R.I.P.Samuel Pasaltha Tling Na Si.Upatnak Kan Peek;
=============
Tutan Hakha peng i kahnak ah kan nau a si mi,Samuel cu ral kut in a nunnak a liam ve tiah kan theih cu lung a ttha hrimhrim lo,a FB MD ah ti hin nai te ah khan a ttial.”Kan thi rih lai lo,kan luat ko lai.Kan ral cu kan tei ko hna lai,a ti.
Samuel hi India ram ah Bible Siangin a kai mi a si i a siangin kai a dih lai te ah Delhi ah a rak ra ta i Hakha Community nih Nikum 2022,October thla dih lai te in Tlaangzuamnak Bawlung puai ah khan,Lautu & Vailam lei ah bawlung zong a kan chuih piak i a mah nih hin kawl tam ngai zong a kawl i kan rak i lawm ngaingai.
Samuel ni a chim mi cu,”Kei cu ka Siangin kai ka dih hin cun kan ram le miphun caah zeidang ruatlo in ka tlung lai i ral ka va do cawlh ko lai.Kan fiim kanthiamnak hi kan miphun caah kan hman ding a si.
Cun,kan thazaang le kan chawva zong hi kan miphun le ram caah kan hman awk a si,a ti.A chim bantuk tein a tlung i a tu raldohnak ah a nunnak a liam taktak.Samuel miphun le ram caah nunnak a liam mi na hawi le hna he kan in siang hrimhrim hna lo,nan thisen a chuak mi le nan nunnak nan peek mi hi a lak a si lai lo,Bawipa nih a rauh hlanah kan miphun le ram thatnak caah a hman te ko lai.R.I.P.
Chin Mi Kan Dihlak Thlacamnaak In Ttang Zawzawk Rih Hna Usih; 26 May 2023 khan ralhraang hna nih cun Hakha in Thantlang lei hoih in an thazaang tampi he an pawk hna,an kal pah ah Rungtlang lei in piakpi hmangin an kalnak ding lampi an kah,Vanlong in heh tiah bomp an thlak piak chih fawn hna,hi ralhraang hna hi phu 2 in an kal i an voikhat pawhnak he zahan i 40 tluk an kalter tthan mi han he cun ralhrang hi 25 tluk cu an pok cang tiah theih a si.
Nihin 29May chun suimilam 10 am tluk ah khan Hakha ram chung Pialva dong lei an phan i hi tlawmpal hin cun ,Thantlang peng,Khuafo ramri a si cawlh cang ti a si.Hi zawn ah hin Chin pasalttha hna nih an rak kham hna i faakpi in an i kaap cuahmah tiah theih a si.Cucaah ralhraang nih Vanlong hmangin an kah cawlh chih hna e,an ti.
Cucaah Khrihfa mi hna nih a nung mi kan Pathian sin ah donglo in bawmhnak hal in thla kan cam ve lengmang kha kan pasalttha hna nih an hriamnam ttha bik a si ti thei in kan pasalttha hna caah thlacamnak cu ngei peng dingin sawm dih kan si.CDF,CNA,Bawipa nih in kilveng hna selaw himte in in chia hna selaw teinak zong an pe ko hnaseh.
Thawngpaang Theih Nuam Ngaingai Pakhat Si Cang Hih; Hmunkhat Ah Ral Dohṭi Ding In KIA Le TNLA Cu Hnatlaknak An Ngei.Hmunkhat ah hramhram uknak a dongh tiang dohṭi ding in Kachin Independence Army(KIA) le Ta’ang National Liberation Army(TNLA) cu hnatlaknak an ngei. KIA Le TNLA cu May thla zarh hnihnak ah khan Kachin ram chung ah kaphnih in tonnak an ngei i, ceihmainak an ngeih hnu ah ral dohṭi ding i hnatlaknak an ngeih kong cu an thanh. Kachin ram le Shan ramkulh ramri ah a cawlcang mi tlangcung hriamtlai hna kar i kahdohnak a chuah hnu ah KIA le TNLA cu atu bantuk in tonnak an ngei, tiah RFA nih a ṭial.
A hlan lio i ṭangṭi phu hriamtlai sinak biahren cu kan tlaihtleng a si zungzal lai i, Kachin ram le Shan ramkulh chung ah a ummi hna himnak papek in rianṭuan ding le rithaisii dohnak zong kan ṭuanṭi lai, tiah kaphnih nih an langhter. SAC doh ding in a dormi PDF pawl cu KIA le TNLA nih an ramchung ah luhnak nawl an pek hna i, raltuk an chimh hna, tiah theih a si.