Raltha ngaiin Min Aung Hliang sinah India nih Myanmar ah a tuan khawh chung Democracy Cozah hmuh tha’n a duhnak kong!
CHIN-MIZORAM RAMRI AH BOMB LE RAL THUAM AN TLAIH. Indo-Myanmar Ramri kong
=======
Ni 31 December,2021 ah khan Mizoram Palik le Assam Rifles(AR) pawl i kop in Mizoram State Siaha District, Mawhre Khua ah Bomb, ralthuam, Kuan le Walkie-Talkies pawl tam tak an tlaih ti’ ah theih asi. Ralthuam an tlaihmi hna pawl cu;- 1. Gelatin thluan- 395 Kgs, 2. IED Bomb siam nak ti (Liquid Explosive)-81 Kgs, 3. Bomb kep (Belox granular explosives)-94 Kgs, 4. Elbun- Lai Meithal Kuanzen- 356 (12 Gauges-bawm),
5. Kuan fang-70 mm, 6. Improvised Explosive Device(IED) Seh-1 Mechanism, 7. Bomb siam nak Lead Acid Batteries zeimawzat le Bomb puahnak Detonator-2 le Wires le a dang pawl an si. Hi an tlaihmi pawl hi Siaha DC Zungpi ah illegal Arms Cases in Mizoram Palik nih an chiah ti’ah theih asi fawn.
India ram Mizoram State chungah hin Chinmi Myanmar ramin kan Chief Minister tel in MP le telhin Ralzam 18000 leng an um i, India Cozah Pi nih Official in Myanmar Ralzam an pom lo na’in Mizoram Chief Minister Pu. Zoramthanga hruaimi State Cozah nih Unau sinak thawngin le Humanitarian zohin an um ter hna. Hi hnak tam deuh zongnih an phan tha’n kho men.
December 22-23 ah khan India Cozah Foreign Secretary Harsh Vardhan Shringla cu Myanmar ah tlawngin Min Aung Hliang le SAC bawi upa le NLD tiamin Political le Civilians hruaitu cheu khat pawl tonnak a neihpi hna pinah Covid-19 Vaccines 2-Millions a pek fawn hna. Pi Suukyi tonnak a hal hna na’in an pe duh loh. Asina’in raltha ngaiin Min Aung Hliang sinah India nih Myanmar ah a tuan khawh chung Democracy Cozah hmuh tha’n a duhnak kong fiang te’in a chim ti’ah India External Affiars Ministry nih an chim.
India Foreign Secretary nih November 13,2021 i Manipur State, Characanpur District i Assam Rifles Commander, a Nupi, a Fapa Kum-6 mi le AR Ralkap-7 an thahmi kha Myanmar Ramri chung lei in a rami PLA le MNPA pawl an si ti’ ah Myanmar Ralkap cu a puh hna fawn. Tuan deuh December thla thar ah khan Myanmar Ralkap Cozah nih cun, tuhlanah an tlaihciami Peoples Liberation Army(PLA)-7 hna cu India Cozah sinah a rak pek cang hna. Cuca’ah tulio te hi India le Myanmar Ralkap Cozah karlakah riantuanti nak tha an neih lio te asi.
Mizoram State hi India Central Cozahpi tang i ummi asi bantukin Ramchung Security kongah cun, “Con-Current List” ti’in Central le State nih Nawlneihnak an i cheuhboh i, Mizoram Police Chief, Director General of Police(DGP) zong khi India Central Cozahpi nih IPS Officer an duhmi lawng an chiah khawh i, Zeipoh an control dih ti hi kan thei a hau lai.
Cun, International Borders kong ah cun State Cozah nih nawl an nei kho lo i, India Central Cozahpi Nawlneihnak tangah a um i, Ramri i a chiahmi Ralkap/Forces AR,BSF, CRPF, SSF etc. pawl sinah Nawlneihnak a pek khawh fawn. Cuca’ah a ho poh kan si’ah ralring te’in kan cawlcang cio a hau ko lai. Credit: MC Biklian