Rev. Dr. Cung Lian Hup: Kan Cawk Ding Mi Tthum Deuh Usih Thawh Ko Rih Hna Usih!

Kan Cawk Ding Mi Tthum Deuh Usih Thawh Ko Rih Hna Usih. By. Rev. Dr. Cung Lian Hup
========
Kan ram kong he pehtlai in,Rev.Dr.Cung Lian Hup,nih a chim mi hi a ttha hringhran ko,mi fiim bia hi cu a tawi ko zong ah saupi ngeih khawh a si,a tawi ko zong ah tampi a ttuan khawh mi a si,a tawi ko zongah,rian a ttuan kho taktak mi a si an ti tawn mi hi a dik hringhran ko.

Rev. Dr. Cung Lian Hup,nih a chim mi cu,”Kan nih Khrihfabu nih CDF caah tiin bawmhnak kan peek ko hna, cu kan peek mi hna cu facang theng cu maw an cawk hnga?kan peek cang hna i, cu kan peek cang mi hna cu a herh an tinak ah an hman ko lai, hriamnaam cawknak tiin kan bawmh mi hna cu a si ruam loh, nain, an mah nih an herh mi cawknak caah an hman ko lai. Pastors zong nih hriamnam, mi thahnak caah mi kan bawmh hna ti a si lo i, kan i vennak caah kan thawh ti khi kan kalpi ning tu a si deuh.

A chim peh tthan mi cu,”ICBM ka ttuan lio ah hin khual ka tlawng tam ngaingai i, cu ahcun ka hmuh khawh mi chung in pahat cu, nu pawl nih hin an i fenh ding mi zuun 30 renglo tiangin hni an ngei hna. Cu vialte hni an ngeih mi cu an i fenh cawk hrimhrim lo, Pathian nih le zarh ttha zongah an i fenh cawk lo ti mi hi a fiang mi a si.Cutluk in hni an ngei ko nain a thar an i cah tthiamthiam hna i an duh tthiamthiam ko rih.

Cubantuk in kan mino hna zong nih phone ttha cawk kha kan i timh rihlo a ttha, nu zong nih thil puan kan i cawk rih lo ah a ttha i, cu kan i cawk ding mi tangka cun a tulio kan dothlennak caah hin kan hman hi a bia pi khun. Cubantuk in kan cawk ding mi kan i thumh ahcun teinak lam ah kan luut kho ko lai, a ti. Credit: Pu Tin Duh Thang, Vaurawng Zuunthil

CDF-Daai sin ah SAC Ralkap 2 nih Hriam an Chiah. Paletwa peng, Thandaung khuate ah hram a bunhmi SAC ralhrang bu no. 55 ah ralkap a simi Ko Pho Phyo le Ko Ye Yint Thu nih SAC ralhrang kut tang rianttuan an duh ti lo caah CDF-Daai sin ah hriam an chiah, tiah CDF-Daai nih thawng an thanh.

“Ko Pho Phyo le Ko Ye Yint Thu cu himnak hmun ah kan phakpi cang hna,” tiah thawngthanhnak ah an langhter chih.

Thantlang Kahdohnak ah SAC Ralhrang 5 an Thi. Nizaan February 1, Thantlang khuachung ah CDF-Thantlang/CNA le SAC ralhrang karlak ah kahdohnakba chuak i ralhrang lei minung 5 an thih pin ah minung pakhat hliam a pu, tiah CDF-Thantlang nih thawngpang an chuah.

SAC ralhrang lei nih bomb in voi tampi an kah hna pin ah Drone zong in bomb an thlak, tiah CDF-Thantlang thawngthanhmi ah an langhter. Ralhrang lei nih bomb kah thlok in a kahmi ruang ah January 30-31 karlak ah Thantlang khuachung inn 94 zong a kaang tthan.

Thantlang Peng Uknak lei Bu an Ser, Khuate 51 ah Khuabawi an Thim Cang Hna. Thantlang peng chung mipi uknak lei bu (Public Administration) cu aluancia November 2021 ah rak ser a si i, atu ah Thantlang peng chung khuate 51 ah khuabawi thim an si cang.

Thantlang peng Palik, Ngandamnak, Fimcawnnak, Lamsul, Biaceihnak le Cinthlaknak lei Department pawl zong ser an si cang, tiah nihin ah Thantlang peng mipi uknak lei bu nih thawngpang an chuah.

Kalay-PDF Mino 2 nih Ram le Miphun ca ah Nunnak an Pek Than. Nihin February 2, zinglei sml. 5:00 hrawng ah Kalaymyo peng Sitha le Natmyaung khua karlak ah SAC ralhrang motor 7 cu Kalay-PDF nih bomb 28 in pehtlai in an puah hnawh hna. Cu bomb puahnak ah cun SAC ralhrang 30 hrawng a khen hna lai, tiah Kalay-PDF nih an ruahdamh.

Cu dih cun Kalalymyo in SAC ralhrang motor 5 an rak pok tthan i, chun sml. 12:00 hrawng ah Thayarkung khua pawng ah suimilam pakhat chung hrawng Kalay-PDF he an i kap. Cu kahdohnak ah cun Kalay-PDF in Pyih Sone Oo le Thura Soe an nunnak a liam, tiah Kalay-PDF nih thawngpang an chuah.

PDF-Kalay in paralttha 2 nunnak liam, ralhrang zong thi an tam. Nihin zingka sml 5 hrawng ah Kalay in motor 7 he a kal mi hna cu Nat Maung khua lei ah ke in an kal lio ah PDF-Kalay nih landmine (bomb) 28 bak an rak puah hnawh hna caah ralhrang 30 tluk a khen hna lai tiah PDF-Kalay nih an langhter.

Ralhrang pawl nih cun landmine nih a khen mi hna cu motor cungah an chiah hna i Kalay thlanglei ah an kal pi hna.
Cun Kalay lei tthiam in motor 5 he a rak chuak mi ralhrang le PDF-Kalay cu Thar Yar Kung khua thlanglei ah chun sml 12 hrawngah an i kah tthan caah PDF-Kalay in pasalttha minung 2 nih ram le miphun caah nunnak an pek.Ralhrang lei thi le hliam theihfian mi a um rih lo.

Hakha peng ah Mizapi nih Zatlang Uknak an dirh! Ralkap nih hramhram in nawlngeihnak an lak kum 1 a tlin ni ah Chin ramkulh khualipi Hakha khuapi chung a ummi le Pengtlang hna fonh in, Caan Karlak Hakha Peng Zatlang Uknak dirh a sinak cu thawngthannak ca nambar 1/2022 in an chuah tiah kan theih.

Hi thannak kong he pehtlai in, ahodah pehtlaih ding timi langhternak an tuah lo. Nain, a tanglei ah cathanh an chuahmi Laica le Kawlca in rel khawh a si.

Cawlcanghnak kong a theimi minlanghter duhlomi pakhat nih, atu ah Hakha peng chung ah ah Ralkap le a ralhrang nih nawl an ngeih khawhnak, an uk khawhnak cu Hakha khuapi chung telawng a si cang. Cu hmanh cu an i harh! Cucaah, khuate lei hmun kip ah cawlcanghnak le ihruainak a um khawhnak hnga ding caah atu bantuk in mizapi uknak hi an dirh thawknak a si lai tiah a hmuhning a chim.

2. Mizapi nawlngeihnak hramhram in laknak nih zapi nun-khuasaknak le chawleh chawhrawlnak fakpi in a ṭumchukter. Innlo tampi hrawhpiak kan tong i, rammi tampi umnak ngei loin ral kan zam. An duh paoh in rammi an kan tlaih, an kan hrem i mizapi thisen tampi a luang.

3. Ralhrang nih an nawlngeihnak an fehter khawh nakhnga lo le an hlawh a tlin nakhnga lo, rammi kan dihlak nih lungrual tein kan dohthlen lio a si. Cucaah kanmah kan kong cu kanmah tein kan i tawlrel i kan i ukhruai khawh nakhnga, Hakha khuapi chung le Pengtlang hna telh in, “Caan Karlak Hakha Peng Zatlang Uknak” (Interim Hakha Township Administration) cu dirh a si cang, tiah thawng kan in thanh hna.

4. Hramhram uknak lak le namneh uknak phun paohpaoh cu kan duh lo caah, Caan Karlak Hakha Peng Zatlang Uknak nih 2022 Nohawng 1 thok in kan tei hlan tiang dohthlennak cu pehzulh in kan ṭuan lai. Cun, Federal Democracy Ram sersiamnak caah le Hakha peng chung ukhruainak he aa pehtlai mi thil vialte cu “Caan Karlak Hakha Peng Zatlang Uknak” nih ṭuanvo la in tawlrel a si cang lai. Credit: The Chinland Post

Hi bantuk Pastor hna Laimi chungah a rak um hi cu a poi taktak khi asi! Mah tuanbia hna hi, kan Chin Community chung ii a tel mi hna nih an tonmi kong an ṭial mi a si. Keimah, Thinhnem, nih ka tonmi an si lo, mirang holh in lai holh ah ka leh piak mi hna a si. Ka leh mi chungin ka palhmi a um ahcun, rak ka theih thiam ko uh! Mah tuanbia hi ka nunnak a chiat lei ah a thlengtu tuanbia a si ruangah, chim ka harh ngai. Sianginn dih in, inn ah ka rak ttin i, kanu cu pastor pawl he an i chawn thluamah lio a si.

Pastor pawl cu kanu nih a ka chawnh ter hna, mah pastor hna lak ahcun tihnung pahmi, hnabu a lo pahmi a um. Pathian rian a ttuanmi a si ka ti i, ka ruahnak a ttha lo tiin keimah le keimah ka chim. Nifatin ka tuah bantuk in, inn cung ah ka khaan ah ka homework ka tuah. Innka ka hrenh tawn i, innka an kingh thawng ka theih. Ka nu le ttihnungmi pastor pa cu an rak dir ko, kanu nih “Saya nih na caah thlacam piak an duh.” Thla a ka cam piak duh lai tiin ka ruah ii, ka luh ter ko hna, cun pastor pa nih ka nu cu a chuah ter, keimah le amah lawng thla kan cam lai a ti.

Kanu cu khaan chung in a chuak, fihnung pastor pa le keimah lawng khaan chungah kan taang. Na khuk i bil law thla kan cam piak lai a ti, ka khuk bil bu in ka tthu ii a nih kha a dir. A tawhrolh zipper a phoih. Ka dir colh i,”zeidah na tuah?!” tiin ka au hnawh. A ka daih ter i, “ka khua lin” a ka ti. Ka khaan cu 68° a si tawn, a kik tawn.

Ka hei zumh i ka tthu tthan, kan ngakchia lio tein, kan nu le kan pa nih upa upat dingin a kan cawn piak. Ka tthut tthan hnu ahcun, a tawhrolh dih lak a phoih, a bawngbi chunghnawh zong a phoih dih cang. Ka tho colh i, ka tthial colh. Amah nih cun, “mah tihin thla ka cam dan a si,” a ka ti. Ka zumh sual, a ruang cu ka hngal lo nain, ka zumh sual. Ka tthu tthan i a kut cu ka lu cungah a chiah ii mah ti cun thla a cam tak ko.

Thla a cam lio ah, ka kut a laak i a “penis” a ka tongh ter. Ka nam chih and ka khaan in ka chuak hnik nain, asinain a tthawng tuk ii ka chuak kho bak lo. Ka khaan innka a hrenh ii, ka ihkhun cungah a ka nam i ka cungah a pum in a ka nenh.

Ka thongh chih ka chuih chih nain, “Pathian rian ttuanmi ka si” a ti peng. Mah cu zeidah a tuahmi he a sain? ka fiang hrim hrim lo! Ka au hnik nain, ka kaa kha a kut in a khuh! Ka kheuh chih, nain ka chuah hnikmi kha a ka nih sawh. A donghnak ah cun ka lung dong i, a dih hlaan tiang ka ttap i a dih tiang ka hngah ko. Ka fuat tuk!

Pastor a si rih mi zong ka fuat tuk! Vawlei nih a tuahmi hngal hna seh ti ka duh tuk ko buin, pakhat pakhat a tuah sual lai ka phaang! Kanu zong ka chimh ko nain, kanu nih ka capo silole na cungah can ding a tlak ko a ka ti. Mah hnu cun, pa pawl pawng ah ka um tikah ka thin phaang. Cun mah pastor pa kan biakinn ah “guest speaker” in a kan len tik ah “panic attack” ka ngah tawn. Mah pa cu a cungah thil chia tlung ko seh!

Hi bantuk Pastor hna Laimi chungah a rak um hi cu a poi taktak khi asi. Pastor cheukhat pawl hi Pathian nih chati thuh hna loin an mah le an mah an ithuh siloah chungkhat cingla nih thuhmi hna an um kho. Pastor si paoh upat dih ding ti le Pathian nih Pastor vialte chati a thuh dihmi hna an si timi zumhnak hi a thar in ruah awk ngai asi.

Community ah atubantuk a thumi pawl hi thianh le action lak colh a hau. Minunnak sersiam dingin rian khinhmi nih minunnak a hrawk tikah sual hmanh ah sual taktak khi asi. Credit: Thinhnem Par Lian