Ralrin peknak a si; A dang a kang thluahmah rih lai an ti caah khin anmah tuah mi ah rel a fawi te!
=========
Uknak laakka bantuk in dohthlennak kalpi peng hi a ttha thlu lem lai lo. Caan karlak i ai thleng mi boruak pawl zawn le cuanh chih pah lo awk a ttha lo. Hi bantuk tete ruang ah mipi le dohthlennak kar pehtlaihnak a daih sual lai tu phần a um.
Cozah sianginn ah an kai ruangah cozah minung an si tiin ruah lo a hau. Thim ding tampi a um lo caah an kai hi a si kho timi ruah chih lo awk a ttha lo. Kan zalonnak caah nunnak thấp in ral a tumi an um timi mipi thinlung ne i a nun ding tu kha a biapi ah chiah ding a si.
Siangngakchia le mino vialte Yangon Manlay i an i tthial dih nakin kanmah he ai naihnak hmun ah an um, sianginn an kai le thil dangdang an tuah kha dohthlennak caah caansau caah a ttha deuh kho ti hi ruahchih ding ah ka ruah.
Cun sianginn he caan sau an i hlat tikah sianginn peh ngam ti lo in ramdang ah kum 17 18 a kalmi an tam. Kum vui ah vui nolh ah an karh chin rih lai. Hi zong hi dohthlennak caah si seh, miphun caah si seh a ttha ti awk a ttha lem lo. A chel ahcun hi bantuk phun ahcun a si sual hmanh ah “kanmah Kan si lo” ti hna hmang ve hna seh law a ttha tawn hnga ka ti. Atu cu an si lo hmanh ah a simi lo ding in an ttial le a poi pah.
Siangiin le siizung cu mipi nih kan fuh kan panh mi le mipi ta si tiin ruah ahau, Tu tan thil ah cun Electric in kangh dawh si ko rua kan mino nih khangh mi cu si rua lo hi ,An mah lei UC zg si hna seh law ngal lo si ko. Siangiin le sizung pi an mah kut in akangh ah cun apoi ngai lai khangh phun si lo An khangh si le Adang cozah zuung tu hi tuaktan ding si kan ni thlah phoih sual la ti hi ruah peng ahau.
A tha ko mi hrawh khi santlaihnak um lai lo dah. A si kho deuh nih ramdang ah an kai ter hna, a si kho lo nih mitchinh kamseh in an kumrup in thilthei hna seh tiah an kai ter ve hna. Khuate lei ah sianginn kai a si fawn tung lo tik ah khin.
Mah BEHS3 hi ralhrang pawl nih hmun an khuar i an um chel an chuahtak chel tin a um lengmang mi a si le a kam zong ah mi pakhat nih meheh rawl a lak nak ah bomb ai lamh bal cang.Ralhrang um lio ah kah fawn lo in an um lo lio ah duah hei ti(kamah hriamtlai lei nih tuahmi a si sual ah cún) uar cu um lo ngai lai.Kanmah kut a si sual ah cún ralhrang doh phunkhat ah ruah khawh cu a si ve kho men nain a dikmi dohnak ah cún 100% pom cu a har men lai.
A hramthok ah ‘a ruang’ theih lo ti a si fawn. Hi cakuang a ngeitu hi mizei set dah an si? CDF-Hakha nih a theihpimi a si maw? CDF-supporter nih an tuahmi a si maw? Issue a ngan lai hih! MAH nawl an cawn sual ahcun, zapi support nak an thlau chom lai.
BEHS No 3 A Kangmi Kong; Ralhrang cozah nih sal sernak caah Hakha ah an hunmi sianginn BEHS No 3 cu 2023 August 5 zanlei ah a ruang hngalh loin a kang. No 3 inn 5 chungah pakhat dot thum a simi a kang. Cu thil a cangmi nih a langhtermi cu Pathian nih Chin miphun le Chinram hi Ralhrang le miphun dang sal ah tanter a kan sianlonak le luatter a kan timhnak a si.
BEHS No 1, No 2 le No 4 siseh, ralhrang he pehtlaiin a miak a kawlmi private sianginn hna siseh, kan fale sal nun a cawntermi sianginn paoh cu a kang thluahmah rih kho. Ralrin peknak a si. Zeicatiah Pathian thimmi miphun a leirawitu an si.
Ralhrang sianginn ah kan fale kaiter cu khuachia nau-um nu sinah kan fale chiah tluk a si. Cenghnia nu hnuk a ding i cenghngia nu thithruainak tangah a thangmi uico fa cu cenghngia zia hlei zei zia dah a ngeih hnga. Cu bantuk ralhrang khuachia le cenghngia lakin nihin kan fale si hna seh, hmailei ah a ra ding kan fale si hna seh, chanh ding in dothlennak kan tuah cuahmah.
Nu le pa hna ruat than rih tuah u. Min Aung Hlaing le a ralhrang rual nih kan miphun hi sal ah ser an kan timh, kan ram zong an ram ser an timh, a nung Pathian bia loin siasal biakter an kan timh, kan fanu hna an nuchun ah ser an timh, kan tuanbia le nuphung hna hloh in Kawl tuanbia le nunphung an kan cawnter.
Kawl holh thiam loin cathiam khawh a si ti lomi tehna hi nan lung a fak ve lo maw? Kan ram kan khua chungah ralhrang rual an um i an duh paoh in khua an sa, an kan thihphaih, an kan tlaih, an kan hrem, kan zuat satil duh paoh in an thah, kan inn an khangh, kan thil an fir, an kan thahnawn cuahmah lioah an hmaiphiahnak ah thanchonak kan in tuahpiak hna lai, sianginn kan tuah, nan zawtnak kan in thlop hna e,
Mocha thlichia nih a hrawhmi kan in bawmh hna lai e an timi hi kan vok an firmi sa an kan hleh ve mi a si hi nan i fiang lo maw? Kanmah ta an firmi a si zongah a paam anmah lawng ei dih nakcun an kan hlehmi vo khat te cu ei ve ko usih na ti rih ko lai maw?
Na fa zawn ruah ah maw ralhrang sianginn ahcun na kaiter ko lai! Nangmah miaknak ruah ah Tender tuan ko ning na ti rih ko lai maw? Nang nihcun na ruah khawh lo zongah dothlennak nihcun kan cohlang kho lo. Zeicatiah kan ram le miphun kong a si. Kan ram le miphun sal tan lai ruah ah kan celh lo i nunnak thap in ralhrang kan doh cuahmah hih. Hriam na tlaih khawh lo tal ah CDM ralhrang duh lo langhternak tal in rak i tel ve. Hakha Campaign For Justice
Hakha No.3 B.E.H.S A Kaang; Chin ramkulh, Hakha khua ah a um mi No. 3 B.E.H.S a kaang tiah thawng theih a si. August 5 zaanlei sml 6:30pm hrawng ah atu bantuk in No. 3 B.E.H.S a kangh hi a si.
Sianginn kanghnak kong he pehtlai in zeiruang dah a kangh le mi zei nih dah an khangh ti cu a fiang theih a si rih lo caan thawng tling deuh in thanh khawh ṭhan kan rak i zuam lai.
Hakha Pyidawtha sang (HBC Biakinn pawng) No. 3 Siangsangrun (High School) inn nihin August 5 (Nirukni) Zaanlei sang ah a kang tiah kan theih. A kangmi a lang in a cuanmi khuami nih, “A kangh hi zaanlei sml. 5:30 fai hrawng ah si dawh a si, 5:45 ahhin a mei a lio (ngan) tuk cang,” tiah an chim.
A kanghnak a ruang bel hngalh a si rih lo, nain khua mi cheukhat nih, meihri a sawt mi in a si kho men tiah an ruah damh. A kanghnak hmun ah meithat mawtaw zong a phan cang tiah theih a si. A kangmi inn hi a thlanglei bik ummi David Van Bik Building tiah min an pek mi si dawh a si tiah kan theih.
No. 3 High School, Pyidawtha, Hakha cu American Baptist Mission (ABM) Sianginn a rak si i, Ralkap uknak chan lio ah ABM Sianginn cu Cozah nih nawlngeihnak an rak chuh i, caan saupi a rauh hnu ah High School sinak an rak pek mi a si.
Sianginn a kangmi cu an hmih khawh cang tiah khuami sin in kan theih. “a dihlak ningpi cun a mit dih rih lo nain, a tlangpi in a mit ti khawh si. A meici tete lawng a tang cang” tiah kan theih.