Online In Thil A Zuar Mi Nih Registration(Licence) Tuah Dih Dingin SAC Nih Nawl An Chuah Myanmar ramchung ah online in thil a zuartu le chawlehnak a tuahtu hna cu license registration tuah ding in SAC nih nawl an chuah i, an tuah lo ahcun thla 6 in kum 3 tiang thong thlak leng ah phaisa Kyats sing 5 liamter nan si lai, tiah cathanh an chuah.
Online in thil a zuartu hna le chawlehnak a tuahtu hna cu thla 6 chungah registration tuah hrimhrim ding in nawl an chuah i, nawl an zulh lo a si ahcun phung ning bantuk in a tlawmbik thla 6 in kum 3 tiang thong thlak khawh a si pinah Kyats sing 5 liamter an si lai, tiah an langhter.
Online thilzuartu hna nih SAC nawlchuah mi cu an duh lo ngai i, ngunkhuai kholh in phaisa hmuh an duh ruangah a si, tiah an chim. Myanmar ram buai hnu in rian a har chin ruangah online in thil a zuarmi le chawlehnak a tuahmi an karh i, mi tampi nih pawcawmnak ah an hman, tiah theih a si. Credit: The Chi Post
Relchap: Kanpetlet Peng ah SAC Ralhrang 6 Thah An Si Kanpetlet peng Hmangtaung lamton ah Mipi Ralkap nih SAC Ralkap Mi 6 nn kah thah tiah theih a si. Chin ramkulh, Kanpetlet peng, Hmangtaung lamton ah SAC ralkap cu mipi ralkap nih an kah hna. Hi kahnak ah, Ralhrang ralkap 6 an thi tiah Minbo pengkomh Battalion 6 nih an thanh.
July 21 zing 11:30 ah SAC keralkap battalion 304, le LID 88 phu 2 fonh ralkap thazang 100 rung cu mipi ralkap he minute 30 kahdohnak ah ralhrang lei in hmaisuang ralkap 6 cu mipi ralkap nih an kahthah hna tiah theih a si. Atu kahdohnak ah, Kho Nu CDF, Minbo pengkomh battalion 3, 6 phu 3 fonh tamrual in kahdohnak an tuah. Credit: The Chinland Post
Relchap: Ralhrang nih an cunglei hraangbawi le an hlen hna Ralhrang news nih July 20 ah CDF sakhan( auto tlang) kan laak tiah mithi ruak pathum an taarmi hi a diklo mi a si. Mah mithi pathum an post mi ahcun cdf uniform hruk mi pahnih le civil angki hruk mi pakhat he tiah pathum kan thah hna tiah an media fifty tow fb page ah an taar.
Mah hi ralhrang nih lem an can chommi a si tiah kan hlathlai nak in le civil angki aa hrukmi bankhih zoh tikah vanni thluachuah hmuhnak (lucky) caah buddish hna nih an i khih tawnmi a si.Mah btk bankhih khi Laimi le a bikin Krihfa nih kan hmang lo. Credit: Salai William
Relchap: Hramhram Hneknak le Thinphannak Tangah Raltu Ding Mi ‘Non-CDM’, Phaung Gyi le Zee Pin Gyi Cawnnak Atu lio khuachung lamtonnak kip ralvennak hmun ah Police le uniform lo in meithal a put mi cu hmuh awk an tam pi cang. Mah hna cu Pyusawhti le Pyituhsit si loin meithal tlaimi SAC saltang Non-CDM Ralkap rual hna an si.
Nai hrawng thawngpang a lengmi cu SAC ralkap nih Non-CDM pawl cu ဗဟိုဝန်ထမ်းတက္ကသိုလ် (Civil Service Academy) training ah, Raldohnak le meithal hmanthiamnak te pawl biatak deuh in an cawnpiak cang hna timi a si. Nihin Non-CDM rual cu hriamtlai in raltu ding tiah thawngthanhnak a tuah nak cu cozah riantuan chung in theih a si.
Non-CDM le SAC ralkap pawl nih khuachung lutnak gate, motor -terminal gate, airport check gate, le khuachung mipi umnak hmun paoh ah mingaitu le check gate ah security an tuanter hna tiah theih a si.
Atu Phaung Gyi le Zee Pin Gyi [ဗဟိုဝန်ထမ်းတက္ကသိုလ် (ဖောင်ကြီး)] ah Non-CDM training a kai mi tam deuh cu a hlan bantuk qualified (a za bakmi) cozah riantuan an tlawn cang tiah theih a si.
Myanmar ram hmun tam deuh ah CDM a tuahmi an tam caah mah hna aiawh ah SAC nih an kuttang zung riantuan ding in a kawhauh deuh mi an si caah hruai zia thiam (Management, Administration & Leadership) lei an thiam ti lo caah training petu saya hna he buainak a um lengmang tiah naihniam Non-CDM a tuahmi chungin theih a si.
Nihin Myanmar ram Civil Service Academy ဗဟိုဝန်ထမ်းတက္ကသိုလ် ah Politics lei cawnnak ah NLD, Aung San Su Kyi nih 2020 kum Democracy thimnak phun ning lo in me an tuah, 2028 Contribution bantuk tein SAC nih thimnak thar a tuah than lai i mipi sin uknak a pek than lai tiah Politic an cawn piak hna.
Myanmar ram chung ah Civil Service Academy hi hmun 2 ah a um. Phaung Kyi ဗဟိုဝန်ထမ်းတက္ကသိုလ်( Lower Myanmar) le Mandalay peng, Zee Pin Gyi (Upper Myanmar) hna an si.
Lower Myanmar caah Hleiku peng in chaklei meng 18 aa hlatnak, Yangon in meng 50 le Bagu Yoma tlang a hnu lei tlangcung umnak Phaung Kyi khua ah ser mi sianginn a si. Inn an sak mi riantuan vialte umnak inn, Sii-inn, Primary Sianginn, Library, Hall inn pi hmun ah 222.64 acre a kau. Thlaicinnak, training ground le meithal kap cawnnak hmun le a dang lentecelh vialte fonh ah 3000 acre a kau tiah theih a si.
Upper Myanmar caah နိုင်ငံ့ဝန်ထမ်းတက္ကသိုလ် (အထက်မြန်မာပြည်) Mandalay ramthen, Pyin Oo Lwin peng, Zee Pin Gyi khua pawngkam a um. Mandalay in Meng 24 leng aa hlatnak ah a um. Sianginn hmun a kau hi 905.10 acre a si. Zee Pin Gyi i Civil Service Academy sianginn a hmai ah Yatana Cyber city, Chaklei ah Myanmar Police, Police Officer training school, tiin training kai khawhmi hmun tampi an um.
SAC ralhrang nih 2021 kum uknak a lak hnu in Non-CDM pawl cu ဗဟိုဝန်ထမ်းတက္ကသိုလ် Civil Service Academy (Lower Myanmar), Civil Service Academy (Upper Myanmar) hmun ah meithal kah le hriam tlaih thiamnak cu fakpi in cawnpiak nak a tuah.
“A hlannak in nihin training ah raltuk thiamnak fak deuh in cawn a si cang. A hlan bantuk management, leadership tbk. hruai thiamnak kong cawn can a tlawm tuk, a herh ahcun hriamtlai in raltu dingin timhlanghnak ngei cio ding tiah” cawnpiaktu hna sin in an chim ton tiah training a kai mi Non-CDM min langhter duh lo sin in theih a si.
