Ralhrang Phu Nih KKG ralkap pawl an tuahto ning hna cu minung fa nih an celh cio lai lo ee!

Ralhrang Phu Nih KKG ralkap pawl an tuahto ning hna cu minung fa nih an celh cio lai lo ee!
==============
KKG Hriamtlai phu pawl an thawngpang theih cu lung hi a fak kho tuk ee. Nizan tini hrawng ah khan KKG hriamtlai phu pawl Sakhan pakhat cu ralhrang pawl nih an luhhnawh than hna i, a hmun ah minung 6 an thi, tiah thawngchia taktak theih a si. Zeiruangah dah ralhrang pawl nih KKG sakhan hi an theih peng hnga le an luhhnawh peng hnga, tiah biahalnak a tam ngaingai.

Cun mah kong he pehtlai in ralhrang pawl nih a nung in minung 18 hrawng an tlaih hna i, an haa an thlongh hna, an mit an khoih hna, an vuak an hrem hna i, thingkung cungah an thlai hna hnu ah an kaa ah thing an kalh ter hna ee ti a si. Khuami pawl nih an va kawl hna i, an va hmuh hna cu Khuami a tap lo ho fa hmanh kan um lo ee an ti. Cu tluk lungfak le thinlin cu celh a si hrimhrim lo ee.

Ralhrang pawl nih mipi hriamtlai phu pawl cu zeitluk in dah an thih hlan ah an hrem hna lai i, am hen tuar hnga timi ruah ah thinlung a fak tuk hringhran ko. KKG hriamtlai phu pawl sakhan pakhat ralhrang pawl nih an luhhnawh thanmi i a thi mi le an ruak an hmuhmi hna pawl zoh tikah a celh kan celh lo ee, tiah khuami sinin thawngpang theih a si. Hi ralhrang pawl tuahsernak vialte hi mipi thazaang chuah chinnak ah cang hram ko seh.

Note: Hi thawngpang kong he pehtlai in kanmah nih kan duh ningin kan tialmi a si hrimhrim lo. Screeshot chungtal lakmi chungin tial thanmi a si. Hi Thawngpang a chuaknak hi Khuami pawl nih mipi ralkap pawl an ruak le an thih ning an hmuh hna tikah an celh lo caah an rak phuanmi si dawh a si. Ralhrang pawl an tuahsernak cu a hruhru hranghrang chin lengmang ko. A poi taktak. Tantakmi chungkhar le cingla ruahchan vialte Bawipa tu nih hnem hram ko hna seh.

Hi ruang ah CDF Hakha, CDF Thantlang tibantuk in a dang tein an dir than dih kha a si! CDF vialte kha CDF headquarters (zungchoh) tang ah an rak um dih hmasa. Nain, zungchoh ah a thumi saza tam deuh cu ral tuk ngam ve loin Mizoram le Victoria Camp ah khua an sa. A langpar in ralkap an control hna. Anmah nih phaisa luhchuah an rak tlaih dih fawn.

Ral atu mi ralkap nakin ral a tu ve lomi saza pawl power an ngei deuh tikah CDF ralkap an lungtling lo. Hi ruang ah CDF Hakha, CDF Thantlang tibantuk in a dang tein an dir than dih kha a si. Atu lio phu dang tete an ser ciomi zong hi raltuk a kal ngam ve lomi keimah luala bantuk pawl kha ral a tu taktak mi ralkap nakin power an i ngeihter deuh tawn caah a si tiah ka theih.

CNA ralbawi cu lakhruak in an rank a kai lo, kum tampi ralram an um hnu ah ralbawi rank an phak a si. CDF ah cun an service caan an i khat dih. Cutikah, luh le cangka in ralbawi tuan ai timmi an tam ahcun a poi ngai ding khi a si.

Senthang CDF le Hakha CDF kar buainak cu a zual chin caah thin a phang ngai, Shan hriamtlai phu pawl Kawl ralkap kap ti loin anmah le anmah an i kap bantuk kan si ve sual lai phan a um tuk. Tedim zong ah zahan kha anmah le anmah an i that cang. Aruang bik cu ZRA nih ‘kanmah dah ti lo hriamtlai phu dang ser a ngah lo’ tiah nawl an chuah ve caah a si.

Kan ral cu MAH a si. Hi fachuaksual doh a duhmi poah nih khawika hmun poah in doh cio ko u. A thawng deuh nih tha der deuhmi kha control i tim hram hlah u, CNF hmanh nih hohmanh an in control hna lo khi. Tanti a herh caan poah ah ‘kan ral ai khat’ timi lungput in tangti hram ko u.

Zophei, Lautu, Mara le Zotung ah CDF an um dih. CDF dang he a herhnak ah an tangti ko. Senthang zong caholh le ramri tling tein a ngei vemi an si, anmah tein CDF an dirh khi mawhchiat awk an um tiah ka ruat bak lo. Credit: Salai Lungthli Tum