Ralkap nih an dawimi hna inn chung ah dornak pek a duh lomi iremh u law

Tulio kan ram buainak kongah ram chung/leng kan dir timi lung a hmui taktak. Hi lioah, 1) Hlawhhlang nu Rahab tluk lo Hakha ah an ummi hi a poi tuk, kan in theih ko hna. Ralkap nih an dawimi hna inn chung ah dornak pek a duh lomi iremh u law a tha. 2) Chinmi police le ralkap pawl nan rian chuahtak ulaw rawltam in kan in chia hna lai lo, nan nunnak a him lo ahcun Victoria camp ah nan him ko lai. 3) Hakha mino pawl kan in upat hna, nanmah lawng nan si lo, kan in dirpi ko hna.

4) Bu kip Pastor pawl raltha tein dirti u, kan Tuu run an thih ahcun kan dir kho hlei lai lo. Mipi rak dirkamh ko hna u. 5) Hakha khua um Cozah riantuan dihlak, Toawnship, District le State level nan dihlak raltha tein CDM ah rak dir dih u, kan dihlak kan hmailei caah thiltha kan duh caah sacrifice ta kan herh. 6) CNF/A nih mipi nan dirkamh hna caah kan in upat hna, a herh ahcun nunnak pek cia nan si caah kan ilawm. 7) Hakha mino nan cawlcanghnak zoh ah upat tlak nan si, Laimi muisam nan langhter. Upat kan in pek hna, nan no lioah kan miphun hmai kan sat ko rih u. Credit: Saya Van Lian