Russia nih Obama le Biden ramhun tuan lio ah Ukraine ram an beuh? Zeiruangah?

Russia nih Obama le Biden ramhun tuan lio ah Ukraine ram an beuh? Zeiruangah?
========
Atu zong can ttha ah Russia nih ai lak than i beuh than a timh ko cang hih. Obama le Biden cu Putin nih Lentecelh nak ah a hman leng mang ko hna hi. Russia lusifar pa a ral kap pawl cu hlawh tlin dawh di m? Tp kan chim kho ve law kan duh ko hnga.

Obama Chan ah Russia nih Crimea a lak cang. Biden chan ah Ukraine a luhhnawh hoi cang. Refugees mit in Laimi nih an zoh hna le an uar ngai hna. Biden nih Laimi Refugees pazeizat dah a lak cang. US President ahcun Biden hi a chia cem si. Taiwan zong a rauh hlan ah Xi Jinping nih luhnawh ding in sign a thut hoi la a fiang. Biden hi cu e rul I siivai nei lo tluk khi si ko.

Trump a chan lio kha Russia le China cu chim lo isis tih nung tak mi hna pawl hmanh khi khuai ka an um dih ti theih an si ti lo, an dai viar, Kawi bi a luh le cg ka in Russia le China pi cu an khor chung pi in an rak chuak hoi ko, loh tlau.

N Korea zong kha teh, vawleipi caah cun democratic party nak cun Republicans party an tha deuh .vawleipi an control khawh deuh. A ram cia a lakmi cu a poi lo tiah cheukhat nih an ti ve. CIA le US tawsawh ruangah Russia an ithen dih hi a si. US hi dai cang seh, Russia hi ka uar nain MAH a bawmhmi tu cu ka uar lo.

Ukraine le Russia kong he pehtlai in UN Emergency meeting! Ukraine in a chuakmi ramkulh pahnih cu an mah tein a dirmi a si tiah Russia President Putin nih min a thut hnu ah United Nations nih February 21 ah meeting an tuah. Donetsk le Luhansk ram hna hi an mah tein an dirmi mi ruangah a tu bantukin Russia nih a theihpinak hi Ukraine ram i uknak le a ram fek tein a dirkhawhnak kha a hnawrsuanmi a si tiah US Ambassador to the United Nations nih Security Council ah a chim.

“A tu bantuk thiltuah hi United Nations chungtel a simi Ukraine ram a tuk he aa khat. International law i Fundamental principle a buar. United Nation i hnatlaknak minthut a al a si. Mah nakin a zual deuhmi cu Ukraine ramchung luhnak ding caah Russia nih a ruang pakhat aa ser sawhsawh a si a fiang tuk tiah” Ambassador Linda Thomas-Greenfield nih a chim.

Russia Ambassador Vassily Nebenzia tu nih cun American le Nitlak lei ram hna nih Ukraine hi thinhung sehlaw hriamtlai seh tiah an forhmi a si tiah Security Council ah a chim. Russia President Putin nih Russia ralkap pawl hi Ukraine ram in a chuakmi ram 2 sinah daihnak tuahding in a thlahmi a si tiah Russia Ambassador nih a chim fawn.

Ukraine President Volody Zalenskiy nih a rammi pawl a chimmi hna cu “A hohmanh zeihmanh kan pe kho lo tiah” a ti hna. A luanciami kum 8 hrawngah Russia nih Ukraine ram i Crimean Peninsula cu keimah ta a si tiah a rak lak bal cang.

Russia nih Ukraine cu nichuak chaklei tlanglei he ralkap ting 2 leng in a kulh cang. Zeitikpoah ah tu cang ning ati ahcun ready an si cang ti asi. Nain Russia nih a tuk taktak ahcun Ukraine hi ai ready tuk ve, bawmtu tampi an ngei fawn i fawi tein a la kho theng lai lo.

Nunnak tamtuk le sungh zatlaknak faktuk a tuar ve ding a fiang. Thiamsang pawl hlathlai ning ah NATO le USA nih hin an ralkap zeinawzat he an bomh lai, nain pumpek taktak cun an bawmh ding zumh a um lo. Sanctions lam cu a fah khawh chung in an tuah cuahmah nain sanctions pawl hi effective si dawh asi loh.

Europe ah Russia ral a thawh taktak ahcun a fawi lai lo. Russia-Ukraine crisis le inflation crisis kong hi tlamtling deuh in ttial le chim ka duh nain caan ka pe kho bak lo nai hrawng cu.

𝗨𝗸𝗿𝗮𝗶𝗻𝗲 𝗯𝘂𝗮𝗶𝗻𝗮𝗸 𝘁𝗮𝘄𝗶𝗳𝗶𝗮𝗻𝗴; 1. Russia nih Ukraine ramtthen pahnih cu ram in a cohlan piak hna tlawmpal ah parliament nih Putin cu ramleng ah Ralkap hmannak nawl a pek cang. A ralkap zong Ukraine ah an lut ngai cang tiah theih a si. 2. USA telin EU le Uk rampawl nih fak taktak in phihnak an tuah colh, nain Russia ramdang vuanci nih “kan i ziak tuk cang.” tiah a leh hna.

3. Hmai zarh chung in cun ramkip ah atu kan zai lenmi Datsii(seh sii) man nakin a kaideuh rih lai ti a fiang.
4. Tuluk ai lawm tuk. A taktak ah cun USA nih Russia huaipi a duh lo, a si khawh chung in hrial a zuammi a si. Tuluk tu hi pakhatnak ah chia in a chak tlaih a duhmi si hmanh sehlaw, atu cu Lukluk cu vaan i a zuangmi kaite lo ko cang.

5. Russia nih Ukraine a luhhnawh lai lo ti a ruatmi an rak tampi. Asinain, MAH nih voikhat te raltuknak vanlawng a zuanter hmanh ah saulak an paw an i rek ti si kaw, khi vialte Russia Tank, Mawtaw, Vanlawng le Tilawng Europe/ Ukraine i a van hruaimi khi zeitluk indah phaisa a dih hnga le, cucu amah ngai nih man nei lo ah a chia hnga maw timi khi ruah a hau. A chia lo! A rak i timhnak kum 20 hrawng si cang, Russia pennak karhter hi. Atu cu a za ti cang ko hih.

6. Ukraine kong ah NATO (Naytoe si lo), USA le Europe an i thlak ti ahcun Ukraine hi an lung ai rual lo tuk caah a si. Soviet Union in a chuakmi a si. A cheu nih Russia he pehtlaih an duh, i a cheu nih nitlak leo ram pawl he komh an duh. Cucu NATO ah luh ding in a duhmi an um i cozah an si lio ah an rak pehtlaih hna, le NATO nih a caan zaat in chungtel sinak pek te ding an i tim, Germany le France nih um rih a rak ti caah si. Cu tikah Russia a thinhung i a thli in cozah thimnak ah amah he komh duhmi a bawmh le an tei.

Mah a teitu president cu mipi nih an dawi le cu kum lila ah Russia nih Ukraine nihchuahlei ramthen a lak. Cu thawk cun nitlak ram/ NATO nih atu Ukraine cozah an dirkamh i a ram chung zong ah NATO zung an on hlei ah ralkap an chiah. Cucu Putin cekne tiang phan. Celh ding si lo a ti. ASEAN in MAH an chuah bang G8 timi ram tthawngbik 8 in an chuah, cucu nek le mualphoh a si. Ai nautat. Cu tikah Russia pennak kauh ding a saduhthah lam a van awng tiin ai ruah.

NATO chungtel tling a si rih lomi Ukraine hi NaTO nih 100% dirkamh khawhnak a um lo, nain ram pakhat i a neihmi nawlngeihnak, fiannak in chim cun Mahte khuakhanlairelnak le ramri kha ram dang nih nawl duhpaoh in tuah khawh a si lo timi a buar tiah an i thlak cu a si. Miphun pakhat, ramri nei, phung nei a simi kha Russia nih a duhning in a tthen, ralkap hmang in a luhhnawh, cucu ram nei ciomi hna nih kan cung cio ah tlung kho tiah an doh. UN i International Law an ti lengmangmi a si.

Ralpi 3.nak chuak kho men. Chuak colh lo kho men. Kan thei lo. Putin lu chung lawng ah a ummi a phi a si. A ruang cu Ukraine ram ning in lak ai timh tak i a lak ahcun Hitler nih Poland a rak luhhnawh hmasa bantuk kha a van si la le ralpi 3.nk chuahnak lam cu a si ve tiah ruah cio a si.

7. Ralpi a chuah hi zeidang ruang ah a rak si lo. Miphun/ ram pakhat a si loah minung pakhat lungfahter, ningzahter (Humiliate) le mualphoh an rak ton caah a si. Tutan zong hi Putin a lung an fahter tuk caah zeidah cang te hnga.
8. US president nih tu tlawmpal ah Ukraine kong biachimnak a neih la, thindomh in an bawh cio. Hlan bantuk in catial ka huam ti lo, nain zaran ka sia nan herh caah tlawmpal ka van ti bia. Credit: Hlawnching Bawimang Lian, Sangukceu Zinhlawng