cheukhat;

1. Zeiruang sat ahdah Russia nih Ukraine a tuk? 2. Zei lam tel in Ukraine hi ram dang nih a bawm kho maw?
3. NATO hi zei ai thlak, zeidah a tuah khawh? 4. Russia mipi nih zeitindah Ukraine kong an hmuh? 5. Russia nih Ukraine lawng maw tuk la?

Anih president cu e, a kha president ee, a UN ee, biaelnak le one way phun le pawpuarlar phun rumro khi cu soisel mideu ah Like le Comments kawl uar sawh a si. Mifim pipi, an uartu hna ka zaang an fak. Laimi kan zatlaang kong in ruah hna bia.

𝗧̣𝗵𝗶𝗵𝗽𝗵𝗮𝗶𝗵 𝘀𝗶 𝗹𝗼 𝗶𝗻 𝘁𝘂𝗹𝗶𝗼 𝗿𝘂𝗮𝗵 𝗵𝗲𝗿𝗵𝗺𝗶; Myanmar ram buaika ah ramchung ral ai thawk lai caah khur cawh in vanlawng ral le bomb ral i ven ding timhlamh a herh zia ka rak tial. Zei ah rel a si lem lo. A tlai lo, tu hi CDF/CNA i kilhkammi hmun le khua kip ah tlaang vih (a tlawmbik meter 5 in 10) len ding a si cang. Victoria Camp pawng zong ah tampi vih ding a si, zeitik paoh ah vanlawng in van phomh khawh a si caah. Laitlang ah JCB maw um len ko khah. Inn hrawhnak le parathleinak lawng ah maw nan hman la.

Atu hi Kawvid raikhamsii chunh i cuh caan si loh. A caan le sining zoh in khuakhan a herh. Ram rum tampi ah alak in an i chun kho ko nain an duh hna lo, Canada le USA ah in an buai tuk khih chunh duh lomi pawl. Chim duhmi cu raikhamsii nakin zeidah kan ei la, zeitindah khua kan sak la le himnak ding ah zeidah a herh timi a sideuh awk a si (atu Lairam i Laimi kan dirhmun ah).

Ramdang in luhchuah ngah lomi ram ah raikong hi lungre theih tuk awk a si lo. A vakvaimi nan i ralrin ah za ngai cang. Cucah raikhamsii nakin zeidang kha ramleng mi hna nih tuak piak ah a tthadeuh lai tiah ruahmi a si.
Mah a cung ka chimmi hi atu Ukraine le Russia he pehtlai in a si le mah hi a sasawh si lai lo tiah ka ruah caah a si.

Ukraine ralbawi nganbik nih a rammi meithal a tlai khomi paoh ra dih u tiah sawmnak a tuah cang. USA le Nato nih meithal cu an sirh ko hna. Ukraine khuapi tam ngai Russia nih kah cuahmah, minung 100 hrawng an thi cang. Russia ralkap zong 50 leng an thi ve. Ramri ummi tammi an ram innpa ah an lut cuahmah. Ram innpa pawl zong leitang inn (bunkers) le khur an kawl tuk cio, Norway le Sweden zong atu leitang inn le khur a hawlmi (cawk awk) an karh tiah an van ttial.

Chim duhmi cu, Europe ahhin a luancia 1995 hrawng ah Serbia le Bosnia tibantuk an rak i phomh ko nain cucu atu Russia nih Ukraine a luhhnawhmi he ai dang. Tu cu Russia nih mi ramdang le International hmanmi hmun pawl ah a ralkap le hriam a chiah, bianaah Norway Finland ramri tepawl ah a duhduh in a tlongleng, tu zong Norway cozah nih Russia tilawng ngan taktak an tlaih i bia an hal lio a si.

Mah pawl ruang ahhin US telin EU le NATO nih siipuazi lawng an phih lai ti ruah a har ngaingai. Cu lawng an phih ti si hmanh sehlaw, ramkip ah harnak tlun lai caah ramkip ah mipi buainak a chuak lai ti fiang ngaingai. Nuclear a neimi a si caah hin si ko, Russia ralkap thazang cu NATO sin ah a fate. Atu hmanh khi, Ukraine ramri an um chung ah a ralkap lungput tamtuk a zor manh. Ai duadat ahcun an kir hauh caah kah a van fial colhmi hna a si tiah ral lei theimi hna nih an tuak.

Mah bantuk thihhri molh asiloah ka tuak vaivek tiin a ummi hruaitu hna ruang ah harnak cu chuak tawnmi a si. Vawlei cu harnak hmun a si, Raltuknak a si ko. Hi ruang ah nan zumhnak tu thlau hlah u. Fekte in Pathian cu a dongh tiang zum ko u. Chuncaw ei pah ka tialmi si. Bawipa nih kan umpi cio ko seh. Credit: Hlawnching Bawimang Lian