Ral Kan Thawk Cang Lai, tiah Thawngthanhnak An Tuah!
Breaking News: Zomi Revolution Army Nih Ral Kan Thawk Cang Lai, tiah Thawngthanhnak An Tuah!
=========
Zomi Revolution Army hriamtlai phu nih raltuk kan thok cang lai, Mipi zawn kan ruah caah ral kan tuklonak asi nain Zomi Revolution Army Battalion 5 le Brigade 3 hruainak in Chinram ah ral kan tu cang lai tiah cathanh an chuah. Kawl ralhrang maw an tuk hna lai? Chin ralkap pawl dah timi cu an ttiallo caah hngalh a silo.
PDF Zoland hruaitu pakhat nihcun ZRA hi thazaang a petu mipi nih kawl ralkap kah ding ah an namluh (fial) hna caah si le hodah kan kah lai ti zong an ttiallo caah an bia sawhsawh lawng si kho men. Chin ralkap an kan kah sual ahcun lawinak (tlunnak) ding lam an ngei ti lai lo, tiah a chim.
Kalay to Taingen News Update! Chin Ralkap ttangrual hna nih Kawl Ralhrang Meithal zun 4 an laak khawh. (Hmanthlak hi Meithal zun khat an char hlan ta si) Atu tiang ah Kawl ralhrang pawl cu Kalaymyo in Laitlang lei ah hmai nawr kho loin Hiangzing khua ah an taap peng rih.
Tuzing 7:50 am ahkhan Kalay University ah hmunkhuarmi Ralhrang hna nih hmunhlaat kahnak miakpi in Laitlang lei hehchet an kah. Nizan kahdohnak ah ralhrang ruak hnih hmuh a si leng ah Meithal zunkhat an char chap, Ralhrang Meithal zun 4 le zenkuan zeimawzat Chin ralkap hna nih an laak khawh cang.
Nizan kahdohnak ahkhan Ralhrang nih Jet Vanlawng in bom an thlak ruang ah Chin ralkap hliamfaakmi lak ah CNA lei in Sergeant Pum Tuan ThangPuia nih ram le miphun caah a nunnak a pek. Mipi Ralkap aa hliammi dang minung 6 hna cu a himnak hmun ah phanhpi in an thlawpbul cuahmah hna.
Taingen khua pawng hrawnghrang kahdohnak ah Chin ralkap lei in CNA, PDF Zoland, CDM Siyin, Zogam Army, PDA, CNDF an si i, Zomi PDF le Kalay PDF zong nihin ah an hung phan cang i, an dihlak in hmunkhat ah Kawl ralhrang rual rak hmaichon dingin an ttangtti.
Kalay-Laitlang Lamthluan Cung Kahdohnak ah Chin Ralkap nih Ralhrang Ralhriam Chaukhat an Lak. January 13 in aa thawkmi Kalay-Laitlang lamthluan cung kahdohnak ah CNA, PDF-Zoland, CDM-Siyin, PDA, CNDF, Zogam Army le Zomi-PDF nih SAC ralhrang meithal 4 le a dangdang ralhriam cheukhat an lak khawh hna.
Nizaan January 15 ah SAC ralhrang nih vanlawng in an kah hna caah CNA Sergeant Pum Tuan Thang (Thangpi) a nunnak a liam. Kalay in SAC ralhrang pawl Laitlang lei an rak kai caah January 13 zinglei sml. 10:00 hrawng in kahdohnak aa thawk hi a si.
Kalay-Laitlang Lampi ah CNA, PDF-Zoland, CDM-Siyin, PDA, CNDF le SAC Ralhrang Karlak Kahdohnak a Fak. Kalay-Laitlang motor lampi Tedim peng chung ah CNA, PDF -Zoland, CDM-Siyin, PDA, CNDF le SAC ralhrang karlak ah kahdohnak pehzul in a um tiah PDF-Zoland nih nihin ah thawngpang an chuah.
Kalay in SAC ralhrang pawl Laitlang lei an rak kai caah January 13 zinglei sml. 10:00 hrawng in kahdohnak aa thawk hi a si. Mipi ralkap lei nih lamthluan tluang hmun kip in an kah hna caah SAC ralhrang lei a thimi le hliamhma a pumi an tam i, nihin January 15 ah ralhrang nih Fighter vanlawng pahnih hmang in Taingen hrawng ah mipi ralkap an kah hna.
Cu lawng si loin Kalay University in SAC ralhrang pawl nih miakpi in Laitlang lei pehzul in an kah. Mipi ralkap lei in hliam a pumi minung 7 an um i, minung 4 an hliamhma a fak, tiah PDF-Zoland nih thawngpang an chuah. Credit: The Chin Journal