Ralhrang phu nih hramhram nawlngeihnak an lak hnu ah, election commission phu chungtel hna

Daw Aung San Suu Kyi Le President U Win Myint Cu Zaangfah Te An Si Ko Ee!
========
Rampi ruahnak pe tu Daw Aung San Su Gyi le president U Win Myint tel in minung 16 hna cu thimnak tuahmi ah thil diklo nan tuah tiah an ti hna caah nizaan ah tazacuai in hmalaknak an tuah hna tiah ralhrang phu pyitawngsuh election commission (UEC) nih cathanh an chuah.

Tazacuai a tongmi hna chung in pyitawngsuh election commission chairman U Hlah Thein, chungtel U Myint Naing le U Tan Htay, cozah zung vuanci U Min Tu, Mandalay ramthen vuancichoh Dr. Zaw Myint Mawng le Naypyidaw in Dr. Myo Awng hna an i tel tiah a langhter.

Ralhrang phu nih hramhram nawlngeihnak an lak hnu ah, election commission phu chungtel hna hmalak nak an tuah hi a voikhat nak a si tiah theih a si Ralhrang phu kuttang um UEC nih tazacuai nak an tuahmi ah minung 8 lawng min a langhter leng ah zeibantuk poh-mah in dah tazacuai an si ti a langhter chih mi a umlo.

A luancia 2020 thimnak ah NLD party nih teinak a hmuh ko na in, mee cazin palhnak ruangah thil diklo a umkho ti in ralhrang phu nih nawlngeihnak cu lak in thimnak results hna cu ka hrawh tiah thawngthanhnak a rak tuah. A tu ah tlaihkhih a tongmi Daw Aung San Suu Kyi cu a hmuh 11 in taza an cuai lengah president U Win Myint zong a hmuh 2 in taza an cuai tiah theih a si.

Kan ram zaukphung kan hmuh than khawhnak dingah biatak tein ralhrang a dohru Monywa PDF cu ralhrang chungkhar cheukhat nih tangka sing 5 an kan bawmh tiah Nov 15 ah PDFP nih an thanh. Cuti i MPDF sinah tangka a bawmtu hna cu Monywa hrambunh khah-mah-yiah 16 i ralhrang chungkhar cheukhat hna an si.

MDPF cathanh ah cun “Zeiltuk in ralhrang thihphaihnak le khamnak ngan hmanah ah biatak lei ah a dirmi chungkhar nu 16 hna cungah lunglawmhnak ngan pi kan ngei” tiah an langhter. Tangka bawmtu lei nih ralhrang khah-mah-yiah 16 i chungkhar hna sin in bawmhnak an hmuh nak kong mipi theih ah langhter ko u an ti caah MPDF nih cathanh an chuahnak hi a si.

Monywa khah-mah-yiah in Sergeant pakhat zong Feb 18 ah khan a rian chuahtak in DCM rak tuah cang. Cu pa cu ralhrang chungin CDM a tuahmi le mipi leiah dir in ralhrang thalo a ohnak ah aa tel hmasa bik a si tiah Than Lwin Khet nih a tial.

KNU Brigade 5 Hmunhma Chungah Ni2 Chung Kahdohnak Ah Minung 32 Thi,an 56 Hliam. KNU Brigade 5 hmunhma chungah ralhrang phu, BGF i fonh i Le KNLA kar ah November 11 le 12 kahdohnak ah ralhrang lei in tatzinhmu, tatkhuaihmu tel in minung 32 an thi, 56 an hliam tiah KNU – Mutraw thawngzamh nak ah an thanh.

November 11 ni ah ralhrangbu SahKahKhah kut tang KahMahYiah 406 phu hna cu Phapon pengkomh, Mathaw khuakomh, Tuang Tung Lung hmunhma chungah an lut i KNLA he nikhat chungah voi 5 kahdohnak aum i ralhrang lei in minung 14 an thi i minung 21 an hliam tiah kan theih.

November 12 ni zong ah mah Mathaw hmunhma chung ah kahdohnak nganpi aum i ralhrang lei in tatzinhmu 1, tatkhuaihmu 1 tel in 14 an thi 34 an hliam tiah Mutraw thawngzamh nk nih atial. Baw Kyuk Thah hmunhma zong ah November 12 ni zanlei Sml 1:00 in 1:45 tiang an i kap i ralhrang minung 4 an thi i pakhat hliam, Bu Thu peng, Khaw Puk hmunhma ah eidin a phor mi ralhrang hna cu KNLA nih an kah caah Rang 6 an thi i 2 an hliam tiah kan theih.

November thla thok in ralhrang le akut tang BGF phu hna cu KNU Brigade 5 Phapon pengkomh chungah hmunhma lak ding ah ralhrangbu thazaang a chap chin caah KNLA nih an kah hna i ni fatin ti awk in kahdohnak aum tiah KNU – Mutraw News nih alanghter.

Nizaan November 15, Yangon, Htan-ta-pin peng chung Palek buk pakhat an kah hna hnu ah Ralhrang Counsil nih sualnak a ngeilo mi Ko Zin Ko Htet le a hawi hna cu Htan-ta-pin Palek buk a kap tu nan si tiin sual an phawt hna i phunglam um loin an tleih hna tiin a thi mi neihniam chungkhar pakhat sin in kan theih.

Ko Zin Ko Htet cu ni zaan Yangon khualuh ah meithal kah nak in a nunnak a liam i a hawi le zawng an tleih hna. Hriamtlai PDF siloin khua lei ah an tlawng i an rak kir lei ah tu ban tuk an ton hi asi. “A ruak lak khawh nak ding ah Ko Zin Ko Htet A Nu le A Pa nih an kah nak hmun ah an va kal i Palek buk ah a um mi sin ah an va hal lio hna asi. Ko Zin Ko Htet hi Isalam asi i an phung ah an thih hnu Nazi 24 chung ah a ruak vuai asi” tiin a neihniam mi a hawi pakhat nih a chim.

Pale peng chung ah Ralhrang Motor cu mine Voi 4 an puah hnawh hna, Ralhrang 15 nak tlawm lo an thi. November 15 ah Sagaing Ram, Pale peng chung ah a ra mi tank pathum le Motor telh in ke kal mi Ralkap hna cu PDF-Pale nih Mine Voi 4 an puah hnawh hna. Pale Khua lei ah a rak ttum mi Ralkap motor cu Ouk-Sa-Tlang i athlang Mit-Ciah hlei a pawng ah a Voi 1nak mine an puah hnawh hna. Ralhrang lei nih lamchak le lamthlang ruahdap in meithal an kah. Cuhnu ah an rak ttum tthan i Kyouk-Pung-Kuan an phak ah a Voi 2nak mine an puah hnawh tthan hna.

A Voi 3nak cu Kan-Dongh khua nichuah lei lam ah asi i Pale-PDF, Battalion 2 nih mine an puah hnawh tthan hna. Ralhrang lei a thi mi le hliamhma a pu mi an tam. Ralhrang lei nih ruahdap duhthlorh in Hriamngan le meithal in an kah ve hna i PDF lei minung pakhat hliamhma a pu.

Pale Peng, Ta-Pyi-Kone khua le Ong-Hngaw khua kar ah PDF-Pale, Battalion 3 nih mine 12 le bomb 4 in a Voi 4nak an an puah hnawh hna. Minute tlawm i kah nak zong a um. Ralhrang Motor Pali cu a kal kho ti lo, Ralhrang zong 15 nak tlawmlo an thi. Hliamhma a pu mi zong an tam tiin PDF-Pale pakhat nih Mizzima ah a chim. Credit: The Chin Post