Ralkap Formula, Mi Thil An HrawH Lai I Mizapi An Puh Lai

Ralkap formula
==============
1. Mi thil an hrawh lai i mizapi an puh lai. Abik in mino an puh lai. 2. Mui lak ah an i thup lai i mi an ngiar lai. An kan ngiar hmasa tiah an chim top lai. 3. Lung le fung in cheh le tuk an hmang lai. Mino zuri pawl kan dawi an ti hoi lai. 4. A phun zakip in mi an tlerh lai. Nain, mizapi daihnak caah kan tuah an ti lai. 5. Lih le hrokhrol an chim, an thanh peng lai. Nain, an chim mi poh a dik tiah an ti peng fawn lai.

Cucaah; 1. Dothlennak ti mi cu thluak, thinlung, khuaruah, le thazaang fonh in doh a hau mi phun a si. 2. Rap an chiah mi kha fimkhor tein hrial thiam a herh. 3. A chunglei in hnahnawhnak pek thiam a herh. 4. Kan thazaang zong i save thiam a herh. 5. Ralkap he aa pehtlai mi thil pohpoh (zungkai pawl, ralkap ţanh pawl) i an thawngpang le an dirhmun kha hngalh khawh ding i zuam zungzal a herh. “Meithal an i bei ruang ah ţih hna hlah sih. Fimkhor tein kan ţuan/cawlcang mi tu nih lauter hna sehlaw kan ţih deuh hna seh.” Bedku Cenhrang

Mibuu sinah um izuam. Mibuu sin in, nai then ni cu na tlau hramthok kha a rak si. Mibu/mipi sin i na thut umlo ahcun, cawn ding ruah ding na ngeih ti lo caah, hawi nakin na khuaruahning a niam peng lai. Mahlawngte um hi chikkhat cu a tha na ti lai nain,a donghnak a phan kho bal lo. Mahlawngte khuakhanmi cu ,voikhatnak ah a tha a lo tawn nain, ahnu ahcun mi caah an khaa tawn. Mahlawngte um hi, lawmhnak taktak a tling kho bal lo.

Mahtelawng um hi khuasual ruahnak a si i, sualnak lamlei ah kal a rak fawi tuk. Mahtelawng um cu, ka thiam,ka hngalh, ka fim tiah i ruahnak a rak si. Naumnak hmun in i thial chun hmanh,zeitlukdah ka si ti nai hmuh khawh lai i, a thabik ti na rak ruahmi na umnak hna kha zeitlukdah an si ti fiang deuh in na hmuh khawh lai.