Rev. Lai Ram Hu Upatnak

Rev. Lai Ram Hu Upatnak
————————-
Kan pa Rev Lai Ram Hu, Bawipa sal tha, miphun kilhkamhtu nih a kan liamtak cu kan ngaih a chia tuk e.
Rev. Lai Ram Hu ka upatnak 3: 1. Pathian rian a tuan pah in Pathian hla, ram hla fung 3000 ring lo a phuah, cu cu mi sawhsawh nih tuah khawh lomi a si. 2. CNF pawl hi bawmhchanh cu chim lo anmah he lampi ton i i chawnh manh hi ralkap nih an kan vuakden lai tiah thihnak thlan tlang cung dir tluk i kan rak ruah lio ah pastor a si ko nain a fapa bak CNF ralkap lut ding ah amah nih a va thlah.

3. CCC (CCU) Hakha sianginn kan rak kai lio (1994 or 95) ah Hakha khua thar ah ralkap nih mipa pakhat zei sual lomi meithal in an rak kah i mah lio ah ral tha taktak in a holh ngamni ah Rev Lai Ram Hu le atu US ummi Rev Dr Van Ni khi an rak si. Cawnnak ah cataang sangpi a si lo nain a lam kip in Pathian nih kan miphun caah a hmanmi a si.
Tantakmi chungkhar Bawipa kan Pathian nih hnem ko hna seh. A tang photo hi 2018 ah Australia kan rak tlawn ti lio si. Peng Thang

Rev. Lai Ram Hu nih A Kan Liam Tak. Chin miphun sersiamnak acawlcang pengmi, Bia le hla in bochanmi le biaknak le peng ihruainak lei bochanmi Rev.Lai Ram Hu cu pumsa ngandamlonak in March 28, 2021 zinglei sml 4:30 tluk Mandalay siizungah hi Vawlei nunnak in a kan liam tak. Miphun caah pekmi afapa Cadet John Biak Tin Lian cu 2014 November 19 Kachin ram ah Ralbawi sinak a cawnlio ah Kawl ralkap kahnak in a rak thi. Chin Miphun phungtungtu Rev. Lai Ram Hu philh na um lai lo. Tantakmi Chungkhar kan in ngaihchiatpi hna. Pathian nih in hnem hram hna seh! TCP Chungkhar

Rev. Lai Ram Hu hi..biaknak lei kanpa le nih ZBC chan CCOC cawlcangh nak ah Pathian hla/ ram hla tthattha tampi phuahpiak tu kanpa a si. Ahla pakhat Nu Kawlh a sak mi cu a tthakho tuk i mipi nih ngaih tthan peng duh hla a rak si. Pathian duh mi le Miphun dawtu ciamman aa hngalh nak cu.. Afapa dawt John Biak Tin Lian zong CNA ttuanding in CNF camp ah thlacam nak te he a rak petu kan U/ kan pa a si. Dothlen nak kum (30) leng kan tuah chung ah a um bal lo mi tuanbia dawh ttialtu pafa an si. Kan in siang lo tuk hna e tilen zong ah mu..duh tlin lo nak vawlei si aikun..nan pafa te in kanbiak Pathian sin ah zungzal in vadin cang ko uh.

Rev. Lai Ram Hi, na choir group he Rgn GFA Bible Seminary i hla nan hung kan sakpiak lio kha mitthlam ah a cuang ne hme cu. “Hla hi fung 3,000 hrawng ka phuah cang,” na ti maw kha? Laimi hlaphuahthiam pakhat kan sung ko ne hih. Zeititha, liam ai kun law rak kan dong te mu.