RIP; Rev. Chan Hnin (LABC General Secretary) Nih Mual A Kan Liam Tak!

RIP; Rev. Chan Hnin (LABC General Secretary) Nih Mual A Kan Liam Tak!
========
Rev. Chan Hnin Lauta Association of Baptist Church, General Secretary nih mual a kan liam tak. Mino te asi. Thihnak cu mino le upa a theih thiam tun lo nain, a chan a tawi tuk. Pathian tu nih kaltak mi chungkhar rak hnemh hram hna seh. Rak kal chung ko mu, Pa Hnin!

A poi tuk tung mah cu. LABC a kan hruaitu kan arfi n’h a kan liam tak tung. Tantakmi chungkhar hna an mithli Pathian nih hnem hram ko hna seh. sitak ee. Poi tuk ai ee. Taantak mi chungkhar le Khrihfabu Pathian nih intuar khawhnak pe cio ko hna seh. saya Tantak mi Chungkhar Bawipa tu nih in hnem hram hna seh.

Kan ngeichia tuk e. Tangtakmi chungkhar Bawipa tu nih hnem hram se. Saya zumh a har ko mu. Vawlei cung ngaih hi. Kapa te aw na dam lo ti Thawng kan theih manh hlan ah na Thawng kan theih cu tuar a har tuk ee. A poi tuk e saya na Thawng theih cu Zei tin dah sayamah le na fa le an um lai e saya pa Aw Zei ti tha rak Kal Chung Ko ne law.

Ruah lo tuk mi thawng theih cu zumh a hat ko ee vaw lei cung nun ngai hi tawituk hring hran ko e. Pa Hnin na pam e zingnu lairel ning hi amak tuk e.

Salai Tung Mang le Salai Lian Aung nih Chinram le Miphun Caah An Nunnak An Pek! Salai Tung Mang le Salai Lian Aung nih Chin ram le miphun caah an nunnak an pek than timi thawngpang theih cu thinlung hi a fak tuk hringhran ko ee. Chin mino minung pa zeizat dah an nunnak a liam cang i, nunnak an pek rih lai. Tu lio thawngpang theih lung hi a fak kho tuk hringhran.

CDF-Matupi တပ်ရင်း(၁) in Chin ralkap pahnih nih ram caah an nunnak an pek. Mindat le Matupi lam mengtung 70 hrawngah nizan in khan kahdohnak a um hnuah Tung Mang le Lian Aung nih Chinram caah an nunnak an pek hi si.

A nunnak a liammi Salai Khua Tin Thang ruak cu CDF-Thantlang nih himnak hmun ah an kirpi khawh cang! Nihin zing (January 27) Thantlang kahdohnak ah Salai Khua Tin Thang (Tikir) nih ram caah a nunnak a pek.
Ahnubik a khuallam le ruak thlahnak.

Thantlang Kahdohnak ah “Salai Khua Tin Thang” a Nunnak a Liam. Nihin January 27, zingka ah Thantlang khuachung ah CDF/CNA le SAC ralhrang karlak kahdohnak a chuak i CDF-Thantlang in Salai Khua Tin Thang a nunnak a liam, tiah thawng kan theih.

A nunnak a liammi Salai Khua Tin Thang ruak cu CDF-Thantlang nih himnak hmun ah an kirpi khawh cang. CDF/CNA in a dang minung 2 zong SAC ralhrang bomb ruang ah hliamhma (fak lo) an pu. SAC ralhrang lei zong in mithi le hliampu an um len nain zeizah ngaingai an thih/hliam an pu timi fiang in theih a si rih lo.

Tuzing, Thantlang ikahnak ah CDF-Thantlang in pakhat a nunnak a liam i pakhat hliamhma apu. Cun, CNA Sergent (sen 3) hliamhma a pu ve. Kachin in commando training a dihmi, bochan taktakmi asi.

Nunnak a pemi pasaltha upatnak kan pek, taantakmi chungkhar Bawipa nih hnemh hram ko hna seh. Hliamhma a tuarmi hna an dam zaunak lai thlacam bawm cio hna usih! Ralhrang lei hi thi le hliam an tam pah lai tiah zumh asi.

Na Miphun Chin Mi Nih Kan In Zohcimlo! Tuzing 27 January 2022 zinga, Chinram, Thantlang khua i, Ralhrang le CDF -CNA fonh i kahnak ah, Tikir khua mi, Khua Tin Thang, a nunnak a liam tiah theih a si.

Chin pasalttha, kan ram le miphun na dawt ruangah na nunnak zong na peek mi hi a rauh hlan ah kan miphun le ram nih zalon kan hmuhnak caah cang hram koseh. Kan in siang hrim lo, vawlei a hmunh chung paoh cu na min chim kan dai bal lai lo. Sianlo bu in.

Tuchun Kahdohnak; 1. Matupi peng Kaisi Tlangthluan Kawl ralhrang Camp cu CNA le CDF Matupi fonh nih an va kah hna i, Kawl ralhrang minung 8 an thi i, 10 renglo an i hliam lai tiah theih a si. Kawl ralhrang (၃၀၄ တပ်ရင်း) Sakhaan hi Matupi le Paletwa kar ah a ummi a si i, Ralhrang lei nih zanlei Sml 5 tiang kha hriamngan he hriam hme he an puah peng. CNA le CDF Matupi lei in thi le hliam an um lo.

2. Nizan Jan 25 ahkhan Rihkhuadar khua ah Kawl Ralhrang minung 50 hrawng an phan i, zanlai ah hriam ngan voi 5 hrawng an puah tiah theih a si. “Rihkhuadar khuachungmi thinphang thlalau in an um caah kum upa lei deuh telh in minung 200 hrawng Țio ral Zokhuathar(India) lei ah an hung zam. Tuchun cu meithal puah thawng kan thei ti lo” tiah Zokhuathar khuami pakhat nih a chim.

3. Tonzang peng hmun pakhat ah kahdohnak a um i, Mipi ralkap CDF- Tonzang lei in minung pahnih an nunnak a liam.
4. Zotung Tlang Rezua khua ah ralhrang minung 200 renglo an um cuahmah ti a si. Rezua khua le Hnaring khua (Thantlang peng) hi Meng 27 hrawng lawng aa hlaat caah an hung lan sual te hnga maw ti ruah lo awk a țha lo. Credit: Salai Thomas Lian

Ralhrang Hna Nih Akan Teilo Caah Strategy Thar An Thlen! Raltuknak mawtaw tampi kan hmang lai, miakpi tha zaang le ralkap tha zaang kan hmang chih lai i, Vui sual rual dum le hau bauh in kan bauh hna lai, ti kha ahmasa bik an strategy cu a si. Cu ticun Hakha le Mindat in an rak kan nam tikah fak taktak in kan hliam hna caah, ral hmai an fong kho tilo. Cucaah an raltuk ning strategy kha a thar in an hun thlen. A tu an strategy thar hi kan zoh tikah Mawtaw ‘Cars’ kha hmang tuk loin kei in raltuknak ah kal in, acunglei in vanlawng nih bawmh hna ding kha an itimh.

Atutan an strategy hi an hlawh atlinglo ahcun strategy thar kha an suai kho lem ti lailo, ti hi zumh ciomi asi. Mawtaw in kan kal tikah a thi lomi kan tam pinah hliamhma zong tampi kan tuar, cucaah kei in kan kal ahcun athi lomi kan tlawm deuh lai i, ral bawmh aherhmi kha vanlawng nih akan bawm chih lai, ti khi an itimh mi cu a si.
Cucaah vanlawng tha zaang kha tamdeuh in ahmang teh lai.

Ralhrang pawl nih hmai an kal ngam lonak hmunhma kha vanlawng nih ‘bomb’ athlak hmasa lai, ral bawmh an herh tikah vanlawng in ‘parachutes’ in ralkap kha athlak teh hna lai, ‘ti hi zumh a si. Vanlawng ahmang tikah tihding asi hrim loh. A ruangcu; kan nih ral kan tukning hi,guerrila ‘ral thli’ in ral atukmi kan si caah kan umnak hmun kha fiangfai tein an theih lailoh caah khawika zawn ah dah bomb ka thlak lai, ‘ti kha atheih lailoh. Ruahdom in bomb thlak sehlaw, A zen le kuan kha alakin va hlawnh men khi asi caah vanlawng tha zaang kha santlainak a tlawm ngai teh lai.

Cucaah kan Chinram ahcun vanlawng tha zaang hi hmual aneituk lem lailoh. Vanlawng tha zaang hi hmual aneih lo ahcun kei in ral ram a kalmi ralhrang pawl hi fawi tein kan kah khawh cang hna lai. Aruangcu; ralhrang pawl cu thawng pe tu an neih loh, an vawlei asi lo pinah fing le tlang zong an theih loh, Hi hi kan teinak hna ding kan lam pakhat cu asi.

Afghannistan le Irag raltuknak ah vanlawng an hman ning kan zoh tikah, hmual aneihnak khi atlawm ngai, Ramtang hriamtlai ‘ral thli’ pawl an umnak kha fiang in an theih lo caah bomb an thlak mi kha alak ah ai cang hi atamtuk,, cucaah ahnu ahcun vanlawng tha zaang kha an hman duh tiloh. Khatlei ah ralthli pawl nih kan umnak hmun akan theih cang, ‘ti kha an theih tikah an ‘sakhan’ kha an chuahtak i, hmun 2/3 ah an ithen i ralthli in an vakah hna tikah khoika ah dah bomb kan thlak lai, ‘ti kha an theih ton lo caah vanlawng tha zaang kha an hmang kho ton lo.

Cun hmai suangin ral atuk mi hna kha, vanlawng parachutes in ral bawmh ding ah van lawng cung in athlak hna tikah, ral thli pawl nih mahkazawn ahhin athlak hna lai, ‘ti an zumhnak paoh ah bomb an kamh i, vanlawng in ralkap an thlak mi hna kha, bomb rawl ah an i cang tikah ahnu ahcun vanlawng in ral bawmhtu ding zong athlak ngam ti hna lo. Cucaah Afghannistan cozah an sunghnak aruang ngan ngai pakhat zong kha vanlawng tha zaang an hman khawhlo ruang le an ralkap hmaikal pawl an bawmh khawh hna lo caah a si.

Ralhrang pawl nihhin zeibantuk straregy zong va thlen ko hna seh, akan tei lailo, Aruangcu; Guerrila ralkap kan si, Kan vawlei kan fingtlang kanmah ta asi rih, An lungput le kan lungput hrim hi BAWI ruahnak le SAL ruahnak bantuk in ai thlau rih fawn, Thawngpang vialte kanmah ta an si rih hoi, Cucaah raltuknak ah aherhbik mi vialte hi kan kut ah a um dih, Cucaah an strategy suaimi le an van lawng tha zaang hi pakhathmanh tihding asi loh.

Kan ral tukning kan zohtikah ahramthawk ahcun ikhamnak ral lawng kan tuk khawh, Asinain nihin ni ahcun ral hmai ser in kan va doh khawh cang hna, Cucaah ral kantuk ning step 2 ah kan kai cang, Cucaah ramdawtu pasal tha hna, nan lung dongh hla seh, ‘teinak lam kan zawh chin lengmang cang.