Ralkap nih Natchawng khua cu an lak khawh cang tiah Kalay lei in thawng an kan thanh!

Ralkap nih Natchawng khua cu an lak khawh cang tiah Kalay lei in thawng an kan thanh! Zeitindah an lak, a thimi an um maw? Zeitindah an tuah hna? tibantuk fiang in theih a si rih lo! Natchawng hi Gangaw lei in a rami ralkap a khamtu an si! Natchawng an lak cang caah Gangaw lei in a rami le Kalay lei in a kalmi ralkap an i tong kho cang tinak a si!

Cuticun an target biapi bik cu Kalaymyo a si cang ko! A poi tuk ee! Pathian kan zoh sawh ti hlah law! Na mi hna aunak le hramnak hi kan theihpiak cang mu. !

Chaungkhuah Khua Ralkap le Mipi Kahdohnak ah Pu Ram Hlur a Nunnak a Liam. Nihin ah Gangaw-Kalay lamthluan ah a ummi Laimi tampi khuasaknak Chawngkhuah khuate thlaanmual pawng ah ralkap le mipi an i kap i kum 68 a simi Pu Ram Hlur (Ni Meng pa) a nunnak a liam, tiah a chungkhar sin in thawng kan theih.

Chawngkhuah cu Hakhalay khua he aa pehmi a si i, hi khua hnih hi Laimi tam u khua an sak an si. Nihin kahdohnak ah Pu Ram Hlur le a dang minung pakhat U Aung San Win (kum 45) an unnak a liam. Cun, Chaungkhuah i an i bochan ngaimi Lai mino tlangval pakhat zong ralkap nih an tlaih. Nihin kahdohnak ah ralkap lei in hliam a pumi le a thimi an um nain zeizah dah an thih/hliam an pu timi fiang in theih a si lo. Ralkap pawl cu Chaungkhuah i sianginn ah hmunhma an khuar, tiah minung pakhat nih The Chin Journal ah a chim. The Chin Journal

Mipi An Zenkuan A Dong Zau Lai! Hmandaw le Chawnhkhuah karlak ah April 1 ,tuni cu ralhrang le mipi chunnitlak an i kap, atu hi ca ka tial cuahmah lio tiang! Kalay lei ralhrang nih an kah hna i Cu lioah Hmandaw lei in ralhrang dang nih an vun nam ve hna! Asinain mah an hnulei in a vun namtu hna kha Hmandaw mino hna nih an hnulei in an nam chin ve hna!

Ralhrang lei nih meithal nganpi RPG hna an hman tikah mipi an temtuar ngai ko rua! An i kah cuahmah lio cu si kaw mipi lei siseh ralhrang lei siseh a thimi le hliam a tuarmi theih khawh a si rih lo! Thawngpang kan don ningah cun mipi lei an zenkuan a dong zau lai ti a si! Rak a do bak lomi an si caah an tha zong a ba tuk cang ti a si!
Hi bantuk dirhmun a phan cangmi hi hriamtlaibu kan ngeihmi CNF/A le ZRA zong nih zoh men ding a si ti lo. Di de ngaih caan a si ti lo! A minung in a hriamnam zongin i bawmh le i zuanhnawh caan a si cang!

Edited: Tukha , natchawng lei in ralkap 40 hrawng nih an fuh hnawh than hna, tiah mit hmutu nih a rak chin than. Cun, Kalay in mawtaw ngan mi 1 le a fami 1 zong Ralkap camp in an i thawh than ve ti si hoi! Thawng kan don tharmi…! Ref: Chin Post

Note: Hmanthlak hi Natchawng khua taktak kan ngeihlo caah Google chungta kan lakmi a si. Careltu nih Natchawng khua taktak a si, tiah nan ruah sual nakhnga lo kan in nawl duh hna.