Ralhrang mawtaw Hakha an phan

Ralhrang mawtaw Hakha an phan
=======
Kalay in Hakha lei ah a kalmi ralhrang mawtaw thluan cu March 6 zaanlei sml 5:30pm hrawng ah Hakha khua chung an rak lut cang tiah thawng theih a si. Khuami pakhat nih “Mawtaw thluan cu a sau bak. Pa zeizah an si bal kan rel ngam lo. Zaanlei mui lai ah khan an rak phan” tiah The Chinland Post ah a chim.

Ralhrang mawtaw thluan hi Falam le Hakha kar ah CNA, CDF le CNDF hna bawm in zarhkhat chung an kah hna caah a tlawmbik 80 cu an thi lai tiah thawng theih a si.

Tutan caah cun Kalay in Halkha lei rak kai ralhrang kong ka postmi a donghnak si chung rih lai. A ruang cu an tumram Halkha khualipi an luh cang caah. An kir lei ah thawngpang thanh khawh ka zuam tthan te lai.

Kalay in Halkha rak kaimi ralhrang hi Thlanrawn in Halkha phak lai tiang kahdoh an si. Zapi tuak ning cio ah le media tthenkhat post mi tuak chih in ralhrang hi 80 poh cu an thi lai tiah zumh cio mi a si. Ralhrang liamtuar tucu an tamtuk ko ti vial in si rih sehlaw.

Tucu Halkha thar ah an motor rual an kal lio pi a si. Hi ralhrang nih Chin ralkap le Chinmi nunnak an lakmi hna, Inn le Lo an khangh mi pinah ralhrang kutneh in hliamtuar vial te ka thinlung dih lak in kan tuarpi dih hna tikha hun langhter ka duh.

Hi ralhrang motor rual hi Halkha ah sau caam dawh an silo. Halkha Thongtla hna kalay leiah phorh pah in kir tuan an itim tiah zumh a si.

Hniarlawnthar ah Pastorpa Inn Telh in Inn 2 an Kaang, Nutung Pakhat an Hliamh. SAC ralhrang nih Hakhathar, Nahau tlang in Hniarlawnthar lei ah bomb in an kah caah Baptist pastorpa inn telh in inn 2 an kangh pin ah nutung pakhat zong an hliamh, tiah thawng kan theih.

“Nihin zinglei sml. 10:00 hrawng ah khan Nahau tlang in Hniarlawnthar lei ah an kah. Khuachung ah bomb an tla. Baptist pastorpa inn le a pawng inn pakhat an ciam dih. Nutung pakhat zong a liang ah hliam fak a pu,” tiah minung pakhat nih The Chin Journal ah a chim.

Chuncung lei in a rak rami SAC ralhrang pawl cu Hakha lei in SAC ralhrang nih motor in an don hna i, lampi ah CDF/CNA he kahdohnak pehzul in a chuak.

SAC ralhrang pawl hi Hakha khua ah an lut deng cang. Hakhathar, 6-Lamton an phan deng cang. Nihin zinglei SAC ralhrang nih an kahmi bomb hi Hniarlawnthar khuahriang ah voi 4 an tla i khua laicer ah voi khat a tla. Credit: Salai William HC, The Chin Journal

Rihkhawdar Kahdohnak ah SAC Ralhrang 5 an Thi, Tam Ngai an Hliamh Hna. Nihin March 5 zinglei sml. 5:55 ah Falam peng, Rihkhawdar khua SAC ralhrang sakhaan cu CNA, CNDF, CDF-Hualngo, CDF-Siyin le PDF-Zoland nih an vung doh i ralhrang 5 an thi, tiah PDF-Zoland nih thawngpang an chuah.

Kap hnih i kahnak suimilam pakhat le cheu a rau i ralhrang lei hliamhma a pumi zong an tampi tiah an langhter. Nihin zinglei kahdohnak ruang ah Rihkhawdar khuami 1,000 leng cu India lei Zokhawthar ah an zaam tthan hna. Kan hnu January 29 zong ah khan Rihkhawdar kahdohnak a rak chuak cang. Cu lio ah cun khuami 1,000 leng an rak zaam hna.

Chin Hriamtlai phufonh nih Ralhrang Sakhan Thar An Phomh! Chin ramkuh, Rikhawdawr khuapi pawng um ralhrang sakhan pakhat cu CJDC phufonh nih an kah hna caah khuami minung 1000 leng an zam, tiah thawngpang theih a si.

Myanmar le India ramri ah a ummi Rikhawdar khuapi pawng le Haimual khua pawng khuamawi khua kam um ralhrang sakhan pakhat cu nihin March 5, 2022 ni suimilam 5:00 hrawng ah Chin hriamtlai phufonh nih an luhhnawh i, an phomh hna, tiah thawngpang tha theih a si.

Chin ramkulh, Rikhawdar khuapi, No. 2 sang, Tio tiva kam tlangpar ah ralhrang pawl nih sakhan pakhat an sak thar mi a um i, mah cucu Chin hriamtlai phufonh nih an kah hna hi, a si. Hi kong he pehtlai in kaphnih kar ah a thi mi um le um lo, thawng fiang in theih khawh a si rih lo.

January 29, 2022 ni thawk in Ralhrang phu le Chin hriamtlai phufonh kaphnih karlak kahpdohnak ruangah Rikhawdar khuami 1000 leng cu India lei ah an zam hna. Rikhawdar khuapi pawng kar dohnak fak in a um ruangah India ram lei nih ramri hngak security zong an chap, tiah theih a si.

Nihin zingka arkuang ah Haimual khua pawng Khuamawi khua kam um ralhrang camp Chin ralkap CJDC phufonh nih an kah lio hna video cu Mizoram lei in an thlak i, social media ah a hun lar manh.

Pu Ngun San Aung Nih February Thla a rak chim mi! Minute 5 kal a si mi Dokthek le Chuncung kar. SAC ralhrang ekceh pawl nih nikhat ah an phan ceo a si. Tuzaan an riak khomen, Atu tiang an dirhmun.

Tlangzar in Chungcung kar ah minung a sawm sawm in SAC uico pawl an thi. Fuck Min Aung Hlaing, Fuck Ngun San Aung
Ngun San Aung nih February thla a rak chimmi.

“Laitlang hi keimah ka tuan lo ahcun miphun dang nih an tuan lai kan thangcho kho lai lo. Cun, Pathian le mipi hmai ah kum khat bak lawng ka tuan lai tiah bia kaa kam,” a rak ti. Feb 1 ah ka chawnh, “Ka tuan rih ko lai,” tiin a ka leh. Fuck Ngun San Aung

CNA nih ralhrang pawl bomb in an phomh hna, ralhrang a thi mi an tam! Dokthek le Chuncung kar ah CNA nih Council ralhraang pawl bomb in an phomh hna; ralhraang a thi mi an tam. Falam Peng le Hakha Peng ramri, Dokthek le Chuncung kar ah Hakha lei panh in a kalmi SAC ralhrang hna cu CNA le CDF i bawm in lampi cung ah bomb in an puah hna i a thi mi an tam tiah theih a si.

Hi bomb an puah hi 2022 March 3, zinglei sang ah a si i, “Dokthek le Ramthlo kar i kah hnu ah Dokthek ah zaan khat an riak. Tuzing hi Hakha lei ah lanh an i tim i Dokthek le Chuncung kar ah bomb in an phomh than hna hi a si,”. Hi bomb an puahnak ah SAC ralhrang lei a tlawm bik 10 an thi lai tiah ruahdamh a si. Cun Dokthek lonh Welcome Center inn an saknak hmai ah ralhraang ruak an pon hna.

kan biak Pathian nih tei nak in pe hram ko hna seh law.thlacem nak le ti khawh tawk in kan in bawmh ko hna. Lung a hmui khawh ning cu. Mah ciam mam kha pei a hmual pin kha. An thi dih ko lai. Mah bak ding si an thiam bak raldo an thiam chin lengmang ko hih kan ralkap pawl.

Pathian nih Ram leh Miphun ca nan rian tuan nak ah in hup phen ko hna seh law tei nak in pe hram ko seh. Bawipa bomhchan bu te in rak um zungzal uh tei nak cu bawipa kut ah a um ko e mi phun daw tu hna nan caah thlacam kan dai thlang lo.

Chin pasal tha CNA ralkap Salai Van Bawi Bik le Salai Za Hnin ruak cu nihin ah an vui hna. March 2, Kalay lei in a rak kai mi SAC ralhrang hna he Falam le Hakha kar raltuknak hmun ah nunnak a pe mi Salai Za Hnin le Salai Van Bawi Bik an ruak cu nihin March 3 ah an vui hna.

Miphun le ram runvennak ah nunnak a petu kan pasal hna ruak cu lumsa ngai in don le upatnak pek an si hnu ah an vui hna tiah kan theih. Ngeih a chia tuk e, maw ka thin kn in siang hna lo e, vanram tu in kn dong te ko kun u mu. kan ngeih a chia tuk ee tan tak mi chung khur Bawipa nih hmem ko hna seh.

Kan lung a fak tuk eetan tak mi chung khar pa thian nih hnem hram hna seh mu. Kan in philh kho hna lai lo maw pasaltha hna! Nan pekchanhnak cu kan miphun tthawnnak tu si lai. Kan nau te le Nan Liam Sia herh hlah u law ka ngeih chia tuk.

Hakhathar lam 6 tonnak ah kahdohnak a chuak, 2022 March 3 zinglei sang, Hakhathar lam 6 aa tonnak ah Chin ralkap CDF le SAC ralhraang hna karlak ah kahdohnak a chuak tiah thawng kan theih.

Pawngkam um mi hna nih, “Tuzing zinglei sang ahkhan kahdohnak thawng a thang. Bomb le meithal thawng ti cawk a si lo. SAC ralhrang lei a thimi le hliam a tuarmi an um pah,” tiah The Hakha Post ah an chim.

Hi kahdohnak ah ralhraang lei in pahnih an thi i rammi ralkap lei in a thi mi le hma pu an um lo tiah kan theih.
Atu banuk in kahdohnak a chuah hnu ah Rungtlang le Khuathar in bomb le meithal he tlerhkhawnnak, i hrocernak an tuah i khuami hna a herh lo ahcun leeng chuah lo ding fb cahmai ah ca an tar cio.

Dokthek khua pawngkam kahdohnak ah CNA Runno pakhat nih nunnak a pek than. Kalay in Hakha lei ah luh aa tim mi SAC ralhraang hna cu Chin National Army (CNA) nih an kah hna i, cu raltuknak ah cun CNA ralkap in Runno Salai Thiang Bik Lian nih miphun le ram ca ah a nunnak a pek than tiah kan theih.

Nihin Kahdohnak ah CNA Ralkap 2 an Nunnak a Liam. Nihin March 2, Falam le Hakha karlak kahdohnak ah CNA ralkap pahnih nih ram le miphun ca ah an nunnak an pek, tiah thanwgpang kan theih. A nunnak a liammi hna cu Salai Za Hnin le Salai Van Bawi Bik an si.

Kalay lei in motor 30 hrawng in a rak kaimi SAC ralhrang pawl cu February 24 ah Falam peng ah an phan i February 27 ah Hakha lei ah an rak lan. February 28 ah Falam peng, Thlanrawn khua pawng ah kahdohnak a chuak hmasa. Motorcycle in khual a tlawngmi Salai Tuan Nei Sum (23) cu Lungpi khua ah SAC ralhrang nih an tlaih i Taal le Tlangzar karlak ah ruru hranghrang in an thah.

Hakha lei ah a rak kaimi ralhrang pawl cu CNA le CDF nih nizaan le nihin ah hmun kip in an kah hna. Nihin kahdohnak ah CNA ralkap pahnih an nunnak a liam hi a si. Nihin kahdohnak a chuah hnu ah SAC ralhrang nih Dohthek khua zong an khangh.

Hakha le Falam karlak kahdohnak ah CNA ralkap 2 an nunnak a liam. Falam in Hakha lei ah a rak raami ralhraang mawtaw thluan 20 leng le tank 2 cu Chinland Defense Force (CDF) le Chin National Army (CNA) fonh in an kah hna. Cu kahdohnak ahcun CNA ralkap 2 nih ram caah an nunnak an pek tiah theih a si. Ralhrang lei zong hliamhma a pumi an tam ve tiah theih a si fawn.

A tutan kahdohnak ah a nunnak a pemi hna hi Salai Van Bawi Bik le Salai Za Hnin an si. Salai Van Bawi Bik cu Thantlang peng Dawn khuami a si i, Salai Za Hnin cu Ralpel khuami a si tiah kan theih. Ralhrang pawl Hakha lei an rat pah ah Ṭaal khua mipi inn hna cu an bauhpiak hna i an thil pawl an fir leng ah Dokṭhek khua cu zaanlei sml 5:00pm hrawngah an khangh chap tiah theih a si.

Ralhrang nih Dokṭhek khua an khangh. Chin ramkulh, Falam peng, Falam-Hakha lam cungah a ummi Dokṭhek khua cu ralhrang nih March 2 zaanlei sml 5:00pm hrawngah an khangh tiah theih a si.

Tuzing ah ralhrang le CDF/CNA cu Ramthlo le Dokṭhek khua karlak ah faak ngai in an i kap. Dokṭhek biakinn chanphio cu hriamngan nih a khen i mipi inn zeizah a kangh bel a fiang in theih a si rih lo tiah Zalen thawngzamh nih a langhter.