Ruby Mart le Gandamar Whole Sale hodah khaang?

Ruby Mart le Gandamar Whole Sale hodah khaang?
=====================
ဉီးပိုင် tiah theihmi Myanma Economic Holdings Limited (MEHL) cu Kawlram chawleh tuahnak ah a lianngan bik, minung nunnak ah kan herhmi kip zeizong te caah business a tuah phu an si. Ralkap pawl ta a si ti zong zapi theih an si.
MEHL nih thla khat a miakmi nihkhin Kawlram chung ralkap pakhat cio khi model thar man fak bak timi motor pakhat cio lengmang a cawkpiak khawh hna lai tiah an ti.

MEHL tangah khin company hlum tam taktak in a um. A to Z in in van ṭial ahcun, Kawlram chung i a biapi cu an tlaih dih ngawt. Cu pawl lakah Shwe Gandamar International Trading Ltd cu hlum khat a si. Tianzan i a kangmi Gandamar Wholsale le Ruby Mart cu Shwe Gandamar International Trading Ltd nih biapi in aa ngeihmi si tiah theih an si.
Ruby Mart zong khi company pakhat lawng ta a si hoi lo. Cu Ruby Mart chungah rianṭuantu 500 an um tiah theih a si.
Gandamar Wholsale cu Mayangone ah a um i Ruby Mart cu YGN khualai timi Barr Lam pawng Lam 37-nak Asia Plaza Hotel kiang ah ummi a si.

A kangh caan, Arpil 1 zinglei 2 am hrawngah an kaang. An kangh caan ai khat veve tiah an ti. Meithat nih mei cu an that maw? Meithat nih an zuan hnawh ko hna. Mei an thah khawh manh caah Ruby Mart pawngte ummi Asia Plaza Hotel zong cu a kangh chih manh lo. Gandamar Wholesale belte compund pakhat chungah business building dangdang an um rua. A pawng ummi Myawaddy Bank cu a kangh chih. Adang pahnih zong a kangh chih tiah bia a chuak.

Hrawhmi, Meikaang nih a chung i an zuarmi thil phunphun an dihlak in a kangh chih dih, a hrawh dih. Nain, an pawngkam ralkap ta si lomi cu mei nih a tlaih chih manh hna lo. Hodah khaang? MRTV le MWD nih hote dah an puh hna lai ti cu ruahdamh cia khawh cio si ko lai. An puh ko hna lai. Zeicahtiah, MEHL tang ummi company vialte mipi nih an thil caw hna hlah uh ti in black listed an rak tuah hnanak kha cu ralkap uknak chuhnak aa thawk ka khan si cang.
Gandamar Wholsale le Ruby Mart cu mipi nih hrial ding tiah an rak timi cazin chungtel rereng an rak si.

Curfew caan simi zinglei 2 am ah hohmanh leeng an chuak lo. Cucaah, anmah ralkap lei nih CNN thawngla an rat lio thengte ah, an khangh hrammi si lai tiah an zumh. Biasiphai, Cu a kaangmi Gandamar Wholsale le Ruby Mart cu Than Shwe tupa Phoe La Pyi an timi Nay Shwe Thway Aung ta an si. Cucaah, anmah le anmah chungah itihraam pah in, mipi sual puh chih duh ah, an khanghhrammi si lai ti si. Nain, cu company pipi vialte Than Shwe tupa ta an si ti cu a hrihhram um lo. Credit: Salai C Alexander