Ralbawi Tun Myat Naing Nih A Chimmi Hi A Dik Bak Rak Rel Ve Hmanh Uh

Kum 50 leng nan duh paoh in nan uk cang nain zei dah aum? 1. Kawlram chungah Electric mei a chuah nain mipi tampi nih kan hmang kho lo. 2. Facang tampi a chuah nain mipi paw kim tein kan ei bal lo. 3. Kan sifak tuk caah kan farnu le hna cu ramdang ah arnu hna an va tuan i, mi sal hna an va tuan, zei tluk in dah kan sifak i, kan ramchung ah rian an ser kho lo. Ralkap ting (3) leng nan um nain zeihmanh nan tuah khawhmi le an thiamnak a um lo.

4. Kawlram chungah cathiam sang tampi an chuah nain nan hmang hna lo, ramchung ah nan hmang hna lo. 5. Kawlram chungah lung thatha tampi a chuah nain Kataya lam tha a um bal lo. 6. Kawlram chungah thir tampi a chuah nain thim pakhat te hmanh nan tuah thiam lo. 7. Khairiat tlang tampi a um nain ramdang ah taya nan cawk peng.

8. Kawlram chungah vawlei chung thilri tampi a chuah nain Kawlram chung mipi nih a thathnemnak pakhat te hmanh kan hmuh kho lo. 9. Kawlram chungah sui le ngun tampi a chuah nain sui le ngun cu mipi nih dawhnak ah pakhat te hmanh kan hmang kho lo. 10. Fimthiam nak lei ah kan chambau tuk nain Kawl ralkap nih zeitik hmanhah fimthiam nak lei thancho lam nan kawl bal lo.

11. Kawlram rili chungin rawl thawthaw tampi a chuah nain Kawlram mipi nih rili chung rawl thawthaw kan ei bal lo, kan ei kho lo i ramdang ah nan kuat dih hna. 12. Uk ning phunglam zong tha tein kan ngeih ko nain, zikhnawhnak in a khat, nunthianghlim lo in a khat nain upadi ning tein tawlrelnak le uknak pakhat hmanh kan hmuh kho lo. 13. Vawlei cungah a tha bikmi biaknak kan ngeih ko, nain daih tein biaknak le uk hruainak a um kho lo. 14. A Dik a hmang in uk loin huatnak tu in an uk. 15. Ngandam lomi an um nain si tha tein an chuh hna lo an pek hna lo. 16. Khua caan a tha tuk ko nain cinthlak nak lei fimthiamnak an ngeih lo.

17. Ramkulh le ramthen chung thanchonak a um kho lo a tangah a tla nain mipi pawl fim cawnnak an pek hna lo. 18. Vuanci zung tampi a um nain ningcang loin rian an tuan tha tein dantatnak an tuah hna lo. 19. Thing thatha tampi a chuah nain mipi nih kan hmang kho lo. 20. Vawlei cungah milu tampi ramhnih karlak ah kan um nain thilri pawl zuar ei kan thiam lo. 21. Vawleicung cathiam sang a cawng kho ding le a tuaktan khomi tampi an um nain cawnnak nawl an pek hna lo.

22. Kawlram chungah palhnak lawng an kawl hna i, remhpiak a um bal lo. 23. Democracy ram kan ser ko nain uknak thalo ruangah Democracy rim an hrawk. 24. Vawleicung minthang hruai khotu an um nain uknak nawl an pe hna lo. 25. Kum 50 leng uknak an lak cang nain nihin ni tiang thanchonak timi pakhat hmanh a um lo. Asia ramchung ah a rum bik Kawlram pi cu nanmah pawl tuahsernak ruangah vawleicung a sifak bik ram ah nan cang ter.