Russia bawi ngan taktak minung 9 an thi!
Russia bawi ngan taktak minung 9 an thi!
=======
Russia ralkap General rank a phan mi minung 9 an thi cang tiah thawngpang a leakout. Russia bawi ngan taktak minung 9 an thi i an i timhmi pakhat hmanh atlamtling fawn lo caah Russia hi a sunghnak faktuk a tong ve ko.
The Sun le The Mirror nih mah Photo an vun khawmh suat khawh tawk asi. Thihnak hi cu duh ding le rak i lawmh ding cu asi thlu lo nain Russia hi an ram si lomi duhduh in mi ram mawngh i timh cu a palh tuk ve cu teh Aw. Ukraine ralkap thi mi hi report an tial bak lo Khawika hmanh ah na hmuh ahcun vun ka chim te law… tampi cu an thi ve cang ko lai.
Major General rank hna thih cu zei tin dek! Ruahnak bantuk an rak si lem lo. Kawlram ahcun Colonel rank hmanh thih a har tuk! Putin thin lungah Communism hi Atutiang atlau rih loh caah asiko Hih. Putin ruang ah Asi ko, Athi mi pawl zong cu, Order tang an um ruang ah an si ko.
US official nihcun 4000 renglo hrawng ah si lai tiin an ti ve tuzing tiang ahcun A man in tuak ahcun maw kanu
a tamtuk hringhran. Russia lei a thimi le anthil rawk kong lawng na chim lengmang ko Ukriane lei an thil rawl le an tliktak mi zong khi chim pah ve he. An ram hnih tein khin kan nih caah cun hohmanh tanh hlei ding an si lo cu.
Tulio ahcun tank kahnak ah a tha bik pawl asi lai tiah zumhmi Sweden nih a siammi NLAW, AT4 le British nih an siammi Javelin ceilak Ukraine ah tlamtling tein a hung phan cang, tiah Ukrainian ralbawi ngan nih a Facebook ah ai post.
Poland nih Ukraine sinah Russia siammi vanlawng MIG-29 ai ngeihmi dihlak Ukraine pek dingah ai timhmi cu a US nih an rejected than. A tawinak in cun Germany i US Ramstein Air Base in Ukraine ah hei kuat chin ding in NATO van boruak cungah vun zuam ter dingmi cu US nih an cohlan piak lo. Cun hi ral ahhin direct in kan luh colh ve bantuk asi lai an ruah caah asi bik.
Hi kongah US nih biatak tein hmalakpi than an i tim cuahmah rih. Poland nihin Russia siammi MIG-29 hi pa 28 hrawng ai ngeih, Poland sinin tutan ah a tlamtlinlo hmanh ah NATO member asi ve mi Bulgaria le Slovakia nih hi Russia siammi MIG-29 hi an ngeih ve ti asi.
Ukraine nihhin Russia siammi vanlawng lawngte hi an rak mongh caah an thiam ngaimi asi i US siammi F-16 le F-15 cu caan saupi training an ngeih a herh caah Ukraine nih cawn than hau lo tein an mongh khawh dingmi Russia siammi US nih Poland pe law F-16 tu kan in pek lai a ti nak asi. Russia nihcun Ukraine vanlawng in a bawmmi ram paoh cu hi raldohnak ah nan hunglut ve tiah kan in ruah hna lai, tiah ai hro len ve.
Russian nih Ukraine a tuknak cu ni 13 asi cang nain ai ruah ning asi ti lo, ni 2 chungah Kyiv ka lak lai tiah Putin nih a timi cu a thla in tuk hau dingin Russia nih cun plan an suai than, tiah CIA Director William Burns nih tuzing ah a ti. Ral a thawhka in nihin tiang ah Russian ralkap a tlawmbik 2,000 in 4,000 kar an thi lai, tiah Lt. Gen. Scott Berrier, director of the Defense Intelligence Agency nih cun a chim ve.
US, NATO le an hawi le ram in tank kahnak 17,000 (anti-tank missiles) le vanlawng kahnak 2,000 (anti-aircraft missiles) Ukraine nih an don cang. Anmah Ukraine hi hriamnam ser thiam ngaimi ram an rak si ve fawn rih i cupin ah tank, armoured vehicles le miakpi tampi cu Russia ralkap nih an zaamtakmi le an hrawhhrulhmi pawl cu an i lak i an i remh cuahmah ti asi.
Russia nih a ralkap dihlak nawn hmang in vun fuh a timh cuahmah mi Ukraine hi zeidah a lawh te lai, asiloah US le NATO nih vanlawng bawmh ding an i timhmi cu a tlamtling thai te lai maw timi cu theih asi rih lo. Asinain biatak tein bawmh cuahmah asi ve lai caah Russia caah hin a fawi ve lai lo. Credit: Chelsea Bawi